ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 408 ਯੌ ਸੁਨਿ ਕੈ ਬਤੀਯਾ ਤਿਨ ਕੀ; ਸਬ ਆਯੁਧ ਲੈ ਹਰਿ ਸਾਮੁਹੇ ਆਯੋ ॥ यौ सुनि कै बतीया तिन की; सब आयुध लै हरि सामुहे आयो ॥ ਸਾਹਿਬ ਸਿੰਘ ਕੋ ਸੀਸ ਕਟਿਯੋ; ਸੁ ਸਦਾ ਸਿੰਘ ਮਾਰ ਕੈ ਭੂਮਿ ਗਿਰਾਯੋ ॥ साहिब सिंघ को सीस कटियो; सु सदा सिंघ मार कै भूमि गिरायो ॥ ਸੁੰਦਰ ਸਿੰਘ ਅਧੰਧਰ ਕੈ; ਪੁਨਿ ਸਾਜਨ ਸਿੰਘ ਹਨ੍ਯੋ ਰਨ ਪਾਯੋ ॥ सुंदर सिंघ अधंधर कै; पुनि साजन सिंघ हन्यो रन पायो ॥ ਕੇਸਨ ਤੇ ਗਹਿ ਕੈ ਸਬਲੇਸ; ਧਰਾ ਪਟਕਿਯੋ ਇਮ ਜੁਧ ਮਚਾਯੋ ॥੧੨੭੬॥ केसन ते गहि कै सबलेस; धरा पटकियो इम जुध मचायो ॥१२७६॥ ਦੋਹਰਾ ॥ दोहरा ॥ ਸਕਤਿ ਸਿੰਘ ਪੁਨਿ ਹਨ੍ਯੋ ਰਨਿ; ਸੈਨ ਸਿੰਘ ਹਤਿ ਦੀਨ ॥ सकति सिंघ पुनि हन्यो रनि; सैन सिंघ हति दीन ॥ ਸਫਲ ਸਿੰਘ ਅਰਿ ਸਿੰਘ ਹਨਿ; ਸਿੰਘ ਨਾਦ ਹਰਿ ਕੀਨ ॥੧੨੭੭॥ सफल सिंघ अरि सिंघ हनि; सिंघ नाद हरि कीन ॥१२७७॥ ਸਵਛ ਸਿੰਘ ਬਾਚ ॥ सवछ सिंघ बाच ॥ ਸਵੈਯਾ ॥ सवैया ॥ ਸਵਛ ਨਰੇਸ ਕਹਿਯੋ ਹਰਿ ਸਿਉ; ਅਪੁਨੇ ਬਲ ਕੋਪਿ ਅਯੋਧਨ ਮੈ ॥ सवछ नरेस कहियो हरि सिउ; अपुने बल कोपि अयोधन मै ॥ ਅਬ ਤੈ ਦਸ ਭੂਪ ਹਨੇ ਬਲਵੰਡ; ਨ ਰੰਚਕ ਤ੍ਰਾਸ ਕੀਯੋ ਮਨ ਮੈ ॥ अब तै दस भूप हने बलवंड; न रंचक त्रास कीयो मन मै ॥ ਜਦੁਬੀਰ ਕੀ ਓਰ ਤੇ ਤੀਰ ਚਲੈ; ਬਰਖਾ ਜਿਮ ਸਾਵਨ ਕੇ ਘਨ ਮੈ ॥ जदुबीर की ओर ते तीर चलै; बरखा जिम सावन के घन मै ॥ ਸਰ ਪਉਨ ਕੇ ਜੋਰ ਲਗੇ ਨ ਟਰਿਓ; ਗਿਰਿ ਜਿਉ ਥਿਰੁ ਠਾਂਢੋ ਰਹਿਯੋ ਰਨ ਮੈ ॥੧੨੭੮॥ सर पउन के जोर लगे न टरिओ; गिरि जिउ थिरु ठांढो रहियो रन मै ॥१२७८॥ ਦੋਹਰਾ ॥ दोहरा ॥ ਜਦੁ ਬੰਸਨ ਸੋ ਅਤਿ ਲਰਿਯੋ; ਜਿਉ ਬਾਸਵ ਸਿਉ ਜੰਭ ॥ जदु बंसन सो अति लरियो; जिउ बासव सिउ ज्मभ ॥ ਅਚਲ ਰਹਿਯੋ ਤਿਹ ਠਉਰ ਨ੍ਰਿਪ; ਜਿਉ ਰਨ ਮੈ ਰਨ ਖੰਭ ॥੧੨੭੯॥ अचल रहियो तिह ठउर न्रिप; जिउ रन मै रन ख्मभ ॥१२७९॥ ਸਵੈਯਾ ॥ सवैया ॥ ਜਿਉ ਨ ਹਲੈ ਗਿਰਿ ਕੰਚਨ ਕੋ; ਅਤਿ ਹਾਥਨ ਕੋ ਬਲ ਕੋਊ ਕਰੈ ॥ जिउ न हलै गिरि कंचन को; अति हाथन को बल कोऊ करै ॥ ਅਰੁ ਜਿਉ ਧ੍ਰੂ ਲੋਕ ਚਲੈ ਨ ਕਹੂੰ; ਸਿਵ ਮੂਰਤਿ ਜਿਉ ਕਬਹੂੰ ਨ ਚਰੈ ॥ अरु जिउ ध्रू लोक चलै न कहूं; सिव मूरति जिउ कबहूं न चरै ॥ ਬਰ ਜਿਉ ਨ ਸਤੀ ਸਤਿ ਛਾਡਿ ਪਤਿਬ੍ਰਤਿ; ਜਿਉ ਸਿਧ ਜੋਗ ਮੈ ਧ੍ਯਾਨ ਧਰੈ ॥ बर जिउ न सती सति छाडि पतिब्रति; जिउ सिध जोग मै ध्यान धरै ॥ ਤਿਮ ਸ੍ਯਾਮ ਚਮੂੰ ਮਧਿ ਸਵਛ ਨਰੇਸ; ਹਠੀ ਰਨ ਤੇ ਨਹੀ ਨੈਕੁ ਟਰੈ ॥੧੨੮੦॥ तिम स्याम चमूं मधि सवछ नरेस; हठी रन ते नही नैकु टरै ॥१२८०॥ ਕਬਿਤੁ ॥ कबितु ॥ ਫੇਰਿ ਤਿਨ ਕੋਪਿ ਕੈ, ਅਯੋਧਨ ਮੈ ਸ੍ਯਾਮ ਕਹਿ; ਬੀਰ ਬਹੁ ਮਾਰੇ ਸਵਛ ਸਿੰਘ ਮਹਾ ਬਲ ਸੈ ॥ फेरि तिन कोपि कै, अयोधन मै स्याम कहि; बीर बहु मारे सवछ सिंघ महा बल सै ॥ ਅਤਿਰਥੀ ਸਤਿ, ਮਹਾਰਥੀ ਜੁਗ ਸਤਿ; ਤਹਾ ਸਿੰਧੁਰ ਹਜਾਰ ਹਨੇ, ਸ੍ਯਾਮ ਜੂ ਕੇ ਦਲ ਸੈ ॥ अतिरथी सति, महारथी जुग सति; तहा सिंधुर हजार हने, स्याम जू के दल सै ॥ ਘਨੇ ਬਾਜ ਮਾਰੇ, ਰਨਿ ਪੈਦਲ ਸੰਘਾਰੇ; ਭਈ ਰੁਧਰ ਰੰਗੀਨ ਭੂਮਿ ਲਹਰੈ ਉਛਲ ਸੈ ॥ घने बाज मारे, रनि पैदल संघारे; भई रुधर रंगीन भूमि लहरै उछल सै ॥ ਘਾਇਲ ਗਿਰੇ ਸੁ ਮਾਨੋ ਮਹਾ ਮਤਵਾਰੇ ਹ੍ਵੈ ਕੈ; ਸੋਏ ਰੂਮੀ ਤਰੈ ਲਾਲ ਡਾਰ ਕੈ ਅਤਲਸੈ ॥੧੨੮੧॥ घाइल गिरे सु मानो महा मतवारे ह्वै कै; सोए रूमी तरै लाल डार कै अतलसै ॥१२८१॥ ਦੋਹਰਾ ॥ दोहरा ॥ ਬਹੁਤ ਸੈਨ ਹਨਿ ਜਾਦਵੀ; ਬਢਿਯੋ ਗਰਬ ਅਪਾਰ ॥ बहुत सैन हनि जादवी; बढियो गरब अपार ॥ ਮਾਨੁ ਉਤਾਰਿਯੋ ਕ੍ਰਿਸਨ ਪ੍ਰਤਿ; ਬੋਲਿਓ ਕੋਪ ਹਕਾਰਿ ॥੧੨੮੨॥ मानु उतारियो क्रिसन प्रति; बोलिओ कोप हकारि ॥१२८२॥ ਕਹਾ ਭਯੋ? ਜੋ ਭੂਪ; ਦਸ ਮਾਰੇ ਸ੍ਯਾਮ ! ਰਿਸਾਇ ॥ कहा भयो? जो भूप; दस मारे स्याम ! रिसाइ ॥ ਜਿਉ ਮ੍ਰਿਗ ਬਨ ਤਿਨ ਭਛ ਕਰ; ਲਰੇ ਨ ਹਰਿ ਸਮੁਹਾਇ ॥੧੨੮੩॥ जिउ म्रिग बन तिन भछ कर; लरे न हरि समुहाइ ॥१२८३॥ ਰਿਪੁ ਕੇ ਬਚਨ ਸੁਨੰਤ ਹੀ; ਬੋਲੇ ਹਰਿ ਮੁਸਕਾਇ ॥ रिपु के बचन सुनंत ही; बोले हरि मुसकाइ ॥ ਸਵਛ ਸਿੰਘ ! ਤੁਅ ਮਾਰਿ ਹੋ; ਸ੍ਯਾਰ ਸਿੰਘ ਕੀ ਨਯਾਇ ॥੧੨੮੪॥ सवछ सिंघ ! तुअ मारि हो; स्यार सिंघ की नयाइ ॥१२८४॥ |
|
|
|
|
Dasam Granth |