ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 447 ਦੋਹਰਾ ॥ दोहरा ॥ ਆਵਤ ਸਰ ਸੋ ਕਾਟਿ ਕੈ; ਰਿਸਿ ਬੋਲਿਯੋ ਖੜਗੇਸ ॥ आवत सर सो काटि कै; रिसि बोलियो खड़गेस ॥ ਮੁਹਿ ਪਉਰਖ ਜਾਨਤ ਸਕਲ; ਸੇਸ ਸੁਰੇਸ ਮਹੇਸ ॥੧੬੩੧॥ मुहि पउरख जानत सकल; सेस सुरेस महेस ॥१६३१॥ ਕਬਿਤੁ ॥ कबितु ॥ ਭਖ ਜੈਹਉ ਭੂਤਨ, ਭਜਾਇ ਦੈਹੋ ਸੁਰਾਸੁਰ; ਸ੍ਯਾਮ ! ਪਟਿਕੈ ਹੋ ਭੂਮਿ, ਭੁਜਾ ਅਸਿ ਜੋ ਗਹਉ ॥ भख जैहउ भूतन, भजाइ दैहो सुरासुर; स्याम ! पटिकै हो भूमि, भुजा असि जो गहउ ॥ ਭੈਰਵ ਨਚੈਹਉ ਭਾਰੀ ਜੁਧਹਿ ਮਚੈਹਉ; ਪੁਨਿ ਭਾਜ ਹੂੰ ਨ ਜੈਹਉ, ਸੁਨਿ ਸਾਚੀ ਹਰਿ ! ਹਉ ਕਹਉ ॥ भैरव नचैहउ भारी जुधहि मचैहउ; पुनि भाज हूं न जैहउ, सुनि साची हरि ! हउ कहउ ॥ ਕਹਾ ਦ੍ਰਉਣ? ਦਿਜ ਕਉ, ਸੰਘਾਰਤ ਨ ਲਾਗੈ ਪਲ; ਮਾਰੋ ਦਲ ਬਲਿ ਇੰਦ੍ਰ, ਜਮ ਰੁਦ੍ਰ ਜੋ ਚਹਉ ॥ कहा द्रउण? दिज कउ, संघारत न लागै पल; मारो दल बलि इंद्र, जम रुद्र जो चहउ ॥ ਰਾਧਿਕਾ ਰਵਨ ! ਤਉ ਤੇਰੇ ਰਨ ਜੁਰੇ ਆਜੁ; ਛਤ੍ਰੀ ਖੜਗੇਸ ਹੁਇ ਕੈ ਐਸੋ ਬੋਲ ਹਉ ਸਹਉ ॥੧੬੩੨॥ राधिका रवन ! तउ तेरे रन जुरे आजु; छत्री खड़गेस हुइ कै ऐसो बोल हउ सहउ ॥१६३२॥ ਛਪੈ ਛੰਦ ॥ छपै छंद ॥ ਤਬਹਿ ਦ੍ਰਉਣ ਰਿਸ ਕੋ ਬਢਾਇ; ਨ੍ਰਿਪ ਸਉਹੈ ਧਾਯੋ ॥ तबहि द्रउण रिस को बढाइ; न्रिप सउहै धायो ॥ ਅਸਤ੍ਰ ਸਸਤ੍ਰ ਗਹਿ ਪਾਨਿ; ਬਹੁਤੁ ਬਿਧਿ ਜੁਧ ਮਚਾਯੋ ॥ असत्र ससत्र गहि पानि; बहुतु बिधि जुध मचायो ॥ ਅਧਿਕ ਸ੍ਰਉਣ ਤਨ ਭਰੇ; ਲਰੇ ਭਟ ਘਾਇਲ ਐਸੇ ॥ अधिक स्रउण तन भरे; लरे भट घाइल ऐसे ॥ ਲਾਲ ਗੁਲਾਲ ਭਰੇ ਪਟਿ; ਖੇਲਤ ਚਾਚਰ ਜੈਸੇ ॥ लाल गुलाल भरे पटि; खेलत चाचर जैसे ॥ ਤਬ ਦੇਖਿ ਸਭੈ ਸੁਰ ਯੌ ਕਹੈ; ਧਨਿ ਦਿਜ ਧਨਿ, ਸੁ ਭੂਪ ਤੁਅ ॥ तब देखि सभै सुर यौ कहै; धनि दिज धनि, सु भूप तुअ ॥ ਜੁਗ ਚਾਰਨ ਮੈ ਅਬ ਲਉ ਕਹੂੰ; ਐਸੇ ਜੁਧ ਨ ਭਯੋ ਭੁਅ ॥੧੬੩੩॥ जुग चारन मै अब लउ कहूं; ऐसे जुध न भयो भुअ ॥१६३३॥ ਦੋਹਰਾ ॥ दोहरा ॥ ਘੇਰਿਓ ਤਬ ਖੜਗੇਸ ਕਉ; ਪਾਡਵ ਸੈਨ ਰਿਸਾਇ ॥ घेरिओ तब खड़गेस कउ; पाडव सैन रिसाइ ॥ ਪਾਰਥ ਭੀਖਮ ਭੀਮ ਦਿਜ; ਦ੍ਰਉਣ ਕ੍ਰਿਪਾ ਕੁਰ ਰਾਇ ॥੧੬੩੪॥ पारथ भीखम भीम दिज; द्रउण क्रिपा कुर राइ ॥१६३४॥ ਕਬਿਤੁ ॥ कबितु ॥ ਜੈਸੇ ਬਾਰ ਖੇਤ ਕਉ, ਜੁ ਕਾਲ ਫਾਸ ਚੇਤ ਕਉ; ਸੁ ਭਿਛ ਦਾਨ ਦੇਤ ਕਉ, ਸੁ ਕੰਕਨ ਜਿਉ ਕਰ ਕੋ ॥ जैसे बार खेत कउ, जु काल फास चेत कउ; सु भिछ दान देत कउ, सु कंकन जिउ कर को ॥ ਜੈਸੇ ਦੇਹ ਪ੍ਰਾਨ ਕਉ, ਪ੍ਰਵੇਖ ਸਸਿ ਭਾਨੁ ਕਉ; ਅਗਿਆਨ ਜੈਸੇ ਗਿਆਨ ਕਉ, ਸੁ ਗੋਪੀ ਜੈਸੇ ਹਰਿ ਕੋ ॥ जैसे देह प्रान कउ, प्रवेख ससि भानु कउ; अगिआन जैसे गिआन कउ, सु गोपी जैसे हरि को ॥ ਜਿਉ ਤੜਾਗ ਆਪ ਕਉ, ਸੁ ਮਾਲਾ ਜੈਸੇ ਜਾਪੁ ਕਉ; ਸੋ ਪੁੰਨਿ ਜੈਸੇ ਪਾਪ ਕਉ, ਜਿਉ ਆਲ ਬਾਲ ਤਰੁ ਕੋ ॥ जिउ तड़ाग आप कउ, सु माला जैसे जापु कउ; सो पुंनि जैसे पाप कउ, जिउ आल बाल तरु को ॥ ਜੈਸੇ ਉਡ ਧ੍ਰੂਅ ਕਉ, ਸਮੁਦਰ ਜੈਸੇ ਭੂਅ ਕਉ; ਸੁ ਤੈਸੇ ਘੇਰਿ ਲੀਨੋ ਹੈ, ਖੜਗ ਸਿੰਘ ਬਰ ਕੋ ॥੧੬੩੫॥ जैसे उड ध्रूअ कउ, समुदर जैसे भूअ कउ; सु तैसे घेरि लीनो है, खड़ग सिंघ बर को ॥१६३५॥ ਸਵੈਯਾ ॥ सवैया ॥ ਘੇਰਿ ਲਯੋ ਖੜਗੇਸ ਜਬੈ; ਤਬ ਹੀ ਦੁਰਜੋਧਨ ਕੋਪ ਭਯੋ ਹੈ ॥ घेरि लयो खड़गेस जबै; तब ही दुरजोधन कोप भयो है ॥ ਪਾਰਥ ਭੀਮ ਜੁਧਿਸਟਰ ਭੀਖਮ; ਅਉਰ ਹਲੀ ਹਲੁ ਪਾਨਿ ਲਯੋ ਹੈ ॥ पारथ भीम जुधिसटर भीखम; अउर हली हलु पानि लयो है ॥ ਭਾਨੁਜ ਦ੍ਰਉਣ ਜੁ ਅਉਰ ਕ੍ਰਿਪਾ; ਸੁ ਕ੍ਰਿਪਾਨ ਲਏ ਅਰਿ ਓਰਿ ਗਯੋ ਹੈ ॥ भानुज द्रउण जु अउर क्रिपा; सु क्रिपान लए अरि ओरि गयो है ॥ ਅਤ੍ਰਨ ਲਾਤਨ ਮੂਕਨ ਦਾਂਤਨ; ਕੋ ਤਹਾਂ ਆਹਵ ਹੋਤ ਭਯੋ ਹੈ ॥੧੬੩੬॥ अत्रन लातन मूकन दांतन; को तहां आहव होत भयो है ॥१६३६॥ ਸ੍ਰੀ ਖੜਗੇਸ ਲਯੋ ਧਨੁ ਬਾਨ; ਸੰਭਾਰਿ ਕਈ ਅਰਿ ਕੋਟਿ ਸੰਘਾਰੇ ॥ स्री खड़गेस लयो धनु बान; स्मभारि कई अरि कोटि संघारे ॥ ਬਾਜ ਪਰੇ ਕਹੂੰ ਤਾਜ ਗਿਰੇ; ਗਜਰਾਜ ਗਿਰੇ ਗਿਰਿ ਸੇ ਧਰਿ ਕਾਰੇ ॥ बाज परे कहूं ताज गिरे; गजराज गिरे गिरि से धरि कारे ॥ ਘਾਇਲ ਏਕ ਪਰੇ ਤਰਫੈ ਸੁ; ਮਨੋ ਕਰਸਾਯਲ ਸਿੰਘ ਬਿਡਾਰੇ ॥ घाइल एक परे तरफै सु; मनो करसायल सिंघ बिडारे ॥ ਏਕ ਬਲੀ ਕਰਵਾਰਨ ਸੋ; ਅਰਿ ਲੋਥ ਪਰੀ, ਤਿਹ ਮੂੰਡ ਉਤਾਰੇ ॥੧੬੩੭॥ एक बली करवारन सो; अरि लोथ परी, तिह मूंड उतारे ॥१६३७॥ |
|
|
|
|
Dasam Granth |