ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 340 ਦਿਜ ਬਾਚ ॥ दिज बाच ॥ ਸਵੈਯਾ ॥ सवैया ॥ ਅਤ੍ਰਿ ਰਿਖੀਸੁਰ ਕੇ ਸੁਤ ਕੋ; ਅਤਿ ਹਾਸਿ ਕਰਿਓ ਤਿਹ ਸ੍ਰਾਪ ਦਯੋ ਹੈ ॥ अत्रि रिखीसुर के सुत को; अति हासि करिओ तिह स्राप दयो है ॥ ਜਾਹਿ ਕਹਿਯੋ ਤੂਅ ਸਾਪ ਸੁ ਹੋ; ਬਚਨਾ ਉਨਿ ਯਾ ਬਿਧਿ ਮੋਹਿ ਕਹਿਓ ਹੈ ॥ जाहि कहियो तूअ साप सु हो; बचना उनि या बिधि मोहि कहिओ है ॥ ਤਾਹੀ ਕੇ ਸ੍ਰਾਪ ਲਗੇ ਹਮਰੇ ਤਨ; ਬਾਮਨ ਤੇ ਅਹਿ ਸ੍ਯਾਮ ਭਯੋ ਹੈ ॥ ताही के स्राप लगे हमरे तन; बामन ते अहि स्याम भयो है ॥ ਕਾਨ੍ਹ ! ਤੁਮੈ ਤਨ ਛੂਵਤ ਹੀ; ਤਨ ਕੋ ਸਭ ਪਾਪ ਪਰਾਇ ਗਯੋ ਹੈ ॥੭੬੫॥ कान्ह ! तुमै तन छूवत ही; तन को सभ पाप पराइ गयो है ॥७६५॥ ਪੂਜਤ ਤੇ ਜਗ ਮਾਤ ਸਭੈ ਜਨ; ਪੂਜਿ ਸਭੈ ਤਿਹ ਡੇਰਨ ਆਏ ॥ पूजत ते जग मात सभै जन; पूजि सभै तिह डेरन आए ॥ ਕਾਨ੍ਹ ਪਰਾਕ੍ਰਮ ਕੋ ਉਰਿ ਧਾਰਿ; ਸਭੋ ਮਿਲਿ ਕੈ ਉਪਮਾ ਜਸ ਗਾਏ ॥ कान्ह पराक्रम को उरि धारि; सभो मिलि कै उपमा जस गाए ॥ ਸੋਰਠਿ ਸਾਰੰਗ ਸੁਧ ਮਲਾਰ; ਬਿਲਾਵਲ ਭੀਤਰ ਤਾਨ ਬਸਾਏ ॥ सोरठि सारंग सुध मलार; बिलावल भीतर तान बसाए ॥ ਰੀਝਿ ਰਹੇ ਬ੍ਰਿਜ ਕੇ ਸੁ ਸਭੈ ਜਨ; ਰੀਝਿ ਰਹੇ ਜਿਨ ਹੂੰ ਸੁਨਿ ਪਾਏ ॥੭੬੬॥ रीझि रहे ब्रिज के सु सभै जन; रीझि रहे जिन हूं सुनि पाए ॥७६६॥ ਦੋਹਰਾ ॥ दोहरा ॥ ਪੂਜਿ ਚੰਡ ਕੋ ਭਟ ਬਡੇ; ਘਰਿ ਆਇ ਮਿਲਿ ਦੋਇ ॥ पूजि चंड को भट बडे; घरि आइ मिलि दोइ ॥ ਅੰਨ ਖਾਇ ਕੈ ਮਾਤ ਤੇ; ਰਹੇ ਸਦਨ ਮੈ ਸੋਇ ॥੭੬੭॥ अंन खाइ कै मात ते; रहे सदन मै सोइ ॥७६७॥ ਇਤਿ ਸ੍ਰੀ ਬਚਿਤ੍ਰ ਨਾਟਕੇ ਗ੍ਰੰਥੇ ਕ੍ਰਿਸਨਾਵਤਾਰੇ ਦਿਜ ਉਧਾਰ ਚੰਡਿ ਪੂਜ ਧਿਆਇ ਸਮਾਪਤਮ ॥ इति स्री बचित्र नाटके ग्रंथे क्रिसनावतारे दिज उधार चंडि पूज धिआइ समापतम ॥ ਅਥ ਬ੍ਰਿਖਭਾਸੁਰ ਦੈਤ ਬਧ ਕਥਨੰ ॥ अथ ब्रिखभासुर दैत बध कथनं ॥ ਸਵੈਯਾ ॥ सवैया ॥ ਭੋਜਨ ਕੈ ਜਸੁਧਾ ਪਹਿ ਤੇ; ਭਟ ਰਾਤਿ ਪਰੇ ਸੋਊ ਸੋਇ ਰਹੈ ਹੈ ॥ भोजन कै जसुधा पहि ते; भट राति परे सोऊ सोइ रहै है ॥ ਪ੍ਰਾਤ ਭਏ ਬਨ ਬੀਚ ਗਏ; ਉਠ ਕੈ ਜਹ ਡੋਲਤ ਸਿੰਘ ਸਹੈ ਹੈ ॥ प्रात भए बन बीच गए; उठ कै जह डोलत सिंघ सहै है ॥ ਬ੍ਰਿਖਭਾਸੁਰ ਥੋ ਤਿਹ ਠਉਰ ਖਰੋ; ਜਿਹ ਕੇ ਦੋਊ ਸੀਂਗ ਅਕਾਸ ਖਹੇ ਹੈ ॥ ब्रिखभासुर थो तिह ठउर खरो; जिह के दोऊ सींग अकास खहे है ॥ ਦੇਖ ਕੈ ਸੋ ਹਰਿ ਜੂ ਕੁਪ ਕੈ; ਦੁਹੂੰ ਹਾਥਨ ਸੋ ਕਰਿ ਜੋਰੁ ਗਹੇ ਹੈ ॥੭੬੮॥ देख कै सो हरि जू कुप कै; दुहूं हाथन सो करि जोरु गहे है ॥७६८॥ ਸੀਂਗਨ ਤੇ ਗਹਿ ਡਾਰ ਦਯੋ ਸੁ; ਅਠਾਰਹ ਪੈਗ ਪੈ ਜਾਇ ਪਰਿਓ ਹੈ ॥ सींगन ते गहि डार दयो सु; अठारह पैग पै जाइ परिओ है ॥ ਫੇਰਿ ਉਠਿਓ ਕਰਿ ਕੋਪ ਮਨੈ; ਹਰਿ ਕੇ ਫਿਰਿ ਸਾਮੁਹ ਜੁਧੁ ਕਰਿਓ ਹੈ ॥ फेरि उठिओ करि कोप मनै; हरि के फिरि सामुह जुधु करिओ है ॥ ਫੇਰ ਬਗਾਇ ਦੀਯੋ ਹਰਿ ਜੂ; ਕਹੀ ਜਾਇ ਗਿਰਿਓ, ਸੁ ਨਹੀ ਉਬਰਿਓ ਹੈ ॥ फेर बगाइ दीयो हरि जू; कही जाइ गिरिओ, सु नही उबरिओ है ॥ ਮੋਛ ਭਈ ਤਿਹ ਕੀ ਹਰਿ ਕੇ ਕਰ; ਛੂਵਤ ਹੀ ਸੁ ਲਰਿਯੋ ਨ, ਮਰਿਯੋ ਹੈ ॥੭੬੯॥ मोछ भई तिह की हरि के कर; छूवत ही सु लरियो न, मरियो है ॥७६९॥ ਇਤਿ ਸ੍ਰੀ ਬਚਿਤ੍ਰ ਨਾਟਕ ਗ੍ਰੰਥੇ ਕ੍ਰਿਸਨਾਵਤਾਰੇ ਬ੍ਰਿਖਭਾਸੁਰ ਦੈਤ ਬਧਹ ਧਯਾਇ ਸਮਾਪਤਮ ਸਤ ਸੁਭਮ ਸਤ ॥ इति स्री बचित्र नाटक ग्रंथे क्रिसनावतारे ब्रिखभासुर दैत बधह धयाइ समापतम सत सुभम सत ॥ ਅਥ ਕੇਸੀ ਦੈਤ ਬਧ ਕਥਨੰ ॥ अथ केसी दैत बध कथनं ॥ ਸਵੈਯਾ ॥ सवैया ॥ ਜੁਧ ਬਡੋ ਕਰ ਕੈ ਤਿਹ ਕੈ ਸੰਗ; ਜਉ ਭਗਵਾਨ ਬਡੋ ਅਰਿ ਮਾਰਿਓ ॥ जुध बडो कर कै तिह कै संग; जउ भगवान बडो अरि मारिओ ॥ ਨਾਰਦ ਤਉ ਮਥੁਰਾ ਮੈ ਗਯੋ; ਬਚਨਾ ਸੰਗ ਕੰਸ ਕੇ ਐਸੇ ਉਚਾਰਿਓ ॥ नारद तउ मथुरा मै गयो; बचना संग कंस के ऐसे उचारिओ ॥ ਤੂ ਭਗਨੀਪਤਿ ਨੰਦ ਸੁਤਾ ਹਰਿ; ਤ੍ਵੈ ਰਿਪੁ ਵਾ ਘਰ ਭੀਤਰ ਡਾਰਿਓ ॥ तू भगनीपति नंद सुता हरि; त्वै रिपु वा घर भीतर डारिओ ॥ ਦੈਤ ਅਘਾਸੁਰ ਅਉ ਬਕ ਬੀਰ; ਮਰਿਓ ਤਿਨ ਹੂੰ ਜਬ ਪਉਰਖ ਹਾਰਿਓ ॥੭੭੦॥ दैत अघासुर अउ बक बीर; मरिओ तिन हूं जब पउरख हारिओ ॥७७०॥ |
|
|
|
|
Dasam Granth |