ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1086 ਜੀਵ ਅਨਮਨੋ ਕਿਤਕ ਦਿਨਨ; ਤਾ ਕੋ ਭਯੋ ॥ जीव अनमनो कितक दिनन; ता को भयो ॥ ਤਾ ਤੇ ਜਸਵੰਤ ਸਿੰਘ ਨ੍ਰਿਪਤਿ; ਸੁਰ ਪੁਰ ਗਯੋ ॥ ता ते जसवंत सिंघ न्रिपति; सुर पुर गयो ॥ ਦ੍ਰੁਮਤਿ ਦਹਨ ਅਧਤਮ ਪ੍ਰਭਾ; ਤਹ ਆਇ ਕੈ ॥ द्रुमति दहन अधतम प्रभा; तह आइ कै ॥ ਹੋ ਤਰੁਨਿ ਇਤ੍ਯਾਦਿਕ ਤ੍ਰਿਯ; ਸਭ ਜਰੀ ਬਨਾਇ ਕੈ ॥੫॥ हो तरुनि इत्यादिक त्रिय; सभ जरी बनाइ कै ॥५॥ ਡੀਕ ਅਗਨਿ ਕੀ ਉਠੀ; ਰਾਨਿਯਨ ਯੌ ਕਿਯੋ ॥ डीक अगनि की उठी; रानियन यौ कियो ॥ ਨਮਸਕਾਰ ਕਰਿ ਸਪਤ; ਪ੍ਰਦਛਿਨ ਕੌ ਦਿਯੋ ॥ नमसकार करि सपत; प्रदछिन कौ दियो ॥ ਕੂਦਿ ਕੂਦਿ ਕਰਿ ਪਰੀ; ਨਰੇਰ ਨਚਾਇ ਕੈ ॥ कूदि कूदि करि परी; नरेर नचाइ कै ॥ ਹੋ ਜਨੁਕ ਗੰਗ ਕੇ ਮਾਝ; ਅਪਛਰਾ ਆਇ ਕੈ ॥੬॥ हो जनुक गंग के माझ; अपछरा आइ कै ॥६॥ ਦੋਹਰਾ ॥ दोहरा ॥ ਬਿਤਨ ਕਲਾ ਦੁਤਿਮਾਨ ਮਤਿ; ਚਲੀ ਜਰਨ ਕੇ ਕਾਜ ॥ बितन कला दुतिमान मति; चली जरन के काज ॥ ਦੁਰਗ ਦਾਸ ਸੁਨਿ ਗਤਿ ਤਿਸੈ; ਰਾਖਿਯੋ ਕੋਟਿ ਇਲਾਜ ॥੭॥ दुरग दास सुनि गति तिसै; राखियो कोटि इलाज ॥७॥ ਮੇੜਤੇਸ ਥਾਰੇ ਉਦਰ; ਸੁਨਿ ਰਾਨੀ! ਮਮ ਬੈਨ ॥ मेड़तेस थारे उदर; सुनि रानी! मम बैन ॥ ਮੈ ਨ ਮਿਲੌ ਹਜਰਤਿ ਤਨੈ; ਜਾਸਾਂ ਅਪਨੇ ਐਨ ॥੮॥ मै न मिलौ हजरति तनै; जासां अपने ऐन ॥८॥ ਚੌਪਈ ॥ चौपई ॥ ਤਬ ਹਾਡੀ ਪਤਿ ਸੌ ਨਹਿ ਜਰੀ ॥ तब हाडी पति सौ नहि जरी ॥ ਲਰਿਕਨ ਕੀ ਆਸਾ ਜਿਯ ਧਰੀ ॥ लरिकन की आसा जिय धरी ॥ ਛੋਰਿ ਪਿਸੌਰ ਦਿਲੀ ਕੌ ਆਏ ॥ छोरि पिसौर दिली कौ आए ॥ ਸਹਿਰ ਲਹੌਰ ਪੂਤ ਦੋ ਜਾਏ ॥੯॥ सहिर लहौर पूत दो जाए ॥९॥ ਜਬ ਰਾਨੀ ਦਿਲੀ ਮੌ ਗਈ ॥ जब रानी दिली मौ गई ॥ ਹਜਰਤਿ ਕੌ ਐਸੀ ਸੁਧਿ ਭਈ ॥ हजरति कौ ऐसी सुधि भई ॥ ਸੋਊਅਨ ਕਹਿਯੋ ਇਨੈ ਮੁਹਿ ਦੀਜੈ ॥ सोऊअन कहियो इनै मुहि दीजै ॥ ਤੁਮ ਮਨਸਬ ਜਸਵੰਤ ਕੋ ਲੀਜੈ ॥੧੦॥ तुम मनसब जसवंत को लीजै ॥१०॥ ਰਨਿਯਨ ਕੋ ਸਊਅਨ ਨਹਿ ਦਯੋ ॥ रनियन को सऊअन नहि दयो ॥ ਹਜਰਤਿ ਸੈਨ ਪਠਾਵਤ ਭਯੋ ॥ हजरति सैन पठावत भयो ॥ ਰਨਛੋਰੈ ਇਹ ਭਾਂਤਿ ਉਚਾਰੋ ॥ रनछोरै इह भांति उचारो ॥ ਨਰ ਕੋ ਭੇਸ ਸਭੈ ਤੁਮ ਧਾਰੋ ॥੧੧॥ नर को भेस सभै तुम धारो ॥११॥ ਖਾਨ ਪੁਲਾਦ ਜਬੈ ਚੜਿ ਆਏ ॥ खान पुलाद जबै चड़ि आए ॥ ਤਬ ਰਨਿਯਨ ਯੌ ਬਚਨ ਸੁਨਾਏ ॥ तब रनियन यौ बचन सुनाए ॥ ਹਮੈ ਨਗਜ ਸੈਨਾ ਮੌ ਦੀਜੈ ॥ हमै नगज सैना मौ दीजै ॥ ਹਿੰਦੂ ਧਰਮ ਰਾਖਿ ਕਰਿ ਲੀਜੈ ॥੧੨॥ हिंदू धरम राखि करि लीजै ॥१२॥ ਨਾਵਨ ਕੌ ਸੁਭ ਵਾਰੋ ਦਿਯੋ ॥ नावन कौ सुभ वारो दियो ॥ ਬਾਲਨ ਸਹਿਤ ਦੇਸ ਮਗੁ ਲਿਯੋ ॥ बालन सहित देस मगु लियो ॥ ਰਜਪੂਤਨ ਰੂਮਾਲ ਫਿਰਾਏ ॥ रजपूतन रूमाल फिराए ॥ ਹਮ ਮਿਲਨੇ ਹਜਰਤਿ ਕੌ ਆਏ ॥੧੩॥ हम मिलने हजरति कौ आए ॥१३॥ ਤਿਨ ਕੌ ਕਿਨੀ ਨ ਚੋਟਿ ਚਲਾਈ ॥ तिन कौ किनी न चोटि चलाई ॥ ਇਹ ਰਾਨੀ ਹਜਰਤਿ ਪਹ ਆਈ ॥ इह रानी हजरति पह आई ॥ ਤੁਪਕ ਤਲੋ ਤੈ ਜਬੈ ਉਬਰੇ ॥ तुपक तलो तै जबै उबरे ॥ ਤਬ ਹੀ ਕਾਢਿ ਕ੍ਰਿਪਾਨੈ ਪਰੇ ॥੧੪॥ तब ही काढि क्रिपानै परे ॥१४॥ ਜੌਨੈ ਸੂਰ ਸਰੋਹੀ ਬਹੈ ॥ जौनै सूर सरोही बहै ॥ ਜੈਬੋ ਟਿਕੈ ਨ ਬਖਤਰ ਰਹੈ ॥ जैबो टिकै न बखतर रहै ॥ ਏਕੈ ਤੀਰ ਏਕ ਅਸਵਾਰਾ ॥ एकै तीर एक असवारा ॥ ਏਕੈ ਘਾਇ ਏਕ ਗਜ ਭਾਰਾ ॥੧੫॥ एकै घाइ एक गज भारा ॥१५॥ ਜਾ ਪਰ ਪਰੈ ਖੜਗ ਕੀ ਧਾਰਾ ॥ जा पर परै खड़ग की धारा ॥ ਜਨੁਕ ਬਹੇ ਬਿਰਛ ਪਰ ਆਰਾ ॥ जनुक बहे बिरछ पर आरा ॥ ਕਟਿ ਕਟਿ ਸੁਭਟ ਧਰਨਿ ਪਰ ਪਰਹੀ ॥ कटि कटि सुभट धरनि पर परही ॥ ਚਟਪਟ ਆਨਿ ਅਪਛਰਾ ਬਰਹੀ ॥੧੬॥ चटपट आनि अपछरा बरही ॥१६॥ ਦੋਹਰਾ ॥ दोहरा ॥ ਰਨਛੋਰੈ ਰਘੁਨਾਥ ਸਿੰਘ; ਕੀਨੋ ਕੋਪ ਅਪਾਰ ॥ रनछोरै रघुनाथ सिंघ; कीनो कोप अपार ॥ ਸਾਹ ਝਰੋਖਾ ਕੇ ਤਰੇ; ਬਾਹਤ ਭੇ ਹਥਿਯਾਰ ॥੧੭॥ साह झरोखा के तरे; बाहत भे हथियार ॥१७॥ ਭੁਜੰਗ ਛੰਦ ॥ भुजंग छंद ॥ ਕਹੂੰ ਧੋਪ ਬਾਂਕੈ ਕਹੂੰ ਬਾਨ ਛੂਟੈ ॥ कहूं धोप बांकै कहूं बान छूटै ॥ ਕਹੂੰ ਬੀਰ ਬਾਨੀਨ ਕੇ ਬਕਤ੍ਰ ਟੂਟੈ ॥ कहूं बीर बानीन के बकत्र टूटै ॥ ਕਹੂੰ ਬਾਜ ਮਾਰੇ ਗਜਾਰਾਜ ਜੂਝੈ ॥ कहूं बाज मारे गजाराज जूझै ॥ ਕਟੇ ਕੋਟਿ ਜੋਧਾ ਨਹੀ ਜਾਤ ਬੂਝੇ ॥੧੮॥ कटे कोटि जोधा नही जात बूझे ॥१८॥ |
|
|
|
|
Dasam Granth |