ਦਸਮ ਗਰੰਥ । दसम ग्रंथ ।

Page 437

ਚੌਪਈ ॥

चौपई ॥

ਪੁਨਿ ਅਪਛਰਾ ਸਕਲ ਬੁਲਾਵਹੁ ॥

पुनि अपछरा सकल बुलावहु ॥

ਇਹ ਕੀ ਅਗ੍ਰਜ ਦ੍ਰਿਸਟਿ ਨਚਾਵਹੁ ॥

इह की अग्रज द्रिसटि नचावहु ॥

ਕਾਮਦੇਵ ਕਉ ਆਇਸ ਦੀਜੈ ॥

कामदेव कउ आइस दीजै ॥

ਯਾ ਕੋ ਚਿਤ ਮੋਹਿ ਕਰਿ ਲੀਜੈ ॥੧੫੪੧॥

या को चित मोहि करि लीजै ॥१५४१॥

ਦੋਹਰਾ ॥

दोहरा ॥

ਤਬਹਿ ਕ੍ਰਿਸਨ ਸੋਊ ਕੀਓ; ਜੋ ਬ੍ਰਹਮਾ ਸਿਖ ਦੀਨ ॥

तबहि क्रिसन सोऊ कीओ; जो ब्रहमा सिख दीन ॥

ਇੰਦ੍ਰ ਸੂਰ ਸਬ ਰੁਦ੍ਰ ਬਸ; ਜਮਹਿ ਬੋਲਿ ਕਰ ਲੀਨ ॥੧੫੪੨॥

इंद्र सूर सब रुद्र बस; जमहि बोलि कर लीन ॥१५४२॥

ਚੌਪਈ ॥

चौपई ॥

ਨਿਕਟਿ ਸ੍ਯਾਮ ਕੇ ਤਬ ਸਬ ਆਏ ॥

निकटि स्याम के तब सब आए ॥

ਕ੍ਰੋਧ ਹੋਇ ਮਨ ਜੁਧਹਿ ਧਾਏ ॥

क्रोध होइ मन जुधहि धाए ॥

ਇਤ ਸਬ ਮਿਲ ਕੈ ਜੁਧ ਮਚਾਯੋ ॥

इत सब मिल कै जुध मचायो ॥

ਉਤ ਅਪਛਰਾ ਨਭਿ ਝਰਲਾਯੋ ॥੧੫੪੩॥

उत अपछरा नभि झरलायो ॥१५४३॥

ਸਵੈਯਾ ॥

सवैया ॥

ਕੈ ਕੈ ਕਟਾਛ ਨਚੈ ਤੇਊ ਭਾਮਿਨ; ਗੀਤ ਸਬੈ ਮਿਲ ਕੈ ਸੁਰ ਗਾਵੈ ॥

कै कै कटाछ नचै तेऊ भामिन; गीत सबै मिल कै सुर गावै ॥

ਬੀਨ ਪਖਾਵਜ ਤਾਲ ਬਜੈ; ਡਫ ਭਾਂਤਿ ਅਨੇਕਨ ਭਾਉ ਦਿਖਾਵੈ ॥

बीन पखावज ताल बजै; डफ भांति अनेकन भाउ दिखावै ॥

ਸਾਰੰਗ ਸੋਰਠਿ ਮਾਲਸਿਰੀ; ਅਰੁ ਰਾਮਕਲੀ ਨਟ ਸੰਗ ਮਿਲਾਵੈ ॥

सारंग सोरठि मालसिरी; अरु रामकली नट संग मिलावै ॥

ਭੋਗਨਿ ਮੋਹਿ ਕੀ ਬਾਤ ਕਿਤੀ; ਸੁਨਿ ਕੈ ਮਨ ਜੋਗਨ ਕੇ ਦ੍ਰਵ ਜਾਵੈ ॥੧੫੪੪॥

भोगनि मोहि की बात किती; सुनि कै मन जोगन के द्रव जावै ॥१५४४॥

ਉਤ ਸੁੰਦਰ ਨਿਰਤ ਕਰੈ ਨਭ ਮੈ; ਇਤ ਬੀਰ ਸਬੈ ਮਿਲਿ ਜੁਧ ਕਰੈ ॥

उत सुंदर निरत करै नभ मै; इत बीर सबै मिलि जुध करै ॥

ਬਰਛੀ ਕਰਵਾਰ ਕਟਾਰਨ ਸਿਉ; ਜਬ ਹੀ ਮਨ ਮੈ ਅਤਿ ਕ੍ਰੁਧ ਭਰੈ ॥

बरछी करवार कटारन सिउ; जब ही मन मै अति क्रुध भरै ॥

ਕਬਿ ਸ੍ਯਾਮ ਅਯੋਧਨ ਮੈ ਰਦਨ ਛਦ; ਪੀਸ ਕੈ ਆਨਿ ਪਰੈ, ਨ ਡਰੈ ॥

कबि स्याम अयोधन मै रदन छद; पीस कै आनि परै, न डरै ॥

ਲਰਿ ਕੈ ਮਰਿ ਕੈ ਜੁ ਕਬੰਧ ਉਠੈ; ਅਰਿ ਕੈ ਸੁ ਅਪਛਰ ਤਾਹਿ ਬਰੈ ॥੧੫੪੫॥

लरि कै मरि कै जु कबंध उठै; अरि कै सु अपछर ताहि बरै ॥१५४५॥

ਦੋਹਰਾ ॥

दोहरा ॥

ਬਡੋ ਜੁਧੁ ਭੂਪਤਿ ਕੀਓ; ਮਨ ਮੈ ਕੋਪ ਬਢਾਇ ॥

बडो जुधु भूपति कीओ; मन मै कोप बढाइ ॥

ਸਬ ਦੇਵਨ ਕੋ ਦਿਨ ਪਰੈ; ਸੋ ਕਬਿ ਕਹਤ ਸੁਨਾਇ ॥੧੫੪੬॥

सब देवन को दिन परै; सो कबि कहत सुनाइ ॥१५४६॥

ਸਵੈਯਾ ॥

सवैया ॥

ਗਿਆਰਹ ਰੁਦ੍ਰਨ ਕੋ ਸਰ ਬਾਇਸ; ਦ੍ਵਾਦਸ ਭਾਨਨ ਚਉਬਿਸਿ ਮਾਰੇ ॥

गिआरह रुद्रन को सर बाइस; द्वादस भानन चउबिसि मारे ॥

ਇੰਦ੍ਰ ਸਹੰਸ੍ਰ ਖੜਾਨਨ ਕੋ ਖਟ; ਪਾਚਸਿ ਕਾਨ੍ਹ ਕੋ ਕੋਪ ਪ੍ਰਹਾਰੇ ॥

इंद्र सहंस्र खड़ानन को खट; पाचसि कान्ह को कोप प्रहारे ॥

ਸੋਮ ਕੋ ਸਾਠ ਗਨੇਸ ਕੋ ਸਤਰ; ਆਠ ਬਸੂਨ ਕੋ ਚਉਸਠ ਡਾਰੇ ॥

सोम को साठ गनेस को सतर; आठ बसून को चउसठ डारे ॥

ਸਾਤ ਕੁਬੇਰ ਕੋ, ਨਉ ਜਮਰਾਜਹਿ; ਏਕ ਹੀ ਏਕ ਸੋ ਅਉਰ ਸੰਘਾਰੇ ॥੧੫੪੭॥

सात कुबेर को, नउ जमराजहि; एक ही एक सो अउर संघारे ॥१५४७॥

ਬਾਨਨ ਬੇਧਿ ਜਲਾਧਿਪਿ ਕਉ; ਨਲ ਕੂਬਰ ਅਉ ਜਮ ਕੇ ਉਰਿ ਮਾਰਿਓ ॥

बानन बेधि जलाधिपि कउ; नल कूबर अउ जम के उरि मारिओ ॥

ਅਉਰ ਕਹਾ ਲਗਿ ਸ੍ਯਾਮ ਗਨੈ? ਜੁ ਹੁਤੇ ਰਨ ਮੈ ਸਬਹੂਨ ਪ੍ਰਹਾਰਿਓ ॥

अउर कहा लगि स्याम गनै? जु हुते रन मै सबहून प्रहारिओ ॥

ਸੰਕਤਮਾਨ ਭਏ ਸਬ ਹੀ; ਕਿਨਹੂੰ ਨਹੀ ਭੂਪ ਕੀ ਓਰਿ ਨਿਹਾਰਿਓ ॥

संकतमान भए सब ही; किनहूं नही भूप की ओरि निहारिओ ॥

ਮਾਨੋ ਜੁਗੰਤ ਕੇ ਅੰਤ ਸਮੈ; ਪ੍ਰਗਟਿਓ ਕਲਿ ਕਾਲ ਤਿਨੋ ਸੁ ਬਿਚਾਰਿਓ ॥੧੫੪੮॥

मानो जुगंत के अंत समै; प्रगटिओ कलि काल तिनो सु बिचारिओ ॥१५४८॥

ਚੌਪਈ ॥

चौपई ॥

ਤਿਆਗਿ ਦਯੋ ਰਨ ਤ੍ਰਾਸ ਬਢਾਯੋ ॥

तिआगि दयो रन त्रास बढायो ॥

ਕਿਨਹੂੰ ਨ ਤਿਹ ਸੋ ਜੁਧੁ ਮਚਾਯੋ ॥

किनहूं न तिह सो जुधु मचायो ॥

ਚਿਤਿ ਸਬ ਹੂੰ ਇਹ ਭਾਂਤਿ ਬਿਚਾਰਿਓ ॥

चिति सब हूं इह भांति बिचारिओ ॥

ਇਹ ਨਹੀ ਮਰੈ ਕਿਸੀ ਤੇ ਮਾਰਿਓ ॥੧੫੪੯॥

इह नही मरै किसी ते मारिओ ॥१५४९॥

ਤਬ ਬ੍ਰਹਮੇ ਹਰਿ ਨਿਕਟ ਉਚਾਰਿਓ ॥

तब ब्रहमे हरि निकट उचारिओ ॥

ਜਬ ਸਗਲੋ ਦਲ ਨ੍ਰਿਪਤਿ ਸੰਘਾਰਿਓ ॥

जब सगलो दल न्रिपति संघारिओ ॥

ਜਬ ਲਗਿ ਇਹ ਤੇਤਾ ਕਰਿ ਮੋ ਹੈ ॥

जब लगि इह तेता करि मो है ॥

ਤਬ ਲਗੁ ਬਜ੍ਰ ਸੂਲ ਧਰਿ ਕੋ ਹੈ? ॥੧੫੫੦॥

तब लगु बज्र सूल धरि को है? ॥१५५०॥

TOP OF PAGE

Dasam Granth