ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 515 ਸੰਗ ਹਲਾਯੁਧ ਕੇ ਉਨ ਹੂ; ਸੁ ਉਤੈ ਅਤਿ ਕ੍ਰੋਧ ਹੁਇ ਜੁਧੁ ਮਚਾਯੋ ॥ संग हलायुध के उन हू; सु उतै अति क्रोध हुइ जुधु मचायो ॥ ਭ੍ਰਾਤ ਕੋ ਜੁਧ ਭਯੋ ਤ੍ਰੀਅ ਭ੍ਰਾਤ ਕੇ; ਸੰਗ, ਇਹੈ ਪ੍ਰਭ ਜੂ ਸੁਨਿ ਪਾਯੋ ॥ भ्रात को जुध भयो त्रीअ भ्रात के; संग, इहै प्रभ जू सुनि पायो ॥ ਬੈਠ ਬਿਚਾਰ ਕੀਯੋ ਸਭ ਹੂੰ ਜੁ; ਸਬੈ ਜਦੁਬੀਰ ਕੁਟੰਬ ਬੁਲਾਯੋ ॥ बैठ बिचार कीयो सभ हूं जु; सबै जदुबीर कुट्मब बुलायो ॥ ਅਉਰ ਕਥਾ ਦਈ ਛੋਰ ਹਲੀ ਕੀ; ਸਹਾਇ ਕਉ, ਕੋਪਿ ਕ੍ਰਿਪਾਨਿਧਿ ਧਾਯੋ ॥੨੧੭੮॥ अउर कथा दई छोर हली की; सहाइ कउ, कोपि क्रिपानिधि धायो ॥२१७८॥ ਦੋਹਰਾ ॥ दोहरा ॥ ਜਮ ਰੂਪੀ ਬਲਭਦ੍ਰ ਪਿਖਿ; ਹਰਿ ਆਗਮ ਸੁਨਿ ਪਾਇ ॥ जम रूपी बलभद्र पिखि; हरि आगम सुनि पाइ ॥ ਬੁਧਵੰਤਨ ਤਿਹ ਭਾਈਅਨ; ਕਹੀ ਸੁ ਕਹਉ ਸੁਨਾਇ ॥੨੧੭੯॥ बुधवंतन तिह भाईअन; कही सु कहउ सुनाइ ॥२१७९॥ ਸਵੈਯਾ ॥ सवैया ॥ ਦੇਖਿ ਅਨੀ ਜਦੁਬੀਰ ਘਨੀ; ਲੀਏ ਆਵਤ ਹੈ, ਡਰੁ ਤੋਹਿ ਨ ਆਵੈ? ॥ देखि अनी जदुबीर घनी; लीए आवत है, डरु तोहि न आवै? ॥ ਕਉਨ ਬਲੀ ਪ੍ਰਗਟਿਯੋ ਭੂਅ ਮੈ? ਤੁਮ ਹੀ ਨ ਕਹੋ ਇਨ ਸੋ ਸਮੁਹਾਵੈ ॥ कउन बली प्रगटियो भूअ मै? तुम ही न कहो इन सो समुहावै ॥ ਜਉ ਜੜ ਕੈ ਹਠ ਹੀ ਭਿਰ ਹੈ; ਤੁ ਕਹਾ ਫਿਰ ਜੀਵਤ ਧਾਮਹਿ ਆਵੈ? ॥ जउ जड़ कै हठ ही भिर है; तु कहा फिर जीवत धामहि आवै? ॥ ਆਜ ਸੋਊ ਬਚਿ ਹੈ ਇਹ ਅਉਸਰ; ਜੋ ਭਜਿ ਕੈ ਭਟ ਪ੍ਰਾਨ ਬਚਾਵੈ ॥੨੧੮੦॥ आज सोऊ बचि है इह अउसर; जो भजि कै भट प्रान बचावै ॥२१८०॥ ਤਉ ਲਗ ਹੀ ਜੁਤ ਕੋਪ ਕ੍ਰਿਪਾਨਿਧਿ; ਆਹਵ ਕੀ ਛਿਤ ਭੀਤਰ ਆਏ ॥ तउ लग ही जुत कोप क्रिपानिधि; आहव की छित भीतर आए ॥ ਸ੍ਰਉਣ ਭਰਿਯੋ ਬਲਿਭਦ੍ਰ ਪਿਖਿਯੋ; ਬਿਨੁ ਪ੍ਰਾਨ ਪਰੇ ਰੁਕਮੀ ਦਰਸਾਏ ॥ स्रउण भरियो बलिभद्र पिखियो; बिनु प्रान परे रुकमी दरसाए ॥ ਭੂਪਤ ਅਉਰ ਘਨੇ ਹੀ ਪਿਖੇ; ਕਬਿ ਸ੍ਯਾਮ ਭਨੈ ਹਰਿ ਘਾਇਨ ਆਏ ॥ भूपत अउर घने ही पिखे; कबि स्याम भनै हरि घाइन आए ॥ ਭ੍ਰਾਤ ਕਉ ਦੇਖ ਪ੍ਰਸੰਨ ਭਏ; ਬਲਿ ਨਾਰਿ ਕੋ ਦੇਖਤ ਨੈਨ ਨਿਵਾਏ ॥੨੧੮੧॥ भ्रात कउ देख प्रसंन भए; बलि नारि को देखत नैन निवाए ॥२१८१॥ ਰਥ ਤੇ ਤਬ ਆਪਹਿ ਧਾਇ ਕੈ ਸ੍ਯਾਮ ਜੂ; ਜਾਇ ਹਲੀ ਕਹੁ ਅੰਕਿ ਲੀਓ ॥ रथ ते तब आपहि धाइ कै स्याम जू; जाइ हली कहु अंकि लीओ ॥ ਫੁਨਿ ਅਉਰਨ ਜਾਹਿ ਗਹਿਯੋ ਰੁਕਮੀ; ਤਿਹ ਕੋ ਸੁ ਭਲੀ ਬਿਧਿ ਦਾਹ ਕੀਓ ॥ फुनि अउरन जाहि गहियो रुकमी; तिह को सु भली बिधि दाह कीओ ॥ ਉਤਿ ਦਉਰਿ ਰੁਕਮਨ ਭਇਯਨ ਬੀਚ; ਗਈ ਤਿਨ ਜਾਏ ਸਮੋਧ ਕੀਓ ॥ उति दउरि रुकमन भइयन बीच; गई तिन जाए समोध कीओ ॥ ਕਿਹ ਕਾਜ ਕਹਿਯੋ ਇਨ ਸੋ ਤੁਮ ਜੂਝ; ਕੀਯੋ? ਜਿਨ ਸੋ ਭਟ ਕੋ ਨ ਬੀਓ ॥੨੧੮੨॥ किह काज कहियो इन सो तुम जूझ; कीयो? जिन सो भट को न बीओ ॥२१८२॥ ਚੌਪਈ ॥ चौपई ॥ ਤਿਨ ਯੌ ਸ੍ਯਾਮ ਸਮੋਧ ਕਰਾਯੋ ॥ तिन यौ स्याम समोध करायो ॥ ਪੌਤ੍ਰ ਬਧੂ ਲੈ ਡੇਰਨ ਆਯੋ ॥ पौत्र बधू लै डेरन आयो ॥ ਸ੍ਯਾਮ ਕਥਾ ਹ੍ਵੈ ਹੈ ਮੈ ਕੈਹਉ ॥ स्याम कथा ह्वै है मै कैहउ ॥ ਸ੍ਰੋਤਨ ਭਲੀ ਭਾਂਤਿ ਰਿਝਵੈ ਹਉ ॥੨੧੮੩॥ स्रोतन भली भांति रिझवै हउ ॥२१८३॥ ਇਤਿ ਸ੍ਰੀ ਬਚਿਤ ਨਾਟਕ ਗ੍ਰੰਥੇ ਕ੍ਰਿਸਨਾਵਤਾਰੇ ਪੌਤ੍ਰ ਬਿਆਹ ਰੁਕਮੀ ਬਧ ਕਰਤ ਭਏ ਧਿਆਇ ਸਮਾਪਤਮ ॥ इति स्री बचित नाटक ग्रंथे क्रिसनावतारे पौत्र बिआह रुकमी बध करत भए धिआइ समापतम ॥ ਅਥ ਊਖਾ ਕੋ ਬਿਆਹ ਕਥਨੰ ॥ अथ ऊखा को बिआह कथनं ॥ ਦਸ ਸੈ ਭੁਜਾ ਕੋ ਗਰਬੁ ਹਰਨ ਕਥਨੰ ॥ दस सै भुजा को गरबु हरन कथनं ॥ ਚੌਪਈ ॥ चौपई ॥ ਜਦੁਪਤਿ ਪੌਤ੍ਰ ਬ੍ਯਾਹ ਘਰ ਆਯੋ ॥ जदुपति पौत्र ब्याह घर आयो ॥ ਅਤਿ ਚਿਤਿ ਅਪਨੇ ਹਰਖ ਬਢਾਯੋ ॥ अति चिति अपने हरख बढायो ॥ ਗਰਬ ਉਤੈ ਦਸ ਸੈ ਭੁਜ ਕੀਨੋ ॥ गरब उतै दस सै भुज कीनो ॥ ਮੈ ਬਰੁ ਮਹਾਰੁਦ੍ਰ ਤੇ ਲੀਨੋ ॥੨੧੮੪॥ मै बरु महारुद्र ते लीनो ॥२१८४॥ |
|
|
|
|
Dasam Granth |