ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1181 ਏਕਤੁ ਬੋਲਤ ਮੋਰ ਕਰੋਰਿਨ; ਦੂਸਰੇ ਕੋਕਿਲ ਕਾਕੁ ਹਕਾਰੈਂ ॥ एकतु बोलत मोर करोरिन; दूसरे कोकिल काकु हकारैं ॥ ਦਾਦਰ ਦਾਹਤ ਹੈ ਹਿਯ ਕੌ; ਅਰੁ ਪਾਨੀ ਪਰੈ ਛਿਤ ਮੇਘ ਫੁਹਾਰੈ ॥ दादर दाहत है हिय कौ; अरु पानी परै छित मेघ फुहारै ॥ ਝਿੰਗ੍ਰ ਕਰੈ ਝਰਨਾ ਉਰ ਮਾਝ; ਕ੍ਰਿਪਾਨ ਕਿ ਬਿਦਲਤਾ ਚਮਕਾਰੈ ॥ झिंग्र करै झरना उर माझ; क्रिपान कि बिदलता चमकारै ॥ ਪ੍ਰਾਨ ਬਚੇ ਇਹ ਕਾਰਨ ਤੇ; ਪਿਯ ਆਸ ਲਗੈ, ਨਹਿ ਆਜ ਪਧਾਰੈ ॥੭॥ प्रान बचे इह कारन ते; पिय आस लगै, नहि आज पधारै ॥७॥ ਅੜਿਲ ॥ अड़िल ॥ ਅਤਿ ਬ੍ਯਾਕੁਲ ਜਬ ਕੁਅਰਿ; ਸੁਘਰਿ ਸਹਚਰਿ ਲਹੀ ॥ अति ब्याकुल जब कुअरि; सुघरि सहचरि लही ॥ ਕਾਨ ਲਾਗਿ ਕੋ ਬਾਤ; ਬਿਹਸਿ ਐਸੇ ਕਹੀ ॥ कान लागि को बात; बिहसि ऐसे कही ॥ ਚਤੁਰਿ ਦੂਤਿਕਾ ਤਹ; ਇਕ ਅਬੈ ਪਠਾਇਯੈ ॥ चतुरि दूतिका तह; इक अबै पठाइयै ॥ ਹੋ ਸ੍ਰੀ ਮਨਿ ਤਿਲਕ ਕੁਅਰ; ਕੌ ਭੇਦ ਮੰਗਾਇਯੈ ॥੮॥ हो स्री मनि तिलक कुअर; कौ भेद मंगाइयै ॥८॥ ਸੁਨਤ ਮਨੋਹਰ ਬਾਤ; ਅਧਿਕ ਮੀਠੀ ਲਗੀ ॥ सुनत मनोहर बात; अधिक मीठी लगी ॥ ਬਿਰਹਿ ਅਗਨਿ ਕੀ ਜ੍ਵਾਲ; ਕੁਅਰਿ ਕੇ ਜਿਯ ਜਗੀ ॥ बिरहि अगनि की ज्वाल; कुअरि के जिय जगी ॥ ਚਤੁਰਿ ਸਖੀ ਇਕ ਬੋਲਿ; ਪਠਾਈ ਮੀਤ ਤਨ ॥ चतुरि सखी इक बोलि; पठाई मीत तन ॥ ਹੋ ਜਿਯ ਜਾਨੀ ਮੁਹਿ ਰਾਖਿ; ਜਾਨਿ ਪਿਯ ਪ੍ਰਾਨ ਧਨ ॥੯॥ हो जिय जानी मुहि राखि; जानि पिय प्रान धन ॥९॥ ਦੋਹਰਾ ॥ दोहरा ॥ ਸੁਨਤ ਬਚਨ ਸਹਚਰਿ ਚਤੁਰਿ; ਤਹਾ ਪਹੂਚੀ ਜਾਇ ॥ सुनत बचन सहचरि चतुरि; तहा पहूची जाइ ॥ ਜਹ ਮਨਿ ਤਿਲਕ ਨ੍ਰਿਪਤਿ ਚੜਾ; ਆਖੇਟਕਹਿ ਬਨਾਇ ॥੧੦॥ जह मनि तिलक न्रिपति चड़ा; आखेटकहि बनाइ ॥१०॥ ਚੌਪਈ ॥ चौपई ॥ ਸਹਚਰਿ ਤਹਾ ਪਹੂੰਚਿਤ ਭਈ ॥ सहचरि तहा पहूंचित भई ॥ ਨ੍ਰਿਪ ਆਗਮਨ ਜਹਾ ਸੁਨਿ ਲਈ ॥ न्रिप आगमन जहा सुनि लई ॥ ਅੰਗ ਅੰਗ ਸੁਭ ਸਜੇ ਸਿੰਗਾਰਾ ॥ अंग अंग सुभ सजे सिंगारा ॥ ਜਨੁ ਨਿਸਪਤਿ ਸੌਭਿਤ ਜੁਤ ਤਾਰਾ ॥੧੧॥ जनु निसपति सौभित जुत तारा ॥११॥ ਸੀਸ ਫੂਲ ਸਿਰ ਪਰ ਤ੍ਰਿਯ ਝਾਰਾ ॥ सीस फूल सिर पर त्रिय झारा ॥ ਕਰਨ ਫੂਲ ਦੁਹੂੰ ਕਰਨ ਸੁ ਧਾਰਾ ॥ करन फूल दुहूं करन सु धारा ॥ ਮੋਤਿਨ ਕੀ ਮਾਲਾ ਕੋ ਧਰਾ ॥ मोतिन की माला को धरा ॥ ਮੋਤਿਨ ਹੀ ਸੋ ਮਾਂਗਹਿ ਭਰਾ ॥੧੨॥ मोतिन ही सो मांगहि भरा ॥१२॥ ਸਭ ਭੂਖਨ ਮੋਤਿਨ ਕੇ ਧਾਰੇ ॥ सभ भूखन मोतिन के धारे ॥ ਜਿਨ ਮਹਿ ਬਜ੍ਰ ਲਾਲ ਗੁਹਿ ਡਾਰੇ ॥ जिन महि बज्र लाल गुहि डारे ॥ ਨੀਲ ਹਰਿਤ ਮਨਿ ਪ੍ਰੋਈ ਭਲੀ ॥ नील हरित मनि प्रोई भली ॥ ਜਨੁ ਤੇ ਹਸਿ ਉਡਗਨ ਕਹ ਚਲੀ ॥੧੩॥ जनु ते हसि उडगन कह चली ॥१३॥ ਜਬ ਰਾਜੈ ਵਾ ਤ੍ਰਿਯ ਕੋ ਲਹਾ ॥ जब राजै वा त्रिय को लहा ॥ ਮਨ ਮਹਿ ਅਧਿਕ ਚਕ੍ਰਿਤ ਹ੍ਵੈ ਰਹਾ ॥ मन महि अधिक चक्रित ह्वै रहा ॥ ਦੇਵ ਅਦੇਵ ਜਛ ਗੰਧ੍ਰਬਜਾ ॥ देव अदेव जछ गंध्रबजा ॥ ਨਰੀ ਨਾਗਨੀ ਸੁਰੀ ਪਰੀਜਾ ॥੧੪॥ नरी नागनी सुरी परीजा ॥१४॥ ਦੋਹਰਾ ॥ दोहरा ॥ ਨ੍ਰਿਪ ਚਿਤ੍ਯੋ ਇਹ ਪੂਛੀਯੈ; ਕ੍ਯੋ ਆਈ ਇਹ ਦੇਸ? ॥ न्रिप चित्यो इह पूछीयै; क्यो आई इह देस? ॥ ਸੂਰ ਸੁਤਾ ਕੈ ਚੰਦ੍ਰਜਾ? ਕੈ ਦੁਹਿਤਾ ਅਲਿਕੇਸ ॥੧੫॥ सूर सुता कै चंद्रजा? कै दुहिता अलिकेस ॥१५॥ ਚੌਪਈ ॥ चौपई ॥ ਚਲਿਯੋ ਚਲਿਯੋ ਤਾ ਕੇ ਤਟ ਗਯੋ ॥ चलियो चलियो ता के तट गयो ॥ ਲਖਿ ਦੁਤਿ ਤਿਹ ਅਤਿ ਰੀਝਤ ਭਯੋ ॥ लखि दुति तिह अति रीझत भयो ॥ ਰੂਪ ਨਿਰਖਿ ਰਹਿਯੋ ਉਰਝਾਈ ॥ रूप निरखि रहियो उरझाई ॥ ਕਵਨ ਦੇਵ ਦਾਨੋ ਇਹ ਜਾਈ? ॥੧੬॥ कवन देव दानो इह जाई? ॥१६॥ ਮੋਤਿਨ ਮਾਲ ਬਾਲ ਤਿਨ ਲਈ ॥ मोतिन माल बाल तिन लई ॥ ਜਿਹ ਭੀਤਰਿ ਪਤਿਯਾ ਗੁਹਿ ਗਈ ॥ जिह भीतरि पतिया गुहि गई ॥ ਕਹਿਯੋ ਕਿ ਜੈਸੀ ਮੁਝਹਿ ਨਿਹਾਰਹੁ ॥ कहियो कि जैसी मुझहि निहारहु ॥ ਤੈਸਿਯੈ ਤਿਹ ਨ੍ਰਿਪ ਸਹਸ ਬਿਚਾਰਹੁ ॥੧੭॥ तैसियै तिह न्रिप सहस बिचारहु ॥१७॥ ਦੋਹਰਾ ॥ दोहरा ॥ ਨ੍ਰਿਪ ਬਰ ਬਾਲ ਬਿਲੋਕਿ ਛਬਿ; ਮੋਹਿ ਰਹਾ ਸਰਬੰਗ ॥ न्रिप बर बाल बिलोकि छबि; मोहि रहा सरबंग ॥ ਸੁਧਿ ਗ੍ਰਿਹ ਕੀ ਬਿਸਰੀ ਸਭੈ; ਚਲਤ ਭਯੋ ਤਿਹ ਸੰਗ ॥੧੮॥ सुधि ग्रिह की बिसरी सभै; चलत भयो तिह संग ॥१८॥ |
|
|
|
|
Dasam Granth |