ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 719 ਸਿੰਘ ਸਬਦ ਭਾਖੋ ਪ੍ਰਥਮ; ਬਾਹਨ ਬਹੁਰਿ ਉਚਾਰਿ ॥ सिंघ सबद भाखो प्रथम; बाहन बहुरि उचारि ॥ ਸਭੈ ਨਾਮ ਜਗ ਮਾਤ ਕੇ; ਲੀਜਹੁ ਸੁਕਬਿ! ਸੁਧਾਰਿ ॥੩੨॥ सभै नाम जग मात के; लीजहु सुकबि! सुधारि ॥३२॥ ਰਿਪੁ ਖੰਡਨ ਮੰਡਨ ਜਗਤ; ਖਲ ਖੰਡਨ ਜਗ ਮਾਹਿ ॥ रिपु खंडन मंडन जगत; खल खंडन जग माहि ॥ ਤਾ ਕੇ ਨਾਮ ਉਚਾਰੀਐ; ਜਿਹੇ ਸੁਨਿ ਦੁਖ ਟਰਿ ਜਾਹਿ ॥੩੩॥ ता के नाम उचारीऐ; जिहे सुनि दुख टरि जाहि ॥३३॥ ਸਭ ਸਸਤ੍ਰਨ ਕੇ ਨਾਮ ਕਹਿ; ਪ੍ਰਿਥਮ ਅੰਤ ਪਤਿ ਭਾਖੁ ॥ सभ ससत्रन के नाम कहि; प्रिथम अंत पति भाखु ॥ ਸਭ ਹੀ ਨਾਮ ਕ੍ਰਿਪਾਨ ਕੇ; ਜਾਣ ਹ੍ਰਿਦੈ ਮਹਿ ਰਾਖੁ ॥੩੪॥ सभ ही नाम क्रिपान के; जाण ह्रिदै महि राखु ॥३४॥ ਖਤ੍ਰਿਯਾਂਕੈ ਖੇਲਕ ਖੜਗ; ਖਗ ਖੰਡੋ ਖਤ੍ਰਿਆਰਿ ॥ खत्रियांकै खेलक खड़ग; खग खंडो खत्रिआरि ॥ ਖੇਲਾਂਤਕ ਖਲਕੇਮਰੀ; ਅਸਿ ਕੇ ਨਾਮ ਬਿਚਾਰ ॥੩੫॥ खेलांतक खलकेमरी; असि के नाम बिचार ॥३५॥ ਭੂਤਾਂਤਕਿ ਸ੍ਰੀ ਭਗਵਤੀ; ਭਵਹਾ ਨਾਮ ਬਖਾਨ ॥ भूतांतकि स्री भगवती; भवहा नाम बखान ॥ ਸਿਰੀ ਭਵਾਨੀ ਭੈ ਹਰਨ; ਸਭ ਕੋ ਕਰੌ ਕਲ੍ਯਾਨ ॥੩੬॥ सिरी भवानी भै हरन; सभ को करौ कल्यान ॥३६॥ ਅੜਿਲ ॥ अड़िल ॥ ਭੂਤ ਸਬਦ ਕੌ ਭਾਖਿ; ਬਹੁਰਿ ਅਰਿ ਭਾਖੀਐ ॥ भूत सबद कौ भाखि; बहुरि अरि भाखीऐ ॥ ਸਭ ਅਸਿ ਜੂ ਕੇ ਨਾਮ; ਜਾਨ ਜੀਅ ਰਾਖੀਐ ॥ सभ असि जू के नाम; जान जीअ राखीऐ ॥ ਨਾਮ ਮ੍ਰਿਗਨ ਸਭ ਕਹਿ; ਧਨੁਸਰ ਉਚਾਰੀਐ ॥ नाम म्रिगन सभ कहि; धनुसर उचारीऐ ॥ ਹੋ ਸਭ ਖੰਡੇ ਕੇ ਨਾਮ; ਸਤਿ ਜੀਅ ਧਾਰੀਐ ॥੩੭॥ हो सभ खंडे के नाम; सति जीअ धारीऐ ॥३७॥ ਦੋਹਰਾ ॥ दोहरा ॥ ਪ੍ਰਿਥਮ ਨਾਮ ਜਮ ਕੋ ਉਚਰਿ; ਬਹੁਰੋ ਰਦਨ ਉਚਾਰਿ ॥ प्रिथम नाम जम को उचरि; बहुरो रदन उचारि ॥ ਸਕਲ ਨਾਮ ਜਮਦਾੜ ਕੇ; ਲੀਜਹੁ ਸੁਕਬਿ ਸੁਧਾਰਿ ॥੩੮॥ सकल नाम जमदाड़ के; लीजहु सुकबि सुधारि ॥३८॥ ਉਦਰ ਸਬਦ ਪ੍ਰਿਥਮੈ ਕਹੋ; ਪੁਨਿ ਅਰਿ ਸਬਦ ਉਚਾਰ ॥ उदर सबद प्रिथमै कहो; पुनि अरि सबद उचार ॥ ਨਾਮ ਸਭੈ ਜਮਦਾੜ ਕੇ; ਲੀਜਹੁ ਸੁਕਬਿ ਬਿਚਾਰ ॥੩੯॥ नाम सभै जमदाड़ के; लीजहु सुकबि बिचार ॥३९॥ ਮ੍ਰਿਗ ਗ੍ਰੀਵਾ ਸਿਰ ਅਰਿ ਉਚਰਿ; ਪੁਨਿ ਅਸਿ ਸਬਦ ਉਚਾਰ ॥ म्रिग ग्रीवा सिर अरि उचरि; पुनि असि सबद उचार ॥ ਸਭੈ ਨਾਮ ਸ੍ਰੀ ਖੜਗ ਕੇ; ਲੀਜੋ ਹ੍ਰਿਦੈ ਬਿਚਾਰਿ ॥੪੦॥ सभै नाम स्री खड़ग के; लीजो ह्रिदै बिचारि ॥४०॥ ਕਰੀ ਕਰਾਂਤਕ ਕਸਟ ਰਿਪੁ; ਕਾਲਾਯੁਧ ਕਰਵਾਰਿ ॥ करी करांतक कसट रिपु; कालायुध करवारि ॥ ਕਰਾਚੋਲ ਕ੍ਰਿਪਾਨ ਕੇ; ਲੀਜਹੁ ਨਾਮ ਸੁਧਾਰ ॥੪੧॥ कराचोल क्रिपान के; लीजहु नाम सुधार ॥४१॥ ਹਸਤਿ ਕਰੀ ਕਰ ਪ੍ਰਿਥਮ ਕਹਿ; ਪੁਨਿ ਅਰਿ ਸਬਦ ਸੁਨਾਇ ॥ हसति करी कर प्रिथम कहि; पुनि अरि सबद सुनाइ ॥ ਸਸਤ੍ਰ ਰਾਜ ਕੇ ਨਾਮ ਸਬ; ਮੋਰੀ ਕਰਹੁ ਸਹਾਇ ॥੪੨॥ ससत्र राज के नाम सब; मोरी करहु सहाइ ॥४२॥ ਸਿਰੀ ਸਰੋਹੀ ਸੇਰਸਮ; ਜਾ ਸਮ ਅਉਰ ਨ ਕੋਇ ॥ सिरी सरोही सेरसम; जा सम अउर न कोइ ॥ ਤੇਗ ਜਾਪੁ ਤੁਮਹੂੰ ਜਪੋ; ਭਲੋ ਤੁਹਾਰੋ ਹੋਇ ॥੪੩॥ तेग जापु तुमहूं जपो; भलो तुहारो होइ ॥४३॥ ਖਗ ਮ੍ਰਿਗ ਜਛ ਭੁਜੰਗ ਗਨ; ਏ ਪਦ ਪ੍ਰਿਥਮ ਉਚਾਰਿ ॥ खग म्रिग जछ भुजंग गन; ए पद प्रिथम उचारि ॥ ਫੁਨਿ ਅਰਿ ਸਬਦ ਉਚਾਰੀਐ; ਜਾਨ ਤਿਸੈ ਤਰਵਾਰਿ ॥੪੪॥ फुनि अरि सबद उचारीऐ; जान तिसै तरवारि ॥४४॥ ਹਲਬਿ ਜੁਨਬੀ ਮਗਰਬੀ; ਮਿਸਰੀ ਊਨਾ ਨਾਮ ॥ हलबि जुनबी मगरबी; मिसरी ऊना नाम ॥ ਸੈਫ ਸਰੋਹੀ ਸਸਤ੍ਰਪਤਿ; ਜਿਤ੍ਯੋ ਰੂਮ ਅਰੁ ਸਾਮ ॥੪੫॥ सैफ सरोही ससत्रपति; जित्यो रूम अरु साम ॥४५॥ ਕਤੀ ਯਾਮਾਨੀ ਹਿੰਦਵੀ; ਸਭ ਸਸਤ੍ਰ ਕੇ ਨਾਥ ॥ कती यामानी हिंदवी; सभ ससत्र के नाथ ॥ ਲਏ ਭਗਉਤੀ ਨਿਕਸ ਹੈ; ਆਪ ਕਲੰਕੀ ਹਾਥਿ ॥੪੬॥ लए भगउती निकस है; आप कलंकी हाथि ॥४६॥ ਪ੍ਰਿਥਮ ਸਕਤਿ ਪਦ ਉਚਰਿ ਕੈ; ਪੁਨਿ ਕਹੁ ਸਕਤਿ ਬਿਸੇਖ ॥ प्रिथम सकति पद उचरि कै; पुनि कहु सकति बिसेख ॥ ਨਾਮ ਸੈਹਥੀ ਕੇ ਸਕਲ; ਨਿਕਸਤ ਜਾਹਿ ਅਨੇਕ ॥੪੭॥ नाम सैहथी के सकल; निकसत जाहि अनेक ॥४७॥ ਪ੍ਰਿਥਮ ਸੁਭਟ ਪਦ ਉਚਰਿ ਕੈ; ਬਹੁਰਿ ਸਬਦ ਅਰਿ ਦੇਹੁ ॥ प्रिथम सुभट पद उचरि कै; बहुरि सबद अरि देहु ॥ ਨਾਮ ਸੈਹਥੀ ਕੇ ਸਭੈ; ਸਮਝਿ ਚਤੁਰ ਚਿਤ ਲੇਹੁ ॥੪੮॥ नाम सैहथी के सभै; समझि चतुर चित लेहु ॥४८॥ |
|
|
|
|
Dasam Granth |