ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 103 ਖੁਰੰ ਖੇਹ ਉਠੀ ਰਹਿਯੋ ਗੈਨ ਪੂਰੰ ॥ खुरं खेह उठी रहियो गैन पूरं ॥ ਦਲੇ ਸਿੰਧੁ ਬਿਧੰ ਭਏ ਪਬ ਚੂਰੰ ॥ दले सिंधु बिधं भए पब चूरं ॥ ਸੁਣੋ ਸੋਰ ਕਾਲੀ ਗਹੈ ਸਸਤ੍ਰ ਪਾਣੰ ॥ सुणो सोर काली गहै ससत्र पाणं ॥ ਕਿਲਕਾਰ ਜੇਮੀ ਹਨੇ ਜੰਗ ਜੁਆਣੰ ॥੪॥੧੨੬॥ किलकार जेमी हने जंग जुआणं ॥४॥१२६॥ ਰਸਾਵਲ ਛੰਦ ॥ रसावल छंद ॥ ਗਜੇ ਬੀਰ ਗਾਜੀ ॥ गजे बीर गाजी ॥ ਤੁਰੇ ਤੁੰਦ ਤਾਜੀ ॥ तुरे तुंद ताजी ॥ ਮਹਿਖੁਆਸ ਕਰਖੇ ॥ महिखुआस करखे ॥ ਸਰੰ ਧਾਰ ਬਰਖੇ ॥੫॥੧੨੭॥ सरं धार बरखे ॥५॥१२७॥ ਇਤੇ ਸਿੰਘ ਗਜਿਯੋ ॥ इते सिंघ गजियो ॥ ਮਹਾ ਸੰਖ ਬਜਿਯੋ ॥ महा संख बजियो ॥ ਰਹਿਯੋ ਨਾਦ ਪੂਰੰ ॥ रहियो नाद पूरं ॥ ਛੁਹੀ ਗੈਣਿ ਧੂਰੰ ॥੬॥੧੨੮॥ छुही गैणि धूरं ॥६॥१२८॥ ਸਬੈ ਸਸਤ੍ਰ ਸਾਜੇ ॥ सबै ससत्र साजे ॥ ਘਣੰ ਜੇਮ ਗਾਜੇ ॥ घणं जेम गाजे ॥ ਚਲੇ ਤੇਜ ਤੈ ਕੈ ॥ चले तेज तै कै ॥ ਅਨੰਤ ਸਸਤ੍ਰ ਲੈ ਕੈ ॥੭॥੧੨੯॥ अनंत ससत्र लै कै ॥७॥१२९॥ ਚਹੂੰ ਓਰ ਢੂਕੇ ॥ चहूं ओर ढूके ॥ ਮੁਖੰ ਮਾਰ ਕੂਕੇ ॥ मुखं मार कूके ॥ ਅਨੰਤ ਸਸਤ੍ਰ ਬਜੇ ॥ अनंत ससत्र बजे ॥ ਮਹਾ ਬੀਰ ਗਜੇ ॥੮॥੧੩੦॥ महा बीर गजे ॥८॥१३०॥ ਮੁਖੰ ਨੈਣ ਰਕਤੰ ॥ मुखं नैण रकतं ॥ ਧਰੇ ਪਾਣਿ ਸਕਤੰ ॥ धरे पाणि सकतं ॥ ਕੀਏ ਕ੍ਰੋਧ ਉਠੇ ॥ कीए क्रोध उठे ॥ ਸਰੰ ਬ੍ਰਿਸਟਿ ਬੁਠੇ ॥੯॥੧੩੧॥ सरं ब्रिसटि बुठे ॥९॥१३१॥ ਕਿਤੇ ਦੁਸਟ ਕੂਟੇ ॥ किते दुसट कूटे ॥ ਅਨੰਤਾਸਤ੍ਰ ਛੂਟੇ ॥ अनंतासत्र छूटे ॥ ਕਰੀ ਬਾਣ ਬਰਖੰ ॥ करी बाण बरखं ॥ ਭਰੀ ਦੇਬਿ ਹਰਖੰ ॥੧੦॥੧੩੨॥ भरी देबि हरखं ॥१०॥१३२॥ ਬੇਲੀ ਬਿੰਦ੍ਰਮ ਛੰਦ ॥ बेली बिंद्रम छंद ॥ ਕਹ ਕਹ ਸੁ ਕੂਕਤ ਕੰਕੀਯੰ ॥ कह कह सु कूकत कंकीयं ॥ ਬਹਿ ਬਹਤ ਬੀਰ ਸੁ ਬੰਕੀਯੰ ॥ बहि बहत बीर सु बंकीयं ॥ ਲਹ ਲਹਤ ਬਾਣਿ ਕ੍ਰਿਪਾਣਯੰ ॥ लह लहत बाणि क्रिपाणयं ॥ ਗਹ ਗਹਤ ਪ੍ਰੇਤ ਮਸਾਣਯੰ ॥੧੧॥੧੩੩॥ गह गहत प्रेत मसाणयं ॥११॥१३३॥ ਡਹ ਡਹਤ ਡਵਰ ਡਮੰਕਯੰ ॥ डह डहत डवर डमंकयं ॥ ਲਹ ਲਹਤ ਤੇਗ ਤ੍ਰਮੰਕਯੰ ॥ लह लहत तेग त्रमंकयं ॥ ਧ੍ਰਮ ਧ੍ਰਮਤ ਸਾਂਗ ਧਮੰਕਯੰ ॥ ध्रम ध्रमत सांग धमंकयं ॥ ਬਬਕੰਤ ਬੀਰ ਸੁ ਬੰਕਯੰ ॥੧੨॥੧੩੪॥ बबकंत बीर सु बंकयं ॥१२॥१३४॥ ਛੁਟਕੰਤ ਬਾਣ ਕਮਾਣਯੰ ॥ छुटकंत बाण कमाणयं ॥ ਹਰਰੰਤ ਖੇਤ ਖਤ੍ਰਾਣਯੰ ॥ हररंत खेत खत्राणयं ॥ ਡਹਕੰਤ ਡਾਮਰ ਡੰਕਣੀ ॥ डहकंत डामर डंकणी ॥ ਕਹ ਕਹਕ ਕੂਕਤ ਜੁਗਣੀ ॥੧੩॥੧੩੫॥ कह कहक कूकत जुगणी ॥१३॥१३५॥ ਉਫਟੰਤ ਸ੍ਰੋਣਤ ਛਿਛਯੰ ॥ उफटंत स्रोणत छिछयं ॥ ਬਰਖੰਤ ਸਾਇਕ ਤਿਛਯੰ ॥ बरखंत साइक तिछयं ॥ ਬਬਕੰਤ ਬੀਰ ਅਨੇਕਯੰ ॥ बबकंत बीर अनेकयं ॥ ਫਿਕਰੰਤ ਸਿਆਰ ਬਸੇਖਯੰ ॥੧੪॥੧੩੬॥ फिकरंत सिआर बसेखयं ॥१४॥१३६॥ ਹਰਖੰਤ ਸ੍ਰੋਣਤਿ ਰੰਗਣੀ ॥ हरखंत स्रोणति रंगणी ॥ ਬਿਹਰੰਤ ਦੇਬਿ ਅਭੰਗਣੀ ॥ बिहरंत देबि अभंगणी ॥ ਬਬਕੰਤ ਕੇਹਰ ਡੋਲਹੀ ॥ बबकंत केहर डोलही ॥ ਰਣਿ ਅਭੰਗ ਕਲੋਲਹੀ ॥੧੫॥੧੩੭॥ रणि अभंग कलोलही ॥१५॥१३७॥ ਢਮ ਢਮਤ ਢੋਲ ਢਮਕਯੰ ॥ ढम ढमत ढोल ढमकयं ॥ ਧਮ ਧਮਤ ਸਾਂਗ ਧਮਕਯੰ ॥ धम धमत सांग धमकयं ॥ ਬਹ ਬਹਤ ਕ੍ਰੁਧ ਕ੍ਰਿਪਾਣਯੰ ॥ बह बहत क्रुध क्रिपाणयं ॥ ਜੁਝੈਤ ਜੋਧ ਜੁਆਣਯੰ ॥੧੬॥੧੩੮॥ जुझैत जोध जुआणयं ॥१६॥१३८॥ ਦੋਹਰਾ ॥ दोहरा ॥ ਭਜੀ ਚਮੂੰ ਸਬ ਦਾਨਵੀ; ਸੁੰਭ ਨਿਰਖ ਨਿਜ ਨੈਣ ॥ भजी चमूं सब दानवी; सु्मभ निरख निज नैण ॥ ਨਿਕਟ ਬਿਕਟ ਭਟ ਜੇ ਹੁਤੇ; ਤਿਨ ਪ੍ਰਤਿ ਬੁਲਿਯੋ ਬੈਣ ॥੧੭॥੧੩੯॥ निकट बिकट भट जे हुते; तिन प्रति बुलियो बैण ॥१७॥१३९॥ ਨਰਾਜ ਛੰਦ ॥ नराज छंद ॥ ਨਿਸੁੰਭ ਸੁੰਭ ਕੋਪ ਕੈ ॥ निसु्मभ सु्मभ कोप कै ॥ ਪਠਿਯੋ ਸੁ ਪਾਵ ਰੋਪ ਕੈ ॥ पठियो सु पाव रोप कै ॥ ਕਹਿਯੋ ਕਿ ਸੀਘ੍ਰ ਜਾਈਯੋ ॥ कहियो कि सीघ्र जाईयो ॥ ਦ੍ਰੁਗਾਹਿ ਬਾਧ ਲ੍ਯਾਈਯੋ ॥੧੮॥੧੪੦॥ द्रुगाहि बाध ल्याईयो ॥१८॥१४०॥ ਚੜ੍ਯੋ ਸੁ ਸੈਣ ਸਜਿ ਕੈ ॥ चड़्यो सु सैण सजि कै ॥ ਸਕੋਪ ਸੂਰ ਗਜਿ ਕੈ ॥ सकोप सूर गजि कै ॥ ਉਠੈ ਬਜੰਤ੍ਰ ਬਾਜਿ ਕੈ ॥ उठै बजंत्र बाजि कै ॥ ਚਲਿਯੋ ਸੁਰੇਸੁ ਭਾਜਿ ਕੈ ॥੧੯॥੧੪੧॥ चलियो सुरेसु भाजि कै ॥१९॥१४१॥ ਅਨੰਤ ਸੂਰ ਸੰਗਿ ਲੈ ॥ अनंत सूर संगि लै ॥ ਚਲਿਯੋ ਸੁ ਦੁੰਦਭੀਨ ਦੈ ॥ चलियो सु दुंदभीन दै ॥ ਹਕਾਰਿ ਸੂਰਮਾ ਭਰੇ ॥ हकारि सूरमा भरे ॥ ਬਿਲੋਕਿ ਦੇਵਤਾ ਡਰੇ ॥੨੦॥੧੪੨॥ बिलोकि देवता डरे ॥२०॥१४२॥ ਮਧੁਭਾਰ ਛੰਦ ॥ मधुभार छंद ॥ ਕੰਪਿਯੋ ਸੁਰੇਸ ॥ क्मपियो सुरेस ॥ ਬੁਲਿਯੋ ਮਹੇਸ ॥ बुलियो महेस ॥ ਕਿਨੋ ਬਿਚਾਰ ॥ किनो बिचार ॥ ਪੁਛੇ ਜੁਝਾਰ ॥੨੧॥੧੪੩॥ पुछे जुझार ॥२१॥१४३॥ |
|
|
|
|
Dasam Granth |