ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 926 ਦੋਹਰਾ ॥ दोहरा ॥ ਸਭ ਅਬਲਾ ਮੋਹਿਤ ਭਈ; ਨਾਦ ਸ੍ਰਵਨ ਸੁਨਿ ਪਾਇ ॥ सभ अबला मोहित भई; नाद स्रवन सुनि पाइ ॥ ਸਭਹਿਨ ਕੇ ਤਨ ਸੌ ਗਏ; ਕਮਲ ਪਤ੍ਰ ਲਪਟਾਇ ॥੭॥ सभहिन के तन सौ गए; कमल पत्र लपटाइ ॥७॥ ਚੌਪਈ ॥ चौपई ॥ ਮਾਧਵਨਲ ਨ੍ਰਿਪ ਤੁਰਤੁ ਨਿਕਾਰਿਯੋ ॥ माधवनल न्रिप तुरतु निकारियो ॥ ਬਿਪ੍ਰ ਜਾਨਿ ਜਿਯ ਤੇ ਨਹੀ ਮਾਰਿਯੋ ॥ बिप्र जानि जिय ते नही मारियो ॥ ਕਾਮਾਵਤੀ ਨਗਰ ਚਲਿ ਆਯੋ ॥ कामावती नगर चलि आयो ॥ ਕਾਮਕੰਦਲਾ ਸੌ ਹਿਤ ਭਾਯੋ ॥੮॥ कामकंदला सौ हित भायो ॥८॥ ਦੋਹਰਾ ॥ दोहरा ॥ ਕਾਮ ਸੈਨ ਰਾਜਾ ਜਹਾ; ਤਹ ਦਿਜ ਪਹੂੰਚ੍ਯੋ ਜਾਇ ॥ काम सैन राजा जहा; तह दिज पहूंच्यो जाइ ॥ ਪ੍ਰਗਟ ਤੀਨਿ ਸੈ ਸਾਠਿ ਤ੍ਰਿਯ; ਨਾਚਤ ਜਹਾ ਬਨਾਇ ॥੯॥ प्रगट तीनि सै साठि त्रिय; नाचत जहा बनाइ ॥९॥ ਚੌਪਈ ॥ चौपई ॥ ਮਾਧਵ ਤੌਨ ਸਭਾ ਮਹਿ ਆਯੋ ॥ माधव तौन सभा महि आयो ॥ ਆਨਿ ਰਾਵ ਕੌ ਸੀਸ ਝੁਕਾਯੋ ॥ आनि राव कौ सीस झुकायो ॥ ਸੂਰਬੀਰ ਬੈਠੇ ਬਹੁ ਜਹਾ ॥ सूरबीर बैठे बहु जहा ॥ ਨਾਚਤ ਕਾਮਕੰਦਲਾ ਤਹਾ ॥੧੦॥ नाचत कामकंदला तहा ॥१०॥ ਦੋਹਰਾ ॥ दोहरा ॥ ਚੰਦਨ ਕੀ ਤਨ ਕੰਚੁਕੀ; ਕਾਮਾ ਕਸੀ ਬਨਾਇ ॥ चंदन की तन कंचुकी; कामा कसी बनाइ ॥ ਅੰਗਿਯਾ ਹੀ ਸਭ ਕੋ ਲਖੈ; ਚੰਦਨ ਲਖ੍ਯੋ ਨ ਜਾਇ ॥੧੧॥ अंगिया ही सभ को लखै; चंदन लख्यो न जाइ ॥११॥ ਚੰਦਨ ਕੀ ਲੈ ਬਾਸਨਾ; ਭਵਰ ਬਹਿਠ੍ਯੋ ਆਇ ॥ चंदन की लै बासना; भवर बहिठ्यो आइ ॥ ਸੋ ਤਿਨ ਕੁਚ ਕੀ ਬਾਯੁ ਤੇ; ਦੀਨੌ ਤਾਹਿ ਉਠਾਇ ॥੧੨॥ सो तिन कुच की बायु ते; दीनौ ताहि उठाइ ॥१२॥ ਚੌਪਈ ॥ चौपई ॥ ਇਹ ਸੁ ਭੇਦ ਬਿਪ ਨੈ ਲਹਿ ਲਯੋ ॥ इह सु भेद बिप नै लहि लयो ॥ ਰੀਝਤ ਅਧਿਕ ਚਿਤ ਮਹਿ ਭਯੋ ॥ रीझत अधिक चित महि भयो ॥ ਅਮਿਤ ਦਰਬੁ ਨ੍ਰਿਪ ਤੇ ਜੋ ਲੀਨੋ ॥ अमित दरबु न्रिप ते जो लीनो ॥ ਸੋ ਲੈ ਕਾਮਕੰਦਲਹਿ ਦੀਨੋ ॥੧੩॥ सो लै कामकंदलहि दीनो ॥१३॥ ਦੋਹਰਾ ॥ दोहरा ॥ ਅਮਿਤ ਦਰਬੁ ਹਮ ਜੋ ਦਯੋ; ਸੋ ਇਹ ਦਯੋ ਲੁਟਾਇ ॥ अमित दरबु हम जो दयो; सो इह दयो लुटाइ ॥ ਐਸੇ ਬਿਪ੍ਰ ਫਜੂਲ ਕੋ; ਮੋਹਿ ਨ ਰਾਖ੍ਯੋ ਜਾਇ ॥੧੪॥ ऐसे बिप्र फजूल को; मोहि न राख्यो जाइ ॥१४॥ ਚੌਪਈ ॥ चौपई ॥ ਬਿਪ੍ਰ ਜਾਨਿ ਜਿਯ ਤੇ ਨਹਿ ਮਰਿਯੈ ॥ बिप्र जानि जिय ते नहि मरियै ॥ ਇਹ ਪੁਰ ਤੇ ਇਹ ਤੁਰਤੁ ਨਿਕਰਿਯੈ ॥ इह पुर ते इह तुरतु निकरियै ॥ ਜਾ ਕੇ ਦੁਰਿਯੋ ਧਾਮ ਲਹਿ ਲੀਜੈ ॥ जा के दुरियो धाम लहि लीजै ॥ ਟੂਕ ਅਨੇਕ ਤਵਨ ਕੋ ਕੀਜੈ ॥੧੫॥ टूक अनेक तवन को कीजै ॥१५॥ ਯਹ ਸਭ ਭੇਦ ਬਿਪ੍ਰ ਸੁਨਿ ਪਾਯੋ ॥ यह सभ भेद बिप्र सुनि पायो ॥ ਚਲਿਯੋ ਚਲਿਯੋ ਕਾਮਾ ਗ੍ਰਿਹ ਆਯੋ ॥ चलियो चलियो कामा ग्रिह आयो ॥ ਮੋ ਪਰ ਕੋਪ ਅਧਿਕ ਨ੍ਰਿਪ ਕੀਨੋ ॥ मो पर कोप अधिक न्रिप कीनो ॥ ਤਿਹ ਹਿਤ ਧਾਮ ਤਿਹਾਰੋ ਚੀਨੋ ॥੧੬॥ तिह हित धाम तिहारो चीनो ॥१६॥ ਦੋਹਰਾ ॥ दोहरा ॥ ਸੁਨਤ ਬਚਨ ਕਾਮਾ ਤੁਰਤ; ਦਿਜ ਗ੍ਰਿਹ ਲਯੋ ਦੁਰਾਇ ॥ सुनत बचन कामा तुरत; दिज ग्रिह लयो दुराइ ॥ ਰਾਜਾ ਕੀ ਨਿੰਦ੍ਯਾ ਕਰੀ; ਤਾਹਿ ਗਰੇ ਸੋ ਲਾਇ ॥੧੭॥ राजा की निंद्या करी; ताहि गरे सो लाइ ॥१७॥ ਕਾਮਾ ਬਾਚ ॥ कामा बाच ॥ ਚੌਪਈ ॥ चौपई ॥ ਧ੍ਰਿਗ ਇਹ ਰਾਇ ਭੇਦ ਨਹਿ ਜਾਨਤ ॥ ध्रिग इह राइ भेद नहि जानत ॥ ਤੁਮ ਸੇ ਚਤੁਰਨ ਸੌ ਰਿਸਿ ਠਾਨਤ ॥ तुम से चतुरन सौ रिसि ठानत ॥ ਮਹਾ ਮੂੜ ਨ੍ਰਿਪ ਕੋ ਕਾ ਕਹਿਯੈ? ॥ महा मूड़ न्रिप को का कहियै? ॥ ਯਾ ਪਾਪੀ ਕੇ ਦੇਸ ਨ ਰਹਿਯੈ ॥੧੮॥ या पापी के देस न रहियै ॥१८॥ ਦੋਹਰਾ ॥ दोहरा ॥ ਚਲੌ ਤ ਏਕੈ ਮਗੁ ਚਲੌ; ਰਹੇ, ਰਹੌ ਤਿਹ ਗਾਉ ॥ चलौ त एकै मगु चलौ; रहे, रहौ तिह गाउ ॥ ਨਿਸੁ ਦਿਨ ਰਟੌ ਬਿਹੰਗ ਜ੍ਯੋ; ਮੀਤ! ਤਿਹਾਰੋ ਨਾਉ ॥੧੯॥ निसु दिन रटौ बिहंग ज्यो; मीत! तिहारो नाउ ॥१९॥ ਬਿਰਹ ਬਾਨ ਮੋ ਤਨ ਗਡੇ; ਕਾ ਸੋ ਕਰੋ ਪੁਕਾਰ? ॥ बिरह बान मो तन गडे; का सो करो पुकार? ॥ ਤਨਕ ਅਗਨਿ ਕੋ ਸਿਵ ਭਏ; ਜਰੌ ਸੰਭਾਰਿ ਸੰਭਾਰਿ ॥੨੦॥ तनक अगनि को सिव भए; जरौ स्मभारि स्मभारि ॥२०॥ ਆਜੁ ਸਖੀ! ਮੈ ਯੌ ਸੁਨ੍ਯੋ; ਪਹੁ ਫਾਟਤ ਪਿਯ ਗੌਨ ॥ आजु सखी! मै यौ सुन्यो; पहु फाटत पिय गौन ॥ ਪਹੁ ਹਿਯਰੇ ਝਗਰਾ ਪਰਿਯੋ; ਪਹਿਲੇ ਫਟਿ ਹੈ ਕੌਨ ॥੨੧॥ पहु हियरे झगरा परियो; पहिले फटि है कौन ॥२१॥ |
|
|
|
|
Dasam Granth |