ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 945 ਦੋਹਰਾ ॥ दोहरा ॥ ਤਬ ਤਿਨ ਬਿਪ ਬੁਲਾਇ ਕੈ; ਦੀਨੋ ਦਾਨ ਅਪਾਰ ॥ तब तिन बिप बुलाइ कै; दीनो दान अपार ॥ ਛਲ ਕੈ ਕੈ ਜੂਤਿਨ ਭਏ; ਬੀਸ ਖੁਦਾਈ ਮਾਰ ॥੧੪॥ छल कै कै जूतिन भए; बीस खुदाई मार ॥१४॥ ਚੌਪਈ ॥ चौपई ॥ ਚੁਪ ਤਬ ਤੇ ਹ੍ਵੈ ਰਹੇ ਖੁਦਾਈ ॥ चुप तब ते ह्वै रहे खुदाई ॥ ਕਾਹੂ ਸਾਥ ਨ ਰਾਰਿ ਬਢਾਈ ॥ काहू साथ न रारि बढाई ॥ ਸੋਈ ਕਰੈ, ਜੁ ਹਿੰਦੂ ਕਹੈ ॥ सोई करै, जु हिंदू कहै ॥ ਤੁਹਮਤਿ ਦੈ ਕਾਹੂੰ ਨ ਗਹੈ ॥੧੫॥ तुहमति दै काहूं न गहै ॥१५॥ ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਨਿੰਨਾਨਵੋ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੯੯॥੧੮੪੩॥ਅਫਜੂੰ॥ इति स्री चरित्र पख्याने त्रिया चरित्रे मंत्री भूप स्मबादे निंनानवो चरित्र समापतम सतु सुभम सतु ॥९९॥१८४३॥अफजूं॥ ਚੌਪਈ ॥ चौपई ॥ ਰੋਪਰ ਰਾਵ ਰੁਪੇਸ੍ਵਰ ਭਾਰੋ ॥ रोपर राव रुपेस्वर भारो ॥ ਰਘੁਕੁਲ ਬੀਚ ਅਧਿਕ ਉਜਿਯਾਰੋ ॥ रघुकुल बीच अधिक उजियारो ॥ ਚਿਤ੍ਰ ਕੁਅਰਿ ਰਾਨੀ ਇਕ ਤਾ ਕੇ ॥ चित्र कुअरि रानी इक ता के ॥ ਰੂਪਵਤੀ ਕੋਊ ਤੁਲਿ ਨ ਵਾ ਕੇ ॥੧॥ रूपवती कोऊ तुलि न वा के ॥१॥ ਦਾਨਵ ਏਕ ਲੰਕ ਤੇ ਆਯੋ ॥ दानव एक लंक ते आयो ॥ ਤਾ ਕੋ ਰੂਪਿ ਹੇਰਿ ਉਰਝਾਯੋ ॥ ता को रूपि हेरि उरझायो ॥ ਮਨ ਮੈ ਅਧਿਕ ਰੀਝਿ ਕਰਿ ਗਯੋ ॥ मन मै अधिक रीझि करि गयो ॥ ਤਾ ਕੋ ਲਗਾ ਨ ਤਜਿ ਤਹਿ ਦਯੋ ॥੨॥ ता को लगा न तजि तहि दयो ॥२॥ ਤਬ ਤਿਨ ਮੰਤ੍ਰੀ ਅਧਿਕ ਬੁਲਾਏ ॥ तब तिन मंत्री अधिक बुलाए ॥ ਅਨਿਕ ਭਾਂਤਿ ਉਪਚਾਰ ਕਰਾਏ ॥ अनिक भांति उपचार कराए ॥ ਤਹਾ ਏਕ ਮੁਲਾ ਚਲਿ ਆਯੋ ॥ तहा एक मुला चलि आयो ॥ ਆਨਿ ਆਪਨਾ ਓਜੁ ਜਨਾਯੋ ॥੩॥ आनि आपना ओजु जनायो ॥३॥ ਤਬ ਤਿਨ ਘਾਤ ਦਾਨਵਹਿ ਪਾਯੋ ॥ तब तिन घात दानवहि पायो ॥ ਏਕ ਹਾਥ ਸੌ ਮਹਲ ਉਚਾਯੋ ॥ एक हाथ सौ महल उचायो ॥ ਦੁਤਿਯ ਹਾਥ ਤਾ ਕੌ ਗਹਿ ਲੀਨੋ ॥ दुतिय हाथ ता कौ गहि लीनो ॥ ਤਵਨ ਛਾਤ ਭੀਤਰ ਧਰਿ ਦੀਨੋ ॥੪॥ तवन छात भीतर धरि दीनो ॥४॥ ਦੋਹਰਾ ॥ दोहरा ॥ ਧਰਿਯੋ ਥੰਭ ਊਪਰ ਤਿਸੈ; ਇਕ ਕਰ ਛਾਤ ਉਠਾਇ ॥ धरियो थ्मभ ऊपर तिसै; इक कर छात उठाइ ॥ ਮਾਰਿ ਮੁਲਾਨਾ ਕੋ ਦਯੋ; ਜਮ ਕੇ ਧਾਮ ਪਠਾਇ ॥੫॥ मारि मुलाना को दयो; जम के धाम पठाइ ॥५॥ ਚੌਪਈ ॥ चौपई ॥ ਤਹ ਇਕ ਔਰ ਮੁਲਾਨੋ ਆਯੋ ॥ तह इक और मुलानो आयो ॥ ਸੋਊ ਪਕਰਿ ਟਾਂਗ ਪਟਕਾਯੋ ॥ सोऊ पकरि टांग पटकायो ॥ ਤੀਜੌ ਔਰ ਆਇ ਤਹ ਗਯੋ ॥ तीजौ और आइ तह गयो ॥ ਸੋਊ ਡਾਰਿ ਨਦੀ ਮੈ ਦਯੋ ॥੬॥ सोऊ डारि नदी मै दयो ॥६॥ ਤਬਿ ਇਕ ਤ੍ਰਿਯਾ ਤਹਾ ਚਲਿ ਆਈ ॥ तबि इक त्रिया तहा चलि आई ॥ ਭਾਂਤਿ ਭਾਂਤਿ ਤਿਹ ਕਰੀ ਬਡਾਈ ॥ भांति भांति तिह करी बडाई ॥ ਲੇਹਜ ਪੇਹਜ ਬਹੁ ਤਾਹਿ ਖਵਾਯੋ ॥ लेहज पेहज बहु ताहि खवायो ॥ ਮਦਰੋ ਪ੍ਯਾਇ ਤਾਹਿ ਰਿਝਵਾਯੋ ॥੭॥ मदरो प्याइ ताहि रिझवायो ॥७॥ ਤਾ ਕੇ ਨਿਤਿ ਬੁਹਾਰੀ ਦੇਵੈ ॥ ता के निति बुहारी देवै ॥ ਤਾ ਕੋ ਚਿਤ ਚੁਰਾਇ ਕੈ ਲੇਵੈ ॥ ता को चित चुराइ कै लेवै ॥ ਇਕ ਦਿਨ ਹੋਇ ਬਿਮਨ ਸੀ ਰਹੀ ॥ इक दिन होइ बिमन सी रही ॥ ਤਬ ਐਸੇ ਦਾਨੋ ਤਿਹ ਕਹੀ ॥੮॥ तब ऐसे दानो तिह कही ॥८॥ ਖਾਤ ਪੀਤ ਹਮਰੋ ਤੂੰ ਨਾਹੀ ॥ खात पीत हमरो तूं नाही ॥ ਸੇਵਾ ਕਰਤ ਰਹਤ ਗ੍ਰਿਹ ਮਾਹੀ ॥ सेवा करत रहत ग्रिह माही ॥ ਅਧਿਕ ਰੀਝਿ ਨਿਸਚਰਹਿ ਉਚਾਰੋ ॥ अधिक रीझि निसचरहि उचारो ॥ ਦੇਉ ਵਹੈ, ਜੋ ਹ੍ਰਿਦੈ ਬਿਚਾਰੋ ॥੯॥ देउ वहै, जो ह्रिदै बिचारो ॥९॥ ਜਬ ਦੋ ਤੀਨਿ ਬਾਰ ਤਿਨ ਕਹਿਯੋ ॥ जब दो तीनि बार तिन कहियो ॥ ਤਾ ਪੈ ਅਧਿਕ ਰੀਝਿ ਕੈ ਰਹਿਯੋ ॥ ता पै अधिक रीझि कै रहियो ॥ ਕਹਿਯੋ ਅਸੁਰ ਲਾਗਯੋ ਇਕ ਤ੍ਰਿਯਾ ਕੋ ॥ कहियो असुर लागयो इक त्रिया को ॥ ਸਕੈ ਦੂਰਿ ਕਰ ਤੂ ਨਹਿ ਤਾ ਕੋ ॥੧੦॥ सकै दूरि कर तू नहि ता को ॥१०॥ ਤਬ ਤਿਨ ਜੰਤ੍ਰ ਤੁਰਤੁ ਲਿਖਿ ਲੀਨੋ ॥ तब तिन जंत्र तुरतु लिखि लीनो ॥ ਲੈ ਤਾ ਕੋ ਕਰ ਭੀਤਰ ਦੀਨੋ ॥ लै ता को कर भीतर दीनो ॥ ਜਾ ਕੋ ਤੂ ਇਕ ਬਾਰ ਦਿਖੈ ਹੈ ॥ जा को तू इक बार दिखै है ॥ ਜਰਿ ਬਰਿ ਢੇਰ ਭਸਮਿ ਸੋ ਹ੍ਵੈ ਹੈ ॥੧੧॥ जरि बरि ढेर भसमि सो ह्वै है ॥११॥ ਤਾ ਕੈ ਕਰ ਤੇ ਜੰਤ੍ਰ ਲਿਖਾਯੋ ॥ ता कै कर ते जंत्र लिखायो ॥ ਲੈ ਕਰ ਮੈ ਤਹਿ ਕੋ ਦਿਖਰਾਯੋ ॥ लै कर मै तहि को दिखरायो ॥ ਜਬ ਸੁ ਜੰਤ੍ਰ ਦਾਨੋ ਲਖਿ ਲਯੋ ॥ जब सु जंत्र दानो लखि लयो ॥ ਸੋ ਜਰਿ ਢੇਰ ਭਸਮ ਹ੍ਵੈ ਗਯੋ ॥੧੨॥ सो जरि ढेर भसम ह्वै गयो ॥१२॥ |
|
|
|
|
Dasam Granth |