ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 611 ਖੋਦਿ ਖੋਦਿ ਅਖੋਦਿ ਪ੍ਰਿਥਵੀ; ਕ੍ਰੋਧ ਜੋਧ ਅਨੰਤ ॥ खोदि खोदि अखोदि प्रिथवी; क्रोध जोध अनंत ॥ ਭਛਿ ਭਛਿ ਗਏ ਸਬੈ ਮੁਖ; ਮ੍ਰਿਤਕਾ ਦੁਤਿ ਵੰਤ ॥ भछि भछि गए सबै मुख; म्रितका दुति वंत ॥ ਸਗਰ ਖਾਤ ਖੁਦੈ ਲਗੇ; ਦਿਸ ਖੋਦ ਦਛਨ ਸਰਬ ॥ सगर खात खुदै लगे; दिस खोद दछन सरब ॥ ਜੀਤਿ ਪੂਰਬ ਕੋ ਚਲੇ; ਅਤਿ ਠਾਨ ਕੈ ਜੀਅ ਗਰਬ ॥੭੦॥ जीति पूरब को चले; अति ठान कै जीअ गरब ॥७०॥ ਖੋਦ ਦਛਨ ਕੀ ਦਿਸਾ; ਪੁਨਿ ਖੋਦ ਪੂਰਬ ਦਿਸਾਨ ॥ खोद दछन की दिसा; पुनि खोद पूरब दिसान ॥ ਤਾਕਿ ਪਛਮ ਕੋ ਚਲੇ; ਦਸ ਚਾਰਿ ਚਾਰਿ ਨਿਧਾਨ ॥ ताकि पछम को चले; दस चारि चारि निधान ॥ ਪੈਠਿ ਉਤਰ ਦਿਸਾ ਜਬੈ; ਖੋਦੈ ਲਗੇ ਸਭ ਠਉਰ ॥ पैठि उतर दिसा जबै; खोदै लगे सभ ठउर ॥ ਅਉਰ ਅਉਰ ਠਟੈ ਪਸੂ; ਕਲਿ ਕਾਲਿ ਠਾਟੀ ਅਉਰ ॥੭੧॥ अउर अउर ठटै पसू; कलि कालि ठाटी अउर ॥७१॥ ਖੋਦਿ ਕੈ ਬਹੁ ਭਾਂਤਿ ਪ੍ਰਿਥਵੀ; ਪੂਜਿ ਅਰਧ ਦਿਸਾਨ ॥ खोदि कै बहु भांति प्रिथवी; पूजि अरध दिसान ॥ ਅੰਤਿ ਭੇਦ ਬਿਲੋਕੀਆ; ਮੁਨਿ ਬੈਠਿ ਸੰਜੁਤ ਧ੍ਯਾਨ ॥ अंति भेद बिलोकीआ; मुनि बैठि संजुत ध्यान ॥ ਪ੍ਰਿਸਟ ਪਾਛ ਬਿਲੋਕ ਬਾਜ; ਸਮਾਜ ਰੂਪ ਅਨੂਪ ॥ प्रिसट पाछ बिलोक बाज; समाज रूप अनूप ॥ ਲਾਤ ਭੇ ਮੁਨਿ ਮਾਰਿਓ; ਅਤਿ ਗਰਬ ਕੈ ਸੁਤ ਭੂਪ ॥੭੨॥ लात भे मुनि मारिओ; अति गरब कै सुत भूप ॥७२॥ ਧ੍ਯਾਨ ਛੂਟ ਤਬੈ ਮੁਨੀ; ਦ੍ਰਿਗ ਜ੍ਵਾਲ ਮਾਲ ਕਰਾਲ ॥ ध्यान छूट तबै मुनी; द्रिग ज्वाल माल कराल ॥ ਭਾਂਤਿ ਭਾਂਤਿਨ ਸੋ ਉਠੀ; ਜਨੁ ਸਿੰਧ ਅਗਨਿ ਬਿਸਾਲ ॥ भांति भांतिन सो उठी; जनु सिंध अगनि बिसाल ॥ ਭਸਮਿ ਭੂਤ ਭਏ ਸਬੇ ਨ੍ਰਿਪ; ਲਛ ਪੁਤ੍ਰ ਸੁ ਨੈਨ ॥ भसमि भूत भए सबे न्रिप; लछ पुत्र सु नैन ॥ ਬਾਜ ਰਾਜ ਸੁ ਸੰਪਦਾ ਜੁਤ; ਅਸਤ੍ਰ ਸਸਤ੍ਰ ਸੁ ਸੈਨ ॥੭੩॥ बाज राज सु स्मपदा जुत; असत्र ससत्र सु सैन ॥७३॥ ਮਧੁਭਾਰ ਛੰਦ ॥ मधुभार छंद ॥ ਭਏ ਭਸਮਿ ਭੂਤ ॥ भए भसमि भूत ॥ ਨ੍ਰਿਪ ਸਰਬ ਪੂਤ ॥ न्रिप सरब पूत ॥ ਜੁਤ ਸੁਭਟ ਸੈਨ ॥ जुत सुभट सैन ॥ ਸੁੰਦਰ ਸੁਬੈਨ ॥੭੪॥ सुंदर सुबैन ॥७४॥ ਸੋਭਾ ਅਪਾਰ ॥ सोभा अपार ॥ ਸੁੰਦਰ ਕੁਮਾਰ ॥ सुंदर कुमार ॥ ਜਬ ਜਰੇ ਸਰਬ ॥ जब जरे सरब ॥ ਤਬ ਤਜਾ ਗਰਬ ॥੭੫॥ तब तजा गरब ॥७५॥ ਬਾਹੂ ਅਜਾਨ ॥ बाहू अजान ॥ ਸੋਭਾ ਮਹਾਨ ॥ सोभा महान ॥ ਦਸ ਚਾਰਿ ਵੰਤ ॥ दस चारि वंत ॥ ਸੂਰਾ ਦੁਰੰਤ ॥੭੬॥ सूरा दुरंत ॥७६॥ ਜਾਰਿ ਭਾਜੇ ਬੀਰ ॥ जारि भाजे बीर ॥ ਹੁਐ ਚਿਤਿ ਅਧੀਰ ॥ हुऐ चिति अधीर ॥ ਦਿਨੋ ਸੰਦੇਸ ॥ दिनो संदेस ॥ ਜਹ ਸਾਗਰ ਦੇਸ ॥੭੭॥ जह सागर देस ॥७७॥ ਲਹਿ ਸਾਗਰ ਬੀਰ ॥ लहि सागर बीर ॥ ਹ੍ਵੈ ਚਿਤਿ ਅਧੀਰ ॥ ह्वै चिति अधीर ॥ ਪੁਛੇ ਸੰਦੇਸ ॥ पुछे संदेस ॥ ਪੂਤਨ ਸੁਬੇਸ ॥੭੮॥ पूतन सुबेस ॥७८॥ ਕਰਿ ਜੋਰਿ ਸਰਬ ॥ करि जोरि सरब ॥ ਭਟ ਛੋਰਿ ਗਰਬ ॥ भट छोरि गरब ॥ ਉਚਰੇ ਬੈਨ ॥ उचरे बैन ॥ ਜਲ ਚੁਅਤ ਨੈਨ ॥੭੯॥ जल चुअत नैन ॥७९॥ ਭੂਅ ਫੇਰਿ ਬਾਜ ॥ भूअ फेरि बाज ॥ ਜਿਣਿ ਸਰਬ ਰਾਜ ॥ जिणि सरब राज ॥ ਸਬ ਸੰਗ ਲੀਨ ॥ सब संग लीन ॥ ਨ੍ਰਿਪ ਬਰ ਪ੍ਰਬੀਨ ॥੮੦॥ न्रिप बर प्रबीन ॥८०॥ ਹਯ ਗਯੋ ਪਯਾਰ ॥ हय गयो पयार ॥ ਤੁਅ ਸੁਤ ਉਦਾਰ ॥ तुअ सुत उदार ॥ ਭੂਅ ਖੋਦ ਸਰਬ ॥ भूअ खोद सरब ॥ ਅਤਿ ਬਢਾ ਗਰਬ ॥੮੧॥ अति बढा गरब ॥८१॥ ਤਹੰ ਮੁਨਿ ਅਪਾਰ ॥ तहं मुनि अपार ॥ ਗੁਨਿ ਗਨ ਉਦਾਰ ॥ गुनि गन उदार ॥ ਲਖਿ ਮਧ ਧ੍ਯਾਨ ॥ लखि मध ध्यान ॥ ਮੁਨਿ ਮਨਿ ਮਹਾਨ ॥੮੨॥ मुनि मनि महान ॥८२॥ ਤਵ ਪੁਤ੍ਰ ਕ੍ਰੋਧ ॥ तव पुत्र क्रोध ॥ ਲੈ ਸੰਗਿ ਜੋਧ ॥ लै संगि जोध ॥ ਲਤਾ ਪ੍ਰਹਾਰ ॥ लता प्रहार ॥ ਕੀਅ ਰਿਖਿ ਅਪਾਰ ॥੮੩॥ कीअ रिखि अपार ॥८३॥ ਤਬ ਛੁਟਾ ਧ੍ਯਾਨ ॥ तब छुटा ध्यान ॥ ਮੁਨਿ ਮਨਿ ਮਹਾਨ ॥ मुनि मनि महान ॥ ਨਿਕਸੀ ਸੁ ਜ੍ਵਾਲ ॥ निकसी सु ज्वाल ॥ ਦਾਵਾ ਬਿਸਾਲ ॥੮੪॥ दावा बिसाल ॥८४॥ ਤਰੰ ਜਰੇ ਪੂਤ ॥ तरं जरे पूत ॥ ਕਹਿ ਐਸੇ ਦੂਤ ॥ कहि ऐसे दूत ॥ ਸੈਨਾ ਸਮੇਤ ॥ सैना समेत ॥ ਬਾਚਾ ਨ ਏਕ ॥੮੫॥ बाचा न एक ॥८५॥ |
|
|
|
|
Dasam Granth |