ਦਸਮ ਗਰੰਥ । दसम ग्रंथ ।

Page 1359

ਸਾਸੁ ਸਸੁਰ ਜਬ ਹੀ ਸੁਨ ਪਾਈ ॥

सासु ससुर जब ही सुन पाई ॥

ਔਰ ਸੁਨਤ ਭੀ ਸਗਲ ਲੁਗਾਈ ॥

और सुनत भी सगल लुगाई ॥

ਆਜੁ ਰਾਜ ਯਾ ਸੋ ਰਤਿ ਮਾਨੀ ॥

आजु राज या सो रति मानी ॥

ਬੂਝਿ ਗਏ ਸਭ ਲੋਗ ਕਹਾਨੀ ॥੭॥

बूझि गए सभ लोग कहानी ॥७॥

ਪੁਨਿ ਸਿਵ ਦੇ ਇਹ ਭਾਂਤਿ ਉਚਾਰੋ ॥

पुनि सिव दे इह भांति उचारो ॥

ਮੈ ਦੇਖਤ ਥੀ ਹਿਯਾ ਤਿਹਾਰੋ ॥

मै देखत थी हिया तिहारो ॥

ਬਾਤ ਕਹੇ ਮੁਹਿ, ਏ ਕ੍ਯਾ ਕਰਿਹੈ ॥

बात कहे मुहि, ए क्या करिहै ॥

ਚੁਪ ਕਰਿ ਹੈ, ਕਿ ਕੋਪ ਕਰਿ ਲਰਿਹੈ ॥੮॥

चुप करि है, कि कोप करि लरिहै ॥८॥

ਅੜਿਲ ॥

अड़िल ॥

ਦਿਨ ਕੋ ਐਸੋ ਕੋ ਤ੍ਰਿਯ? ਕਰਮ ਕਮਾਵਈ ॥

दिन को ऐसो को त्रिय? करम कमावई ॥

ਦਿਖਤ, ਜਾਰ ਕੋ ਧਾਮ; ਨਾਰਿ ਕਿਮਿ ਜਾਵਈ? ॥

दिखत, जार को धाम; नारि किमि जावई? ॥

ਐਸ ਕਾਜ ਕਰਿ ਕਵਨ; ਕਹੋ ਕਿਮਿ ਭਾਖਿ ਹੈ? ॥

ऐस काज करि कवन; कहो किमि भाखि है? ॥

ਹੋ ਅਪਨੇ ਚਿਤ ਕੀ ਬਾਤ; ਚਿਤ ਮੋ ਰਾਖਿ ਹੈ ॥੯॥

हो अपने चित की बात; चित मो राखि है ॥९॥

ਚੌਪਈ ॥

चौपई ॥

ਬੈਨ ਸੁਨਤ ਸਭਹਿਨ ਸਚੁ ਆਯੋ ॥

बैन सुनत सभहिन सचु आयो ॥

ਕਿਨੂੰ ਨ ਤਹ ਇਹ ਕਥਹਿ ਚਲਾਯੋ ॥

किनूं न तह इह कथहि चलायो ॥

ਜੋ ਕੋਈ ਐਸ ਕਰਮ ਕੌ ਕਰਿ ਹੈ ॥

जो कोई ऐस करम कौ करि है ॥

ਭੂਲਿ ਨ ਕਾਹੂ ਪਾਸ ਉਚਿਰ ਹੈ ॥੧੦॥

भूलि न काहू पास उचिर है ॥१०॥

ਲੋਗਨ ਕਹਿ ਇਹ ਬਿਧਿ ਡਹਕਾਇ ॥

लोगन कहि इह बिधि डहकाइ ॥

ਪਿਯ ਤਨ ਪਤ੍ਰੀ ਲਿਖੀ ਬਨਾਇ ॥

पिय तन पत्री लिखी बनाइ ॥

ਮੋ ਪਰ ਯਾਰ! ਅਨੁਗ੍ਰਹ ਕੀਜੇ ॥

मो पर यार! अनुग्रह कीजे ॥

ਇਹ ਭੀ ਚਰਿਤ ਗ੍ਰੰਥ ਲਿਖਿ ਲੀਜੇ ॥੧੧॥

इह भी चरित ग्रंथ लिखि लीजे ॥११॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਚਾਰ ਸੌ ਤੀਨ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੪੦੩॥੭੧੩੪॥ਅਫਜੂੰ॥

इति स्री चरित्र पख्याने त्रिया चरित्रे मंत्री भूप स्मबादे चार सौ तीन चरित्र समापतम सतु सुभम सतु ॥४०३॥७१३४॥अफजूं॥


ਸਬੁਧਿ ਬਾਚ ॥

सबुधि बाच ॥

ਚੌਪਈ ॥

चौपई ॥

ਸਤਿ ਸੰਧਿ ਇਕ ਭੂਪ ਭਨਿਜੈ ॥

सति संधि इक भूप भनिजै ॥

ਪ੍ਰਥਮੇ ਸਤਿਜੁਗ ਬੀਚ ਕਹਿਜੈ ॥

प्रथमे सतिजुग बीच कहिजै ॥

ਜਿਹ ਜਸ ਪੁਰੀ ਚੌਦਹੂੰ ਛਾਯੋ ॥

जिह जस पुरी चौदहूं छायो ॥

ਨਾਰਦ ਰਿਖਿ ਤਬ ਰਾਇ ਮੰਗਾਯੋ ॥੧॥

नारद रिखि तब राइ मंगायो ॥१॥

ਸਭ ਦੇਵਨ ਕੋ ਰਾਜਾ ਭਯੋ ॥

सभ देवन को राजा भयो ॥

ਬ੍ਰਹਮਾ ਤਿਲਕ ਆਪੁ ਤਿਹ ਦਯੋ ॥

ब्रहमा तिलक आपु तिह दयो ॥

ਨਿਹਕੰਟਕ ਸੁਰ ਕਟਕ ਕਿਯਾ ਸਬ ॥

निहकंटक सुर कटक किया सब ॥

ਦਾਨਵ ਮਾਰ ਨਿਕਾਰ ਦਏ ਜਬ ॥੨॥

दानव मार निकार दए जब ॥२॥

ਇਹ ਬਿਧਿ ਰਾਜ ਬਰਖ ਬਹੁ ਕਿਯਾ ॥

इह बिधि राज बरख बहु किया ॥

ਦੀਰਘ ਦਾੜ ਦੈਤ ਭਵ ਲਿਯਾ ॥

दीरघ दाड़ दैत भव लिया ॥

ਦਸ ਸਹਸ ਛੂਹਨਿ ਦਲ ਲੈ ਕੈ ॥

दस सहस छूहनि दल लै कै ॥

ਚੜਿ ਆਯੋ ਤਿਹ ਊਪਰ ਤੈ ਕੈ ॥੩॥

चड़ि आयो तिह ऊपर तै कै ॥३॥

ਸਭ ਦੇਵਨ ਐਸੇ ਸੁਨਿ ਪਾਯੋ ॥

सभ देवन ऐसे सुनि पायो ॥

ਦੀਰਘ ਦਾੜ ਦੈਤ ਚੜਿ ਆਯੋ ॥

दीरघ दाड़ दैत चड़ि आयो ॥

ਬੀਸ ਸਹਸ ਛੋਹਨਿ ਦਲ ਲਿਯੋ ॥

बीस सहस छोहनि दल लियो ॥

ਵਾ ਸੌ ਜਾਇ ਸਮਾਗਮ ਕਿਯੋ ॥੪॥

वा सौ जाइ समागम कियो ॥४॥

ਸੂਰਜ ਕਹ ਸੈਨਾਪਤਿ ਕੀਨਾ ॥

सूरज कह सैनापति कीना ॥

ਦਹਿਨੇ ਓਰ ਚੰਦ੍ਰ ਕਹ ਦੀਨਾ ॥

दहिने ओर चंद्र कह दीना ॥

ਬਾਈ ਓਰ ਕਾਰਤਿਕੇ ਧਰਾ ॥

बाई ओर कारतिके धरा ॥

ਜਿਹ ਪੌਰਖ ਕਿਨਹੂੰ ਨਹਿ ਹਰਾ ॥੫॥

जिह पौरख किनहूं नहि हरा ॥५॥

ਇਹ ਦਿਸ ਸਕਲ ਦੇਵ ਚੜਿ ਧਾਏ ॥

इह दिस सकल देव चड़ि धाए ॥

ਉਹਿ ਦਿਸਿ ਤੇ ਦਾਨਵ ਮਿਲਿ ਆਏ ॥

उहि दिसि ते दानव मिलि आए ॥

ਬਾਜਨ ਭਾਂਤਿ ਭਾਂਤਿ ਤਨ ਬਾਜੇ ॥

बाजन भांति भांति तन बाजे ॥

ਦੋਊ ਦਿਸਿਨ ਸੂਰਮਾ ਗਾਜੇ ॥੬॥

दोऊ दिसिन सूरमा गाजे ॥६॥

ਦੈ ਦੈ ਢੋਲ ਬਜਾਇ ਨਗਾਰੇ ॥

दै दै ढोल बजाइ नगारे ॥

ਪੀ ਪੀ ਭਏ ਕੈਫ ਮਤਵਾਰੇ ॥

पी पी भए कैफ मतवारे ॥

ਤੀਸ ਸਹਸ ਛੋਹਨਿ ਦਲ ਸਾਥਾ ॥

तीस सहस छोहनि दल साथा ॥

ਰਨ ਦਾਰੁਨੁ ਰਾਚਾ ਜਗਨਾਥਾ ॥੭॥

रन दारुनु राचा जगनाथा ॥७॥

ਭਾਂਤਿ ਭਾਂਤਿ ਮਾਰੂ ਜਬ ਬਾਜੋ ॥

भांति भांति मारू जब बाजो ॥

ਦੀਰਘ ਦਾੜ ਦੈਤ ਰਨ ਗਾਜੋ ॥

दीरघ दाड़ दैत रन गाजो ॥

ਤੀਛਨ ਬਾਨ ਦੋਊ ਦਿਸਿ ਬਹਹੀ ॥

तीछन बान दोऊ दिसि बहही ॥

ਜਾਹਿ ਲਗਤ ਤਿਹ ਮਾਝ ਨ ਰਹਹੀ ॥੮॥

जाहि लगत तिह माझ न रहही ॥८॥

TOP OF PAGE

Dasam Granth