ਦਸਮ ਗਰੰਥ । दसम ग्रंथ ।

Page 1360

ਧਾਵਤ ਭਏ ਦੇਵਤਾ ਜਬ ਹੀ ॥

धावत भए देवता जब ही ॥

ਦਾਨਵ ਭਰੇ ਰੋਸ ਤਨ ਤਬ ਹੀ ॥

दानव भरे रोस तन तब ही ॥

ਭਾਂਤਿ ਭਾਂਤਿ ਬਾਦਿਤ੍ਰ ਬਜਾਇ ॥

भांति भांति बादित्र बजाइ ॥

ਖਤ੍ਰੀ ਉਠੇ ਖਿੰਗ ਖੁਨਸਾਇ ॥੯॥

खत्री उठे खिंग खुनसाइ ॥९॥

ਚਲੇ ਬਾਨ ਦੁਹੂੰ ਓਰ ਅਪਾਰਾ ॥

चले बान दुहूं ओर अपारा ॥

ਬਿਛੂਆ ਬਰਛੀ ਬਜ੍ਰ ਹਜਾਰਾ ॥

बिछूआ बरछी बज्र हजारा ॥

ਗਦਾ ਗਰਿਸਟ ਜਵਨ ਪਰ ਝਰਹੀ ॥

गदा गरिसट जवन पर झरही ॥

ਸ੍ਯੰਦਨ ਸਹਿਤ ਚੂਰਨ ਤਿਹ ਕਰਹੀ ॥੧੦॥

स्यंदन सहित चूरन तिह करही ॥१०॥

ਜਾ ਕੇ ਲਗੇ ਅੰਗ ਮੈ ਬਾਨਾ ॥

जा के लगे अंग मै बाना ॥

ਕਰਾ ਬੀਰ ਤਿਹ ਸ੍ਵਰਗ ਪਯਾਨਾ ॥

करा बीर तिह स्वरग पयाना ॥

ਮਚ੍ਯੋ ਬੀਰ ਖੇਤ ਬਿਕਰਾਲਾ ॥

मच्यो बीर खेत बिकराला ॥

ਨਾਚਤ ਭੂਤ ਪ੍ਰੇਤ ਬੇਤਾਲਾ ॥੧੧॥

नाचत भूत प्रेत बेताला ॥११॥

ਝੂਮਿ ਝੂਮਿ ਕਹੀ ਗਿਰੇ ਧਰਿਨ ਭਟ ॥

झूमि झूमि कही गिरे धरिन भट ॥

ਜੁਦੇ ਜੁਦੇ ਕਹੀ ਅੰਗ ਪਰੇ ਕਟਿ ॥

जुदे जुदे कही अंग परे कटि ॥

ਚਲੀ ਸ੍ਰੋਨ ਕੀ ਨਦੀ ਬਿਰਾਜੈ ॥

चली स्रोन की नदी बिराजै ॥

ਬੈਤਰੁਨੀ ਜਿਨ ਕੋ ਲਖਿ ਲਾਜੈ ॥੧੨॥

बैतरुनी जिन को लखि लाजै ॥१२॥

ਇਹ ਦਿਸਿ ਅਧਿਕ ਦੇਵਤਾ ਕੋਪੇ ॥

इह दिसि अधिक देवता कोपे ॥

ਉਹਿ ਦਿਸਿ ਪਾਵ ਦਾਨਵਨ ਰੋਪੇ ॥

उहि दिसि पाव दानवन रोपे ॥

ਕੁਪਿ ਕੁਪਿ ਅਧਿਕ ਹ੍ਰਿਦਨ ਮੋ ਭਿਰੇ ॥

कुपि कुपि अधिक ह्रिदन मो भिरे ॥

ਜੂਝਿ ਜੂਝਿ ਗੇ ਬਹੁਰਿ ਨ ਫਿਰੇ ॥੧੩॥

जूझि जूझि गे बहुरि न फिरे ॥१३॥

ਕੋਟਿਕ ਕਟਕ ਤਹਾ ਕਟਿ ਮਰੇ ॥

कोटिक कटक तहा कटि मरे ॥

ਜੂਝੇ ਗਿਰੇ ਬਰੰਗਨਿਨ ਬਰੇ ॥

जूझे गिरे बरंगनिन बरे ॥

ਦੋਊ ਦਿਸਿ ਮਰੇ ਕਾਲ ਕੇ ਪ੍ਰੇਰੇ ॥

दोऊ दिसि मरे काल के प्रेरे ॥

ਗਿਰੇ ਭੂਮਿ ਰਨ ਫਿਰੇ ਨ ਫੇਰੇ ॥੧੪॥

गिरे भूमि रन फिरे न फेरे ॥१४॥

ਸਤਿ ਸੰਧਿ ਦੇਵਿਸ ਇਤ ਧਾਯੋ ॥

सति संधि देविस इत धायो ॥

ਦੀਰਘ ਦਾੜ ਉਹ ਓਰ ਰਿਸਾਯੋ ॥

दीरघ दाड़ उह ओर रिसायो ॥

ਬਜ੍ਰ ਬਾਣ ਬਿਛੂਆ ਕੈ ਕੈ ਬ੍ਰਣ ॥

बज्र बाण बिछूआ कै कै ब्रण ॥

ਜੂਝਿ ਜੂਝਿ ਭਟ ਗਿਰਤ ਭਏ ਰਣ ॥੧੫॥

जूझि जूझि भट गिरत भए रण ॥१५॥

ਜੋਗਿਨਿ ਜਛ ਕਹੂੰ ਹਰਖਏ ॥

जोगिनि जछ कहूं हरखए ॥

ਭੂਤ ਪ੍ਰੇਤ ਨਾਚਤ ਕਹੂੰ ਭਏ ॥

भूत प्रेत नाचत कहूं भए ॥

ਕਹ ਕਹ ਕਹ ਕਲਿ ਹਾਸ ਸੁਨਾਵਤ ॥

कह कह कह कलि हास सुनावत ॥

ਭੀਖਨ ਸੁਨੈ ਸਬਦ ਭੈ ਆਵਤ ॥੧੬॥

भीखन सुनै सबद भै आवत ॥१६॥

ਫਿਰੈਂ ਦੈਤ ਕਹੂੰ ਦਾਂਤ ਨਿਕਾਰੇ ॥

फिरैं दैत कहूं दांत निकारे ॥

ਬਮਤ ਸ੍ਰੋਨ ਕੇਤੇ ਰਨ ਮਾਰੇ ॥

बमत स्रोन केते रन मारे ॥

ਕਹੂੰ ਸਿਵਾ ਸਾਮੁਹਿ ਫਿਕਰਾਹੀ ॥

कहूं सिवा सामुहि फिकराही ॥

ਭੂਤ ਪਿਸਾਚ ਮਾਸ ਕਹੂੰ ਖਾਹੀ ॥੧੭॥

भूत पिसाच मास कहूं खाही ॥१७॥

ਸਕਟਾਬ੍ਯੂਹ ਰਚਾ ਸੁਰ ਪਤਿ ਤਬ ॥

सकटाब्यूह रचा सुर पति तब ॥

ਕ੍ਰੌਚਾਬ੍ਯੂਹ ਕਿਯੋ ਅਸੁਰਿਸ ਜਬ ॥

क्रौचाब्यूह कियो असुरिस जब ॥

ਮਚਿਯੋ ਤੁਮਲ ਜੁਧ ਤਹ ਭਾਰੀ ॥

मचियो तुमल जुध तह भारी ॥

ਗਰਜਤ ਭਏ ਬੀਰ ਬਲ ਧਾਰੀ ॥੧੮॥

गरजत भए बीर बल धारी ॥१८॥

ਜੂਝਿ ਗਏ ਜੋਧਾ ਕਹੀ ਭਾਰੇ ॥

जूझि गए जोधा कही भारे ॥

ਦੇਵ ਗਿਰੇ ਦਾਨਵ ਕਹੀ ਮਾਰੇ ॥

देव गिरे दानव कही मारे ॥

ਬੀਰ ਖੇਤ ਐਸਾ ਤਹ ਪਰਾ ॥

बीर खेत ऐसा तह परा ॥

ਦੋਊ ਦਿਸਿ ਇਕ ਸੁਭਟ ਨ ਉਬਰਾ ॥੧੯॥

दोऊ दिसि इक सुभट न उबरा ॥१९॥

ਜੌ ਕ੍ਰਮ ਕ੍ਰਮ ਕਰਿ ਕਥਾ ਸੁਨਾਊਂ ॥

जौ क्रम क्रम करि कथा सुनाऊं ॥

ਗ੍ਰੰਥ ਬਢਨ ਤੇ ਅਧਿਕ ਡਰਾਊਂ ॥

ग्रंथ बढन ते अधिक डराऊं ॥

ਤੀਸ ਸਹਸ ਛੂਹਨਿ ਜਹ ਜੋਧਾ ॥

तीस सहस छूहनि जह जोधा ॥

ਮੰਡ੍ਯੋ ਬੀਰ ਖੇਤ ਕਰਿ ਕ੍ਰੋਧਾ ॥੨੦॥

मंड्यो बीर खेत करि क्रोधा ॥२०॥

ਪਤਿਅਨ ਸੋ ਪਤੀਅਨ ਭਿਰਿ ਮਰੇ ॥

पतिअन सो पतीअन भिरि मरे ॥

ਸ੍ਵਾਰਨ ਕੇ ਸ੍ਵਾਰਨ ਛੈ ਕਰੇ ॥

स्वारन के स्वारन छै करे ॥

ਰਥਿਯਨ ਤਹ ਰਥਿਯਨ ਕੌ ਘਾਯੋ ॥

रथियन तह रथियन कौ घायो ॥

ਹਾਥਿਨ ਦੰਤੀ ਸ੍ਵਰਗ ਪਠਾਯੋ ॥੨੧॥

हाथिन दंती स्वरग पठायो ॥२१॥

ਦਲਪਤਿ ਸੌ ਦਲਪਤਿ ਲਰਿ ਮੂਆ ॥

दलपति सौ दलपति लरि मूआ ॥

ਇਹ ਬਿਧਿ ਨਾਸ ਕਟਕ ਕਾ ਹੂਆ ॥

इह बिधि नास कटक का हूआ ॥

ਬਚੇ ਭੂਪ ਤੇ ਕੋਪ ਬਡਾਈ ॥

बचे भूप ते कोप बडाई ॥

ਮਾਂਡਤ ਭੇ ਹਠ ਠਾਨਿ ਲਰਾਈ ॥੨੨॥

मांडत भे हठ ठानि लराई ॥२२॥

ਰਨ ਮਾਂਡਤ ਭੇ ਬਿਬਿਧ ਪ੍ਰਕਾਰਾ ॥

रन मांडत भे बिबिध प्रकारा ॥

ਦੈਤ ਰਾਟ ਅਰੁ ਦੇਵ ਨ੍ਰਿਪਾਰਾ ॥

दैत राट अरु देव न्रिपारा ॥

ਰਸਨਾ ਇਤੀ ਨ ਭਾਖ ਸੁਨਾਊਂ ॥

रसना इती न भाख सुनाऊं ॥

ਗ੍ਰੰਥ ਬਢਨ ਤੇ ਅਤਿ ਡਰਪਾਊਂ ॥੨੩॥

ग्रंथ बढन ते अति डरपाऊं ॥२३॥

TOP OF PAGE

Dasam Granth