ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 405 ਕਾਨ੍ਹ ਜੂ ਬਾਚ ॥ कान्ह जू बाच ॥ ਦੋਹਰਾ ॥ दोहरा ॥ ਕਹਿਯੋ ਕ੍ਰਿਸਨ ਤੁਹਿ ਮਾਰਿਹੋ; ਤੂੰ ਕਰਿ ਕੋਟਿ ਉਪਾਇ ॥ कहियो क्रिसन तुहि मारिहो; तूं करि कोटि उपाइ ॥ ਅਮਿਟ ਸਿੰਘ ਬੋਲਿਓ ਤਬਹਿ; ਅਤਿ ਹੀ ਕੋਪੁ ਬਢਾਇ ॥੧੨੪੮॥ अमिट सिंघ बोलिओ तबहि; अति ही कोपु बढाइ ॥१२४८॥ ਅਮਿਟ ਸਿੰਘ ਬਾਚ ॥ अमिट सिंघ बाच ॥ ਸਵੈਯਾ ॥ सवैया ॥ ਹਉ ਨ ਬਕੀ ਬਕ ਨੀਚ ਨਹੀ; ਬ੍ਰਿਖਭਾਸੁਰ ਸੋ ਛਲ ਸਾਥਿ ਸੰਘਾਰਿਓ ॥ हउ न बकी बक नीच नही; ब्रिखभासुर सो छल साथि संघारिओ ॥ ਕੇਸੀ ਨ ਹਉ, ਗਜ ਧੇਨੁਕ ਨਾਹਿ; ਨ ਹਉ ਤ੍ਰਿਨਾਵ੍ਰਤ ਸਿਲਾ ਪਰਿ ਡਾਰਿਓ ॥ केसी न हउ, गज धेनुक नाहि; न हउ त्रिनाव्रत सिला परि डारिओ ॥ ਹਉ ਨ ਅਘਾਸੁਰ ਮੁਸਟ ਚੰਡੂਰ ਸੁ; ਕੰਸ ਨਹੀ ਗਹਿ ਕੇਸ ਪਛਾਰਿਓ ॥ हउ न अघासुर मुसट चंडूर सु; कंस नही गहि केस पछारिओ ॥ ਭ੍ਰਾਤ ਬਲੀ ਤੁਅ ਨਾਮ ਪਰਿਓ; ਕਹੋ, ਕਉਨ ਬਲੀ ਬਲੁ ਸੋ ਤੁਮ ਮਾਰਿਓ? ॥੧੨੪੯॥ भ्रात बली तुअ नाम परिओ; कहो, कउन बली बलु सो तुम मारिओ? ॥१२४९॥ ਕਾ ਚਤੁਰਾਨਨ ਮੈ ਬਲੁ ਹੈ? ਜੋਊ ਆਹਵ ਮੈ ਹਮ ਸੋ ਰਿਸ ਕੈ ਹੈ ॥ का चतुरानन मै बलु है? जोऊ आहव मै हम सो रिस कै है ॥ ਕਉਨ ਖਗੇਸ ਗਨੇਸ ਦਿਨੇਸ; ਨਿਸੇਸ ਨਿਹਾਰਿ ਕੈ ਮੋਨ ਭਜੈ ਹੈ ॥ कउन खगेस गनेस दिनेस; निसेस निहारि कै मोन भजै है ॥ ਸੇਸ ਜਲੇਸ ਸੁਰੇਸ ਧਨੇਸ ਜੂ; ਜਉ ਅਰਿ ਹੈ ਤਊ ਮੋਹ ਨ ਛੈ ਹੈ ॥ सेस जलेस सुरेस धनेस जू; जउ अरि है तऊ मोह न छै है ॥ ਭਾਜਤ ਦੇਵ ਬਿਲੋਕ ਕੈ ਮੋ ਕਉ; ਤੂ ਲਰਿਕਾ ਲਰਿ, ਕਾ ਫਲੁ ਲੈ ਹੈ? ॥੧੨੫੦॥ भाजत देव बिलोक कै मो कउ; तू लरिका लरि, का फलु लै है? ॥१२५०॥ ਦੋਹਰਾ ॥ दोहरा ॥ ਖੋਵਤ ਹੈ ਜੀਉ ਕਿਹ ਨਮਿਤ; ਤਜਿ ਰਨਿ ਸ੍ਯਾਮ ! ਪਧਾਰੁ ॥ खोवत है जीउ किह नमित; तजि रनि स्याम ! पधारु ॥ ਮਾਰਤ ਹੋ ਰਨਿ ਆਜ ਤੁਹਿ; ਅਪਨੇ ਬਲਹਿ ਸੰਭਾਰ ॥੧੨੫੧॥ मारत हो रनि आज तुहि; अपने बलहि स्मभार ॥१२५१॥ ਕਾਨ੍ਹ ਜੂ ਬਾਚ ॥ कान्ह जू बाच ॥ ਦੋਹਰਾ ॥ दोहरा ॥ ਅਮਿਟ ਸਿੰਘ ਕੇ ਬਚਨ ਸੁਨਿ; ਬੋਲਿਯੋ ਹਰਿ ਕਰਿ ਕੋਪ ॥ अमिट सिंघ के बचन सुनि; बोलियो हरि करि कोप ॥ ਅਬ ਅਕਾਰ ਤੁਅ ਲੋਪ ਕਰਿ; ਅਮਿਟ ਸਿੰਘ ਬਿਨੁ ਓਪ ॥੧੨੫੨॥ अब अकार तुअ लोप करि; अमिट सिंघ बिनु ओप ॥१२५२॥ ਸਵੈਯਾ ॥ सवैया ॥ ਜੁਧੁ ਕਰਿਯੋ ਹਰਿ ਜੂ ਜੁਗ ਜਾਮ; ਤਬੈ ਰਿਪੁ ਰੀਝ ਕੈ ਐਸੇ ਪੁਕਾਰਿਓ ॥ जुधु करियो हरि जू जुग जाम; तबै रिपु रीझ कै ऐसे पुकारिओ ॥ ਬਾਲਕ ਹੋ, ਅਰੁ ਜੁਧ ਪ੍ਰਬੀਨ ਹੋ; ਮਾਂਗੁ ਕਛੂ ਮੁਖਿ ਜੋ ਜੀਯ ਧਾਰਿਓ ॥ बालक हो, अरु जुध प्रबीन हो; मांगु कछू मुखि जो जीय धारिओ ॥ ਆਪੁਨੀ ਪਾਤ ਕੀ ਘਾਤ ਕੀ ਬਾਤ ਕਉ; ਦੇਹੁ ਬਤਾਇ ਮੁਰਾਰਿ ਉਚਾਰਿਓ ॥ आपुनी पात की घात की बात कउ; देहु बताइ मुरारि उचारिओ ॥ ਸਾਮੁਹੇ ਮੋਹਿ ਨ ਕੋਊ ਹਨੈ; ਅਸਿ ਲੈ ਤਬ ਕਾਨ੍ਹ ਪਛਾਵਰਿ ਝਾਰਿਓ ॥੧੨੫੩॥ सामुहे मोहि न कोऊ हनै; असि लै तब कान्ह पछावरि झारिओ ॥१२५३॥ ਸੀਸ ਕਟਿਓ ਨ ਹਟਿਓ ਤਿਹ ਠਉਰ ਤੇ; ਦਉਰ ਕੈ ਆਗੈ ਹੀ ਕੋ ਪਗੁ ਧਾਰਿਓ ॥ सीस कटिओ न हटिओ तिह ठउर ते; दउर कै आगै ही को पगु धारिओ ॥ ਕੁੰਚਰ ਏਕ ਹੁਤੇ ਦਲ ਮੈ; ਤਿਹ ਧਾਇ ਕੈ ਜਾਇ ਕੈ ਘਾਇ ਪ੍ਰਹਾਰਿਓ ॥ कुंचर एक हुते दल मै; तिह धाइ कै जाइ कै घाइ प्रहारिओ ॥ ਮਾਰਿ ਕਰੀ, ਹਨਿ ਬੀਰ ਚਲਿਓ; ਅਸਿ ਲੈ ਕਰਿ ਸ੍ਰੀ ਹਰਿ ਓਰਿ ਪਧਾਰਿਓ ॥ मारि करी, हनि बीर चलिओ; असि लै करि स्री हरि ओरि पधारिओ ॥ ਭੂਮਿ ਗਿਰਿਓ ਸਿਰੁ ਸ੍ਰੀ ਸਿਵ ਲੈ; ਗੁਹਿ ਮੁੰਡ ਕੀ ਮਾਲ ਕੋ ਮੇਰੁ ਸਵਾਰਿਓ ॥੧੨੫੪॥ भूमि गिरिओ सिरु स्री सिव लै; गुहि मुंड की माल को मेरु सवारिओ ॥१२५४॥ ਦੋਹਰਾ ॥ दोहरा ॥ ਅਮਿਟ ਸਿੰਘ ਅਤਿ ਹੀ ਬਲੀ; ਬਹੁਤੁ ਕਰਿਓ ਸੰਗ੍ਰਾਮ ॥ अमिट सिंघ अति ही बली; बहुतु करिओ संग्राम ॥ ਨਿਕਸਿ ਜੋਤਿ ਹਰਿ ਸੋ ਮਿਲੀ; ਜਿਉ ਨਿਸ ਕੋ ਕਰਿ ਭਾਨੁ ॥੧੨੫੫॥ निकसि जोति हरि सो मिली; जिउ निस को करि भानु ॥१२५५॥ ਸਵੈਯਾ ॥ सवैया ॥ ਅਉਰ ਜਿਤੀ ਪ੍ਰਿਤਨਾ ਅਰਿ ਕੀ; ਤਿਨ ਹੂੰ ਜਦੁਬੀਰ ਸੋ ਜੁਧੁ ਕੀਆ ॥ अउर जिती प्रितना अरि की; तिन हूं जदुबीर सो जुधु कीआ ॥ ਬਿਨੁ ਭੂਪਤਿ ਆਨਿ ਅਰੇ, ਨ ਡਰੇ; ਰਿਸ ਕੋ ਕਰਿ ਕੈ ਅਤਿ ਗਾਢੋ ਹੀਆ ॥ बिनु भूपति आनि अरे, न डरे; रिस को करि कै अति गाढो हीआ ॥ ਮਿਲ ਧਾਇ ਪਰੇ ਹਰਿ ਪੈ ਭਟ ਯੌ; ਕਵਿ ਤਾ ਛਬਿ ਕੋ ਜਸੁ ਮਾਨ ਲੀਆ ॥ मिल धाइ परे हरि पै भट यौ; कवि ता छबि को जसु मान लीआ ॥ ਮਾਨੋ ਰਾਤਿ ਸਮੈ ਉਡਿ ਕੀਟ ਪਤੰਗ; ਜਿਉ ਟੂਟਿ ਪਰੈ ਅਵਿਲੋਕਿ ਦੀਆ ॥੧੨੫੬॥ मानो राति समै उडि कीट पतंग; जिउ टूटि परै अविलोकि दीआ ॥१२५६॥ |
|
|
|
|
Dasam Granth |