ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 938 ਚੌਪਈ ॥ चौपई ॥ ਆਨਿ ਪਰੇ ਤੇ ਸਕਲ ਨਿਬੇਰੇ ॥ आनि परे ते सकल निबेरे ॥ ਉਮਡੇ ਔਰ ਕਾਲ ਕੇ ਪ੍ਰੇਰੇ ॥ उमडे और काल के प्रेरे ॥ ਜੇ ਚਲਿ ਦਲ ਰਨ ਮੰਡਲ ਆਏ ॥ जे चलि दल रन मंडल आए ॥ ਲਰਿ ਮਰਿ ਕੈ ਸਭ ਸ੍ਵਰਗ ਸਿਧਾਏ ॥੧੬॥ लरि मरि कै सभ स्वरग सिधाए ॥१६॥ ਐਸੀ ਭਾਂਤਿ ਸੈਨ ਜਬ ਲਰਿਯੋ ॥ ऐसी भांति सैन जब लरियो ॥ ਏਕ ਬੀਰ ਜੀਯਤ ਨ ਉਬਰਿਯੋ ॥ एक बीर जीयत न उबरियो ॥ ਤਬ ਹਠਿ ਰਾਵ ਆਪਿ ਦੋਊ ਧਾਏ ॥ तब हठि राव आपि दोऊ धाए ॥ ਭਾਂਤਿ ਭਾਂਤਿ ਬਾਦਿਤ੍ਰ ਬਜਾਏ ॥੧੭॥ भांति भांति बादित्र बजाए ॥१७॥ ਤੁਰਹੀ ਨਾਦ ਨਫੀਰੀ ਬਾਜੀ ॥ तुरही नाद नफीरी बाजी ॥ ਸੰਖ ਢੋਲ ਕਰਨਾਏ ਗਾਜੀ ॥ संख ढोल करनाए गाजी ॥ ਭਾਂਤਿ ਭਾਂਤਿ ਮੋ ਘੁਰੇ ਨਗਾਰੇ ॥ भांति भांति मो घुरे नगारे ॥ ਦੇਖਤ ਸੁਰ ਬਿਵਾਨ ਚੜਿ ਸਾਰੇ ॥੧੮॥ देखत सुर बिवान चड़ि सारे ॥१८॥ ਜੋ ਬਿਕ੍ਰਮਾ ਤਿਹ ਘਾਇ ਚਲਾਵੈ ॥ जो बिक्रमा तिह घाइ चलावै ॥ ਆਪਿ ਆਨਿ ਸ੍ਰੀ ਚੰਡਿ ਬਚਾਵੈ ॥ आपि आनि स्री चंडि बचावै ॥ ਤਿਹ ਬ੍ਰਿਣ ਏਕ ਲਗਨ ਨਹਿ ਦੇਵੈ ॥ तिह ब्रिण एक लगन नहि देवै ॥ ਸੇਵਕ ਜਾਨਿ ਰਾਖਿ ਕੈ ਲੇਵੈ ॥੧੯॥ सेवक जानि राखि कै लेवै ॥१९॥ ਦੋਹਰਾ ॥ दोहरा ॥ ਦੇਵੀ ਭਗਤ ਪਛਾਨਿ ਤਿਹ; ਲਗਨ ਨ ਦੀਨੇ ਘਾਇ ॥ देवी भगत पछानि तिह; लगन न दीने घाइ ॥ ਬਜ੍ਰ ਬਾਨ ਬਰਛੀਨ ਕੋ; ਬਿਕ੍ਰਮ ਰਹਿਯੋ ਚਲਾਇ ॥੨੦॥ बज्र बान बरछीन को; बिक्रम रहियो चलाइ ॥२०॥ ਚੌਪਈ ॥ चौपई ॥ ਸਾਲਬਾਹਨ ਕੀ ਇਕ ਪਟਰਾਨੀ ॥ सालबाहन की इक पटरानी ॥ ਸੋ ਰਨ ਹੇਰਿ ਅਧਿਕ ਡਰਪਾਨੀ ॥ सो रन हेरि अधिक डरपानी ॥ ਪੂਜਿ ਗੌਰਜਾ ਤਾਹਿ ਮਨਾਈ ॥ पूजि गौरजा ताहि मनाई ॥ ਭੂਤ ਭਵਿਖ੍ਯ ਵਹੈ ਠਹਿਰਾਈ ॥੨੧॥ भूत भविख्य वहै ठहिराई ॥२१॥ ਤਬ ਤਿਹ ਦਰਸੁ ਗੌਰਜਾ ਦਯੋ ॥ तब तिह दरसु गौरजा दयो ॥ ਉਠਿ ਰਾਣੀ ਤਿਹ ਸੀਸ ਝੁਕਯੋ ॥ उठि राणी तिह सीस झुकयो ॥ ਭਾਂਤਿ ਭਾਂਤਿ ਜਗ ਮਾਤ ਮਨਾਯੋ ॥ भांति भांति जग मात मनायो ॥ ਜੀਤ ਹੋਇ ਹਮਰੀ ਬਰੁ ਪਾਯੋ ॥੨੨॥ जीत होइ हमरी बरु पायो ॥२२॥ ਦੋਹਰਾ ॥ दोहरा ॥ ਸਾਲਬਾਹਨ ਬਿਕ੍ਰਮ ਭਏ; ਬਾਜਿਯੋ ਲੋਹ ਅਪਾਰ ॥ सालबाहन बिक्रम भए; बाजियो लोह अपार ॥ ਆਠ ਜਾਮ ਆਹਵ ਬਿਖੈ; ਜੁਧ ਭਯੋ ਬਿਕਰਾਰ ॥੨੩॥ आठ जाम आहव बिखै; जुध भयो बिकरार ॥२३॥ ਚੌਪਈ ॥ चौपई ॥ ਸ੍ਯਾਲਕੋਟਿ ਨਾਯਕ ਰਿਸਿ ਭਰਿਯੋ ॥ स्यालकोटि नायक रिसि भरियो ॥ ਚਿਤ੍ਰ ਬਚਿਤ੍ਰ ਚੌਪਿ ਰਨ ਕਰਿਯੋ ॥ चित्र बचित्र चौपि रन करियो ॥ ਤਨਿ ਧਨ ਬਾਨ ਬਜ੍ਰ ਸੇ ਮਾਰੇ ॥ तनि धन बान बज्र से मारे ॥ ਰਾਵ ਬਿਕ੍ਰਮਾ ਸ੍ਵਰਗ ਸਿਧਾਰੇ ॥੨੪॥ राव बिक्रमा स्वरग सिधारे ॥२४॥ ਦੋਹਰਾ ॥ दोहरा ॥ ਜੀਤਿ ਬਿਕ੍ਰਮਾਜੀਤ ਕੋ; ਚਿਤ ਮੈ ਹਰਖ ਬਢਾਇ ॥ जीति बिक्रमाजीत को; चित मै हरख बढाइ ॥ ਅੰਤਹ ਪੁਰ ਆਵਤ ਭਯੋ; ਅਧਿਕ ਹ੍ਰਿਦੈ ਸੁਖੁ ਪਾਇ ॥੨੫॥ अंतह पुर आवत भयो; अधिक ह्रिदै सुखु पाइ ॥२५॥ ਚੌਪਈ ॥ चौपई ॥ ਜਬ ਰਾਜਾ ਅੰਤਹ ਪੁਰ ਆਯੋ ॥ जब राजा अंतह पुर आयो ॥ ਸੁਨ੍ਯੋ ਜੁ ਬਰੁ ਰਾਨੀ ਜੂ ਪਾਯੋ ॥ सुन्यो जु बरु रानी जू पायो ॥ ਮੋ ਕੌ ਕਹਿਯੋ ਜੀਤਿ ਇਹ ਦਈ ॥ मो कौ कहियो जीति इह दई ॥ ਤਾ ਸੌ ਪ੍ਰੀਤਿ ਅਧਿਕ ਹ੍ਵੈ ਗਈ ॥੨੬॥ ता सौ प्रीति अधिक ह्वै गई ॥२६॥ ਦੋਹਰਾ ॥ दोहरा ॥ ਹਮਰੇ ਹਿਤ ਇਹ ਰਾਨਿਯੈ; ਲੀਨੀ ਗੌਰਿ ਮਨਾਇ ॥ हमरे हित इह रानियै; लीनी गौरि मनाइ ॥ ਰੀਝਿ ਭਗੌਤੀ ਬਰੁ ਦਯੋ; ਤਬ ਹਮ ਜਿਤੇ ਬਨਾਇ ॥੨੭॥ रीझि भगौती बरु दयो; तब हम जिते बनाइ ॥२७॥ ਚੌਪਈ ॥ चौपई ॥ ਨਿਸ ਦਿਨ ਰਹੈ ਤਵਨ ਕੇ ਡੇਰੈ ॥ निस दिन रहै तवन के डेरै ॥ ਔਰ ਰਾਨਿਯਨ ਓਰ ਨ ਹੇਰੈ ॥ और रानियन ओर न हेरै ॥ ਬਹੁਤ ਮਾਸ ਰਹਤੇ ਜਬ ਭਯੋ ॥ बहुत मास रहते जब भयो ॥ ਦੇਬੀ ਪੂਤ ਏਕ ਤਿਹ ਦਯੋ ॥੨੮॥ देबी पूत एक तिह दयो ॥२८॥ ਤਾ ਕੋ ਨਾਮ ਰਿਸਾਲੂ ਰਾਖਿਯੋ ॥ ता को नाम रिसालू राखियो ॥ ਐਸੋ ਬਚਨ ਚੰਡਿਕਾ ਭਾਖਿਯੋ ॥ ऐसो बचन चंडिका भाखियो ॥ ਮਹਾ ਜਤੀ ਜੋਧਾ ਇਹ ਹੋਈ ॥ महा जती जोधा इह होई ॥ ਜਾ ਸਮ ਔਰ ਨ ਜਗ ਮੈ ਕੋਈ ॥੨੯॥ जा सम और न जग मै कोई ॥२९॥ ਜ੍ਯੋ ਜ੍ਯੋ ਬਢਤ ਰਿਸਾਲੂ ਜਾਵੈ ॥ ज्यो ज्यो बढत रिसालू जावै ॥ ਨਿਤਿ ਅਖੇਟ ਕਰੈ ਮ੍ਰਿਗ ਘਾਵੈ ॥ निति अखेट करै म्रिग घावै ॥ ਸੈਰ ਦੇਸ ਦੇਸਨ ਕੋ ਕਰੈ ॥ सैर देस देसन को करै ॥ ਕਿਸਹੂ ਰਾਜਾ ਤੇ ਨਹਿ ਡਰੈ ॥੩੦॥ किसहू राजा ते नहि डरै ॥३०॥ ਖੇਲ ਅਖੇਟਕ ਜਬ ਗ੍ਰਿਹ ਆਵੈ ॥ खेल अखेटक जब ग्रिह आवै ॥ ਤਬ ਚੌਪਰ ਕੀ ਖੇਲਿ ਮਚਾਵੈ ॥ तब चौपर की खेलि मचावै ॥ ਜੀਤਿ ਚੀਤਿ ਰਾਜਨ ਕੌ ਲੇਈ ॥ जीति चीति राजन कौ लेई ॥ ਛੋਰਿ ਛੋਰਿ ਚਿਤ੍ਰ ਕਰਿ ਦੇਈ ॥੩੧॥ छोरि छोरि चित्र करि देई ॥३१॥ |
|
|
|
|
Dasam Granth |