ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 541 ਮਾਰਤ ਭਯੋ ਅਰਿ ਬਾਨ ਜਬੈ; ਹਰਿ ਸ੍ਯੰਦਨ ਵਾਹੀ ਕੀ ਓਰਿ ਧਵਾਯੋ ॥ मारत भयो अरि बान जबै; हरि स्यंदन वाही की ओरि धवायो ॥ ਆਵਤ ਭਯੋ ਉਤ ਤੇ ਅਰਿ ਸੋ; ਇਤ ਤੇ ਏਊ ਗੇ ਮਿਲਿ ਕੈ ਰਨ ਪਾਯੋ ॥ आवत भयो उत ते अरि सो; इत ते एऊ गे मिलि कै रन पायो ॥ ਸ੍ਯੰਦਨ ਹੂ ਬਲਿ ਕੈ ਸੰਗਿ ਸ੍ਯੰਦਨ; ਢਾਹਿ ਦਯੋ ਕਬਿ ਯੌ ਜਸੁ ਗਾਯੋ ॥ स्यंदन हू बलि कै संगि स्यंदन; ढाहि दयो कबि यौ जसु गायो ॥ ਜਿਉ ਸਹਬਾਜ ਮਨੋ ਚਕਵਾ ਸੰਗ; ਏਕ ਧਕਾ ਹੂ ਕੇ ਮਾਰਿ ਗਿਰਾਯੋ ॥੨੩੬੮॥ जिउ सहबाज मनो चकवा संग; एक धका हू के मारि गिरायो ॥२३६८॥ ਰਥ ਤੋਰ ਕੈ ਸਤ੍ਰ ਕੀ ਨੰਦਗ ਸੋ; ਕਬਿ ਸ੍ਯਾਮ ਕਹੈ ਕਟਿ ਗ੍ਰੀਵ ਗਿਰਾਈ ॥ रथ तोर कै सत्र की नंदग सो; कबि स्याम कहै कटि ग्रीव गिराई ॥ ਅਉਰ ਜਿਤੀ ਤਿਹ ਕੇ ਸੰਗ ਸੈਨ; ਹੁਤੀ ਸੁ ਭਲੇ ਜਮਲੋਕਿ ਪਠਾਈ ॥ अउर जिती तिह के संग सैन; हुती सु भले जमलोकि पठाई ॥ ਰੋਸ ਭਰਿਯੋ ਹਰਿ ਠਾਂਢੋ ਰਹਿਯੋ; ਰਨਿ ਸੋ ਉਪਮਾ ਕਬਿ ਸ੍ਯਾਮ ਸੁਨਾਈ ॥ रोस भरियो हरि ठांढो रहियो; रनि सो उपमा कबि स्याम सुनाई ॥ ਸ੍ਰੀ ਬ੍ਰਿਜਨਾਇਕ ਚਉਦਹੂ ਲੋਕ ਮੈ; ਪਾਵਤ ਭਯੋ ਬਡੀ ਯੌ ਸੁ ਬਡਾਈ ॥੨੩੬੯॥ स्री ब्रिजनाइक चउदहू लोक मै; पावत भयो बडी यौ सु बडाई ॥२३६९॥ ਦੋਹਰਾ ॥ दोहरा ॥ ਦੰਤਬਕ੍ਰ ਤਬ ਚਿਤ ਮੈ; ਅਤਿ ਹੀ ਕੋਪ ਬਢਾਇ ॥ दंतबक्र तब चित मै; अति ही कोप बढाइ ॥ ਸ੍ਰੀ ਜਦੁਪਤਿ ਜਹ ਠਾਂਢੋ ਹੋ; ਤਹ ਹੀ ਪਹੁਚਿਓ ਜਾਇ ॥੨੩੭੦॥ स्री जदुपति जह ठांढो हो; तह ही पहुचिओ जाइ ॥२३७०॥ ਸਵੈਯਾ ॥ सवैया ॥ ਸ੍ਰੀ ਬ੍ਰਿਜ ਨਾਇਕ ਕਉ ਜਬ ਹੀ; ਤਿਨ ਆਇ ਆਯੋਧਨ ਬੀਚ ਹਕਾਰਿਯੋ ॥ स्री ब्रिज नाइक कउ जब ही; तिन आइ आयोधन बीच हकारियो ॥ ਹਉ ਮਰਿਹਉ ਨਹੀ ਯੌ ਕਹਿਯੋ ਤਾਹਿ ਸੁ; ਜਿਉ ਸਿਸੁਪਾਲ ਬਲੀ ਤੁਹਿ ਮਾਰਿਯੋ ॥ हउ मरिहउ नही यौ कहियो ताहि सु; जिउ सिसुपाल बली तुहि मारियो ॥ ਐਸੇ ਸੁਨਿਯੋ ਜਬ ਸ੍ਯਾਮ ਜੂ ਬੈਨ; ਤਬੈ ਹਰਿ ਜੂ ਪੁਨਿ ਬਾਨ ਸੰਭਾਰਿਯੋ ॥ ऐसे सुनियो जब स्याम जू बैन; तबै हरि जू पुनि बान स्मभारियो ॥ ਸਤ੍ਰੁ ਕੋ ਸ੍ਯਾਮ ਭਨੈ ਰਥ ਤੇ ਫੁਨਿ; ਮੂਰਛ ਕੈ ਕਰਿ ਭੂ ਪਰ ਡਾਰਿਯੋ ॥੨੩੭੧॥ सत्रु को स्याम भनै रथ ते फुनि; मूरछ कै करि भू पर डारियो ॥२३७१॥ ਲੈ ਸੁਧਿ ਹ੍ਵੈ ਸੋਊ ਲੋਪ ਗਯੋ; ਫਿਰਿ ਕੋਪ ਭਰਿਯੋ ਰਨ ਭੀਤਰ ਆਯੋ ॥ लै सुधि ह्वै सोऊ लोप गयो; फिरि कोप भरियो रन भीतर आयो ॥ ਕਾਨ੍ਹ ਕੇ ਬਾਪ ਕੋ ਕਾਨ੍ਹ ਹੀ ਕਉ ਕਟਿ; ਮਾਯਾ ਕੋ ਕੈ ਇਕ ਮੂੰਡ ਦਿਖਾਯੋ ॥ कान्ह के बाप को कान्ह ही कउ कटि; माया को कै इक मूंड दिखायो ॥ ਕੋਪ ਕੀਯੋ ਘਨਿ ਸ੍ਯਾਮ ਤਬੈ; ਅਰੁ ਨੈਨ ਦੁਹੂਨ ਤੇ ਨੀਰ ਬਹਾਯੋ ॥ कोप कीयो घनि स्याम तबै; अरु नैन दुहून ते नीर बहायो ॥ ਹਾਥ ਪੈ ਚਕ੍ਰ ਸੁਦਰਸਨ ਲੈ; ਅਰਿ ਕੋ ਸਿਰ ਕਾਟਿ ਕੈ ਭੂਮਿ ਗਿਰਾਯੋ ॥੨੩੭੨॥ हाथ पै चक्र सुदरसन लै; अरि को सिर काटि कै भूमि गिरायो ॥२३७२॥ ਇਤਿ ਸ੍ਰੀ ਦਸਮ ਸਕੰਧ ਪੁਰਾਣੇ ਬਚਿਤ੍ਰ ਨਾਟਕ ਗ੍ਰੰਥੇ ਕ੍ਰਿਸਨਾਵਤਾਰੇ ਦੰਤ ਬਕਤ੍ਰ ਦੈਤ ਬਧਹ ਧਿਆਇ ਸੰਪੂਰਨੰ ॥ इति स्री दसम सकंध पुराणे बचित्र नाटक ग्रंथे क्रिसनावतारे दंत बकत्र दैत बधह धिआइ स्मपूरनं ॥ ਅਥ ਬੈਦੂਰਥ ਦੈਤ ਬਧ ਕਥਨੰ ॥ अथ बैदूरथ दैत बध कथनं ॥ ਕਬਿਯੋ ਬਾਚ ॥ कबियो बाच ॥ ਸਵੈਯਾ ॥ सवैया ॥ ਜਾਹਿ ਸਿਵਾਦਿਕ ਬ੍ਰਹਮ ਨਿਮਿਓ ਸੁ; ਸਦਾ ਅਪਨੇ ਚਿਤ ਬੀਚ ਬਿਚਾਰਿਯੋ ॥ जाहि सिवादिक ब्रहम निमिओ सु; सदा अपने चित बीच बिचारियो ॥ ਸ੍ਯਾਮ ਭਨੈ ਤਿਹ ਕਉ ਤਬ ਹੀ; ਕਬ ਹੀ ਕਿਰਪਾ ਨਿਧਿ ਰੂਪ ਦਿਖਾਰਿਯੋ ॥ स्याम भनै तिह कउ तब ही; कब ही किरपा निधि रूप दिखारियो ॥ ਰੰਗ ਨ ਰੂਪ ਅਉ ਰਾਗ ਨ ਰੇਖ; ਇਹੈ ਚਹੂੰ ਬੇਦਨ ਭੇਦ ਉਚਾਰਿਯੋ ॥ रंग न रूप अउ राग न रेख; इहै चहूं बेदन भेद उचारियो ॥ ਤਾ ਧਰਿ ਮੂਰਤਿ ਜੁਧ ਬਿਖੈ; ਇਹ ਸ੍ਯਾਮ ਭਨੈ ਰਨ ਬੀਚ ਸੰਘਾਰਿਯੋ ॥੨੩੭੩॥ ता धरि मूरति जुध बिखै; इह स्याम भनै रन बीच संघारियो ॥२३७३॥ |
|
|
|
|
Dasam Granth |