ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 853 ਚੌਪਈ ॥ चौपई ॥ ਚਿਤ੍ਰ ਸਿੰਘ ਮੰਤ੍ਰੀ ਸੌ ਕਹੀ ॥ चित्र सिंघ मंत्री सौ कही ॥ ਹਮ ਤੇ ਸਕਲ ਕੁਕ੍ਰਿਯਾ ਰਹੀ ॥ हम ते सकल कुक्रिया रही ॥ ਤੁਮ ਜੋ ਹਮ ਸੌ ਬਚਨ ਉਚਾਰੇ ॥ तुम जो हम सौ बचन उचारे ॥ ਜਾਨੁਕ ਸੁਧਾ ਸ੍ਰਵਨ ਭਰਿ ਡਾਰੇ ॥੧॥ जानुक सुधा स्रवन भरि डारे ॥१॥ ਦੋਹਰਾ ॥ दोहरा ॥ ਮਨ ਕ੍ਰਮ ਬਚ ਕਰਿ ਮੰਤ੍ਰਿ ਬਰਿ; ਇਹੈ ਬਚਨ ਮੁਰ ਤੋਹਿ ॥ मन क्रम बच करि मंत्रि बरि; इहै बचन मुर तोहि ॥ ਜੋ ਕਛੁ ਚਰਿਤ ਇਸਤ੍ਰਿਨ ਕਰੇ; ਸੁ ਕਛੁ ਕਹੋ ਸਭ ਮੋਹਿ ॥੨॥ जो कछु चरित इसत्रिन करे; सु कछु कहो सभ मोहि ॥२॥ ਏਕ ਰਾਵ ਕਾਨੋ ਹੁਤੋ; ਤਾਹਿ ਕੁਕ੍ਰਿਯਾ ਨਾਰ ॥ एक राव कानो हुतो; ताहि कुक्रिया नार ॥ ਰਮੀ ਜਾਰ ਸੌ ਰਾਇ ਕੀ; ਆਖ ਅੰਬੀਰਹ ਡਾਰਿ ॥੩॥ रमी जार सौ राइ की; आख अ्मबीरह डारि ॥३॥ ਚੌਪਈ ॥ चौपई ॥ ਜਬ ਹੀ ਮਾਸ ਫਾਗੁ ਕੋ ਆਯੋ ॥ जब ही मास फागु को आयो ॥ ਨਰ ਨਾਰਿਨ ਆਨੰਦ ਬਢਾਯੋ ॥ नर नारिन आनंद बढायो ॥ ਘਰ ਘਰ ਹੋਤ ਕੁਲਾਹਲ ਭਾਰੀ ॥ घर घर होत कुलाहल भारी ॥ ਗਾਵਤ ਗੀਤ ਬਜਾਵਤ ਤਾਰੀ ॥੪॥ गावत गीत बजावत तारी ॥४॥ ਚਾਚਰ ਮਤੀ ਨਾਮ ਤ੍ਰਿਯ ਤਾ ਕੌ ॥ चाचर मती नाम त्रिय ता कौ ॥ ਅਤਿ ਸੁੰਦਰ ਬਿਧ ਬਪੁ ਕਿਯ ਵਾ ਕੋ ॥ अति सुंदर बिध बपु किय वा को ॥ ਮਾਨੀ ਸੈਨ ਨ੍ਰਿਪਤ ਕੋ ਨਾਮਾ ॥ मानी सैन न्रिपत को नामा ॥ ਚਾਚਰ ਮਤੀ ਜਵਨ ਕੀ ਬਾਮਾ ॥੫॥ चाचर मती जवन की बामा ॥५॥ ਰੂਪਵੰਤ ਨਟ ਤਵਨ ਨਿਹਾਰਿਯੋ ॥ रूपवंत नट तवन निहारियो ॥ ਮਦਨ ਤਬੈ ਤਨ ਬਿਸਿਖ ਪ੍ਰਹਾਰਿਯੋ ॥ मदन तबै तन बिसिख प्रहारियो ॥ ਮਨ ਕ੍ਰਮ ਬਚ ਕਰਿ ਕੈ ਬਸਿ ਭਈ ॥ मन क्रम बच करि कै बसि भई ॥ ਜਾਨੁਕ ਦਾਸ ਮੋਲ ਕੀ ਲਈ ॥੬॥ जानुक दास मोल की लई ॥६॥ ਦੋਹਰਾ ॥ दोहरा ॥ ਘਰ ਘਰ ਚਾਚਰਿ ਖੇਲਹੀ; ਘਰ ਘਰ ਗੈਯਹਿ ਗੀਤ ॥ घर घर चाचरि खेलही; घर घर गैयहि गीत ॥ ਘਰ ਘਰ ਹੋਤ ਮ੍ਰਿਦੰਗ ਧੁਨ; ਘਰ ਘਰ ਨਚਤ ਸੰਗੀਤ ॥੭॥ घर घर होत म्रिदंग धुन; घर घर नचत संगीत ॥७॥ ਤਿਹ ਠਾਂ ਏਕ ਪ੍ਰਬੀਨ ਨਟ; ਸਭ ਨਟੂਅਨ ਕੋ ਰਾਇ ॥ तिह ठां एक प्रबीन नट; सभ नटूअन को राइ ॥ ਮਦਨ ਛਪਾਏ ਕਾਢੀਐ; ਮਦਨ ਕਿ ਨਵਰੰਗ ਰਾਇ ॥੮॥ मदन छपाए काढीऐ; मदन कि नवरंग राइ ॥८॥ ਚੌਪਈ ॥ चौपई ॥ ਚਾਚਰ ਪਰੀ ਨਗਰ ਮੈ ਭਾਰੀ ॥ चाचर परी नगर मै भारी ॥ ਗਾਵਤ ਗੀਤ ਸਭੈ ਨਰ ਨਾਰੀ ॥ गावत गीत सभै नर नारी ॥ ਨਵਲਾਸਿਨ ਹਾਥਨ ਲਹਕਾਵੈ ॥ नवलासिन हाथन लहकावै ॥ ਚਤੁਰਨ ਕੇ ਚਤੁਰਾ ਤਨ ਲਾਵੈ ॥੯॥ चतुरन के चतुरा तन लावै ॥९॥ ਦੋਹਰਾ ॥ दोहरा ॥ ਘਰ ਘਰ ਚਾਚਰ ਗਾਵਹੀ; ਘਰ ਘਰ ਬਜਤ ਮ੍ਰਿਦੰਗ ॥ घर घर चाचर गावही; घर घर बजत म्रिदंग ॥ ਹਰਿ ਦਰ ਰਾਗ ਅਲਾਪਿਯਤ; ਘਰ ਘਰ ਬਜਤ ਮੁਚੰਗ ॥੧੦॥ हरि दर राग अलापियत; घर घर बजत मुचंग ॥१०॥ ਘਰ ਘਰ ਅਬਲਾ ਗਾਵਹੀ; ਮਿਲਿ ਮਿਲਿ ਗੀਤ ਬਚਿਤ੍ਰ ॥ घर घर अबला गावही; मिलि मिलि गीत बचित्र ॥ ਮੁਰਲੀ ਮੁਰਜ ਮ੍ਰਿਦੰਗ ਧੁਨ; ਜਹ ਤਹ ਬਜਤ ਬਜਿਤ੍ਰ ॥੧੧॥ मुरली मुरज म्रिदंग धुन; जह तह बजत बजित्र ॥११॥ ਚੌਪਈ ॥ चौपई ॥ ਨਰ ਨਾਰਿਨ ਮਿਲ ਖੇਲ ਰਚਾਯੋ ॥ नर नारिन मिल खेल रचायो ॥ ਫੂਲ ਪਾਨ ਕੈਫਾਨ ਮੰਗਾਯੋ ॥ फूल पान कैफान मंगायो ॥ ਦੁਹੂੰ ਓਰ ਨਵਲਾਸਿਨ ਮਾਰੈ ॥ दुहूं ओर नवलासिन मारै ॥ ਮਧੁਰ ਮਧੁਰ ਧੁਨਿ ਗੀਤ ਉਚਾਰੈ ॥੧੨॥ मधुर मधुर धुनि गीत उचारै ॥१२॥ ਦੋਹਰਾ ॥ दोहरा ॥ ਛੈਲ ਛਬੀਲੀ ਖੇਲ ਹੀ; ਨਰ ਨਾਰਿਨ ਕੀ ਭੀਰ ॥ छैल छबीली खेल ही; नर नारिन की भीर ॥ ਜਿਤ ਜਿਤ ਦ੍ਰਿਸਟ ਪਸਾਰਿਯੈ; ਤਿਤਹਿ ਕਿਸਰਿਯਾ ਚੀਰ ॥੧੩॥ जित जित द्रिसट पसारियै; तितहि किसरिया चीर ॥१३॥ ਘਰ ਘਰ ਚਾਚਰ ਖੇਲੀਯਹਿ; ਹਸਿ ਹਸਿ ਗੈਯਹਿ ਗੀਤ ॥ घर घर चाचर खेलीयहि; हसि हसि गैयहि गीत ॥ ਘਰ ਘਰ ਹੋਤ ਮ੍ਰਿਦੰਗ ਧੁਨਿ; ਘਰ ਘਰ ਨਚਤ ਸੰਗੀਤ ॥੧੪॥ घर घर होत म्रिदंग धुनि; घर घर नचत संगीत ॥१४॥ ਨਿਰਖਿ ਰੂਪ ਤਾ ਕੋ ਸਕਲ; ਉਰਝਿ ਰਹਿਯੋ ਸੁ ਕੁਮਾਰ ॥ निरखि रूप ता को सकल; उरझि रहियो सु कुमार ॥ ਰਾਨੀ ਹੂੰ ਚਟਪਟ ਅਟਕ; ਨਟ ਸੋ ਕਿਯੋ ਪ੍ਯਾਰ ॥੧੫॥ रानी हूं चटपट अटक; नट सो कियो प्यार ॥१५॥ |
|
|
|
|
Dasam Granth |