ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1153 ਯਾ ਜੋਬਨ ਕੌ ਪਾਇ; ਅਧਿਕ ਅਬਲਨ ਕੌ ਭਜਿਯੈ ॥ या जोबन कौ पाइ; अधिक अबलन कौ भजियै ॥ ਯਾ ਜੋਬਨ ਕੌ ਪਾਇ; ਜਗਤ ਕੇ ਸੁਖਨ ਨ ਤਜਿਯੈ ॥ या जोबन कौ पाइ; जगत के सुखन न तजियै ॥ ਜਬ ਪਿਯ! ਹ੍ਵੈ ਹੌ ਬਿਰਧ; ਕਹਾ ਤੁਮ ਲੇਹੁਗੇ? ॥ जब पिय! ह्वै हौ बिरध; कहा तुम लेहुगे? ॥ ਹੋ ਬਿਰਹ ਉਸਾਸਨ ਸਾਥ; ਸਜਨ! ਜਿਯ ਦੇਹੁਗੇ ॥੮॥ हो बिरह उसासन साथ; सजन! जिय देहुगे ॥८॥ ਯਾ ਜੋਬਨ ਕੌ ਪਾਇ; ਜਗਤ ਸੁਖ ਮਾਨਿਯੈ ॥ या जोबन कौ पाइ; जगत सुख मानियै ॥ ਯਾ ਜੋਬਨ ਕਹ ਪਾਇ; ਪਰਮ ਰਸ ਠਾਨਿਯੈ ॥ या जोबन कह पाइ; परम रस ठानियै ॥ ਯਾ ਜੋਬਨ ਕਹ ਪਾਇ; ਨੇਹ ਜਗ ਕੀਜਿਯੈ ॥ या जोबन कह पाइ; नेह जग कीजियै ॥ ਹੋ ਨਾਹਕ ਜਗ ਕੇ ਮਾਝ; ਨ ਜਿਯਰਾ ਦੀਜਿਯੈ ॥੯॥ हो नाहक जग के माझ; न जियरा दीजियै ॥९॥ ਨੇਹ ਬਿਨਾ ਨ੍ਰਿਪ ਹ੍ਵੈ ਹੈ; ਗਏ ਬਖਾਨਿਯੈ ॥ नेह बिना न्रिप ह्वै है; गए बखानियै ॥ ਖੜਗ ਦਾਨ ਬਿਨ ਕੀਏ; ਨ ਜਗ ਮੈ ਜਾਨਿਯੈ ॥ खड़ग दान बिन कीए; न जग मै जानियै ॥ ਨੇਹ ਕ੍ਰਿਸਨ ਜੂ ਕਿਯੋ; ਆਜੁ ਲੌ ਗਾਇਯੈ ॥ नेह क्रिसन जू कियो; आजु लौ गाइयै ॥ ਹੋ ਨਿਰਖਿ ਜਗਤ ਕੇ ਨਾਥ; ਨਾਰਿ ਨਿਹੁਰਾਇਯੈ ॥੧੦॥ हो निरखि जगत के नाथ; नारि निहुराइयै ॥१०॥ ਦੋਹਰਾ ॥ दोहरा ॥ ਮਧੁਰੀ ਮੂਰਤਿ ਮਿਤ ਕੀ; ਬਸੀ ਚਿਤ ਮੈ ਚੀਨ ॥ मधुरी मूरति मित की; बसी चित मै चीन ॥ ਬਹੁਰਿ ਨਿਕਾਸੇ ਜਾਇ ਨਹਿ; ਨੈਨਾ ਭਏ ਰੰਗੀਨ ॥੧੧॥ बहुरि निकासे जाइ नहि; नैना भए रंगीन ॥११॥ ਮਨ ਭਾਵਨ ਕੇ ਨੈਨ ਦੋਊ; ਚੁਭੇ ਚਿਤ ਕੇ ਮਾਹਿ ॥ मन भावन के नैन दोऊ; चुभे चित के माहि ॥ ਸੇਲਨ ਜ੍ਯੋਂ ਸਰਕੈ ਪਰੇ; ਨਾਹਿ ਨਿਕਾਰੇ ਜਾਹਿ ॥੧੨॥ सेलन ज्यों सरकै परे; नाहि निकारे जाहि ॥१२॥ ਨੈਨ ਪਿਯਾ ਕੇ ਪਾਰਧੀ; ਮਨ ਮੈ ਕਿਯਾ ਨਿਵਾਸ ॥ नैन पिया के पारधी; मन मै किया निवास ॥ ਕਾਢਿ ਕਰੇਜਾ ਲੇਹਿ ਜਨੁ; ਯਾ ਤੇ ਅਧਿਕ ਬਿਸ੍ਵਾਸ ॥੧੩॥ काढि करेजा लेहि जनु; या ते अधिक बिस्वास ॥१३॥ ਨੈਨ ਪਿਯਾ ਕੇ ਪਾਲਨੇ; ਕਰਿ ਰਾਖੇ ਕਰਤਾਰ ॥ नैन पिया के पालने; करि राखे करतार ॥ ਜਿਨ ਮਹਿ ਜਨੁ ਝੂਲਹਿ ਘਨੇ; ਹਮ ਸੇ ਬੈਠਿ ਹਜਾਰ ॥੧੪॥ जिन महि जनु झूलहि घने; हम से बैठि हजार ॥१४॥ ਨੈਨ ਰਸੀਲੇ ਰਸ ਭਰੇ; ਝਲਕ ਰਸਨ ਕੀ ਦੇਹਿ ॥ नैन रसीले रस भरे; झलक रसन की देहि ॥ ਚੰਚਲਾਨ ਕੇ ਚਿਤ ਕੌ; ਚਮਕਿ ਚੁਰਾਇ ਲੇਹਿ ॥੧੫॥ चंचलान के चित कौ; चमकि चुराइ लेहि ॥१५॥ ਸੋਰਠਾ ॥ सोरठा ॥ ਭਯੋ ਸਕਲ ਤਨ ਪੀਰ; ਰਹੀ ਸੰਭਾਰਿ ਨ ਚੀਰ ਕੀ ॥ भयो सकल तन पीर; रही स्मभारि न चीर की ॥ ਬਹਿਯੋ ਰਕਤ ਹ੍ਵੈ ਨੀਰ; ਪ੍ਰੇਮ ਪਿਯਾ ਕੀ ਪੀਰ ਤੇ ॥੧੬॥ बहियो रकत ह्वै नीर; प्रेम पिया की पीर ते ॥१६॥ ਅੜਿਲ ॥ अड़िल ॥ ਪਰਦੇਸਿਨ ਸੌ ਪ੍ਰੀਤਿ; ਕਹੀ ਕਾਹੂੰ ਨਹਿ ਕਰਨੀ ॥ परदेसिन सौ प्रीति; कही काहूं नहि करनी ॥ ਪਰਦੇਸਿਨ ਕੇ ਸਾਥ; ਕਹੀ ਨਹਿ ਬਾਤ ਉਚਰਨੀ ॥ परदेसिन के साथ; कही नहि बात उचरनी ॥ ਪਰਦੇਸਿਨ ਤ੍ਰਿਯ ਸਾਥ; ਕਹੋ ਕ੍ਯਾ ਨੇਹ ਲਗੈਯੈ? ॥ परदेसिन त्रिय साथ; कहो क्या नेह लगैयै? ॥ ਹੋ ਟੂਟਿ ਤਰਕ ਦੈ ਜਾਤ; ਬਹੁਰਿ ਆਪਨ ਪਛੁਤੈਯੈ ॥੧੭॥ हो टूटि तरक दै जात; बहुरि आपन पछुतैयै ॥१७॥ ਪਰਦੇਸੀ ਸੌ ਪ੍ਰੀਤਿ ਕਰੀ; ਏਕੈ ਪਲ ਨੀਕੀ ॥ परदेसी सौ प्रीति करी; एकै पल नीकी ॥ ਪਰਦੇਸੀ ਸੌ ਬੈਨ ਭਲੀ; ਭਾਖੀ ਹਸਿ ਹੀ ਕੀ ॥ परदेसी सौ बैन भली; भाखी हसि ही की ॥ ਪਰਦੇਸੀ ਕੇ ਸਾਥ; ਭਲੋ ਪਿਯ! ਨੇਹ ਲਗਾਯੋ ॥ परदेसी के साथ; भलो पिय! नेह लगायो ॥ ਹੋ ਪਰਮ ਪ੍ਰੀਤਿ ਉਪਜਾਇ; ਬ੍ਰਿਥਾ ਜੋਬਨ ਨ ਬਿਤਾਯੋ ॥੧੮॥ हो परम प्रीति उपजाइ; ब्रिथा जोबन न बितायो ॥१८॥ ਹਮ ਸਾਹੁਨ ਕੇ ਪੂਤ; ਦੇਸ ਪਰਦੇਸ ਬਿਹਾਰੈ ॥ हम साहुन के पूत; देस परदेस बिहारै ॥ ਊਚ ਨੀਚ ਕੋਊ ਹੋਇ; ਸਕਲ ਅਖਿਯਨਨ ਨਿਹਾਰੈ ॥ ऊच नीच कोऊ होइ; सकल अखियनन निहारै ॥ ਕਹੋ ਕੁਅਰਿ! ਹਮ ਸਾਥ; ਨੇਹ ਕਰਿ ਕੈ ਕਸ ਕਰਿ ਹੌ? ॥ कहो कुअरि! हम साथ; नेह करि कै कस करि हौ? ॥ ਹੋ ਹਮ ਜੈਹੈਂ ਉਠਿ ਕਹੀ; ਬਿਰਹ ਬਾਧੀ ਤੁਮ ਜਰਿ ਹੌ ॥੧੯॥ हो हम जैहैं उठि कही; बिरह बाधी तुम जरि हौ ॥१९॥ ਰਾਨੀ ਬਾਚ ॥ रानी बाच ॥ ਹਮ ਨ ਤਜੈਂ ਪਿਯ! ਤੁਮੈ; ਕੋਟਿ ਜਤਨਨ ਜੌ ਕਰਿ ਹੌ ॥ हम न तजैं पिय! तुमै; कोटि जतनन जौ करि हौ ॥ ਹਸਿ ਹਸਿ ਬਾਤ ਅਨੇਕ; ਕਛੂ ਕੀ ਕਛੂ ਉਚਰਿ ਹੌ ॥ हसि हसि बात अनेक; कछू की कछू उचरि हौ ॥ ਹਮ ਰਾਚੀ ਤਵ ਰੂਪ; ਰੀਝਿ ਮਨ ਮੈ ਰਹੀ ॥ हम राची तव रूप; रीझि मन मै रही ॥ ਹੋ ਇਸਕ ਤਿਹਾਰੇ ਜਰੀ; ਜੁਗਿਨਿ ਹ੍ਵੈ ਹੈ ਕਹੀ ॥੨੦॥ हो इसक तिहारे जरी; जुगिनि ह्वै है कही ॥२०॥ |
|
|
|
|
Dasam Granth |