ਦਸਮ ਗਰੰਥ । दसम ग्रंथ ।

Page 1257

ਚੌਪਈ ॥

चौपई ॥

ਸੋਰਠ ਸੈਨ ਏਕ ਭੂਪਾਲਾ ॥

सोरठ सैन एक भूपाला ॥

ਤੇਜਵਾਨ ਬਲਵਾਨ ਛਿਤਾਲਾ ॥

तेजवान बलवान छिताला ॥

ਸੋਰਠ ਦੇ ਤਾ ਕੈ ਘਰ ਰਾਨੀ ॥

सोरठ दे ता कै घर रानी ॥

ਸੁੰਦਰ ਸਕਲ ਭਵਨ ਮਹਿ ਜਾਨੀ ॥੧॥

सुंदर सकल भवन महि जानी ॥१॥

ਛਤ੍ਰਿ ਸੈਨ ਤਹ ਸਾਹ ਭਨਿਜੈ ॥

छत्रि सैन तह साह भनिजै ॥

ਛਤ੍ਰ ਦੇਇ ਇਕ ਸੁਤਾ ਕਹਿਜੈ ॥

छत्र देइ इक सुता कहिजै ॥

ਭੂਤ ਭਵਾਨ ਭਵਿਖ੍ਯ ਮਝਾਰੀ ॥

भूत भवान भविख्य मझारी ॥

ਭਈ ਨ ਹੈ ਹ੍ਵੈ ਹੈ ਨ ਕੁਮਾਰੀ ॥੨॥

भई न है ह्वै है न कुमारी ॥२॥

ਜਬ ਵਹੁ ਤਰੁਨਿ ਚੰਚਲਾ ਭਈ ॥

जब वहु तरुनि चंचला भई ॥

ਲਰਿਕਾਪਨ ਕੀ ਸੁਧਿ ਬੁਧਿ ਗਈ ॥

लरिकापन की सुधि बुधि गई ॥

ਛਤਿਯਾ ਕੁਚਨ ਤਬੈ ਉਠਿ ਆਏ ॥

छतिया कुचन तबै उठि आए ॥

ਮਦਨ ਭਰਤਿਯਾ ਭਰਤ ਭਰਾਏ ॥੩॥

मदन भरतिया भरत भराए ॥३॥

ਅਭਰਨ ਸੈਨ ਕੁਅਰ ਤਿਨ ਲਹਾ ॥

अभरन सैन कुअर तिन लहा ॥

ਤੇਜਵਾਨ ਕਛੁ ਜਾਤ ਨ ਕਹਾ ॥

तेजवान कछु जात न कहा ॥

ਲਾਗੀ ਲਗਨ ਛੂਟਿ ਨਹਿ ਗਈ ॥

लागी लगन छूटि नहि गई ॥

ਸੁਕ ਨਲਨੀ ਕੀ ਸੀ ਗਤਿ ਭਈ ॥੪॥

सुक नलनी की सी गति भई ॥४॥

ਤਾ ਸੌ ਲਗੀ ਲਗਨ ਬਹੁ ਭਾਤਾ ॥

ता सौ लगी लगन बहु भाता ॥

ਕਿਹ ਬਿਧਿ ਬਰਨ ਸੁਨਾਊ ਬਾਤਾ? ॥

किह बिधि बरन सुनाऊ बाता? ॥

ਨਿਤਿਪ੍ਰਤਿ ਤਾ ਕਹ ਬੋਲਿ ਪਠਾਵੈ ॥

नितिप्रति ता कह बोलि पठावै ॥

ਕਾਮ ਭੋਗ ਰੁਚਿ ਮਾਨ ਕਮਾਵੈ ॥੫॥

काम भोग रुचि मान कमावै ॥५॥

ਤਾ ਕੇ ਲਏ ਨਾਥ ਕਹ ਮਾਰਾ ॥

ता के लए नाथ कह मारा ॥

ਤਨ ਮੈ ਰਾਂਡ ਭੇਸ ਕੋ ਧਾਰਾ ॥

तन मै रांड भेस को धारा ॥

ਜਬ ਗ੍ਰਿਹ ਅਪਨੇ ਜਾਰ ਬੁਲਾਯੋ ॥

जब ग्रिह अपने जार बुलायो ॥

ਸਭ ਪ੍ਰਸੰਗ ਕਹਿ ਤਾਹਿ ਸੁਨਾਯੋ ॥੬॥

सभ प्रसंग कहि ताहि सुनायो ॥६॥

ਸੁਨਿ ਕੈ ਜਾਰ ਬਚਨ ਅਸ ਡਰਾ ॥

सुनि कै जार बचन अस डरा ॥

ਧ੍ਰਿਗ ਧ੍ਰਿਗ ਬਚ ਤਿਹ ਤ੍ਰਿਯਹਿ ਉਚਰਾ ॥

ध्रिग ध्रिग बच तिह त्रियहि उचरा ॥

ਜਿਨ ਅਪਨੋ ਪਤਿ ਆਪੁ ਸੰਘਰਿਯੋ ॥

जिन अपनो पति आपु संघरियो ॥

ਮੁਹਿ ਕਸ ਚਹਤ ਭਲਾਈ ਕਰਿਯੋ? ॥੭॥

मुहि कस चहत भलाई करियो? ॥७॥

ਪਤਿ ਮਾਰਿਯੋ ਜਾ ਕੇ ਹਿਤ, ਗਯੋ ॥

पति मारियो जा के हित, गयो ॥

ਸੋ ਭੀ ਅੰਤ ਨ ਤਾ ਕੋ ਭਯੋ ॥

सो भी अंत न ता को भयो ॥

ਐਸੋ ਮਿਤ੍ਰ ਕਛੂ ਨਹੀ ਕਰਿਯੋ ॥

ऐसो मित्र कछू नही करियो ॥

ਇਹ ਰਾਖੇ ਤੇ ਭਲੋ ਸੰਘਰਿਯੋ ॥੮॥

इह राखे ते भलो संघरियो ॥८॥

ਕਰ ਮਹਿ ਕਾਢਿ ਭਗੌਤੀ ਲਈ ॥

कर महि काढि भगौती लई ॥

ਦੁਹੂੰ ਹਾਥ ਤਾ ਕੋ ਸਿਰ ਦਈ ॥

दुहूं हाथ ता को सिर दई ॥

ਹਾਇ ਹਾਇ ਜਿਮਿ ਭੂਪ ਪੁਕਾਰੈ ॥

हाइ हाइ जिमि भूप पुकारै ॥

ਤ੍ਯੋ, ਤ੍ਯੋ, ਨਾਰਿ ਕ੍ਰਿਪਾਨਨ ਮਾਰੈ ॥੯॥

त्यो, त्यो, नारि क्रिपानन मारै ॥९॥

ਦ੍ਵੈ ਦਿਨ ਭਏ ਨ, ਪਤਿ ਕੇ ਮਰੈ ॥

द्वै दिन भए न, पति के मरै ॥

ਐਸੀ ਲਗੇ, ਅਬੈ ਏ ਕਰੈ ॥

ऐसी लगे, अबै ए करै ॥

ਧ੍ਰਿਗ ਜਿਯਬੋ ਪਿਯ ਬਿਨੁ ਜਗ ਮਾਹੀ ॥

ध्रिग जियबो पिय बिनु जग माही ॥

ਜਾਰ ਚੋਰ ਜਿਹ ਹਾਥ ਚਲਾਹੀ ॥੧੦॥

जार चोर जिह हाथ चलाही ॥१०॥

ਮਰਿਯੋ ਨਿਰਖਿ ਤਿਹ ਸਭਨ ਉਚਾਰਾ ॥

मरियो निरखि तिह सभन उचारा ॥

ਭਲਾ ਕਰਾ ਤੈ ਜਾਰ ਸੰਘਾਰਾ ॥

भला करा तै जार संघारा ॥

ਚਾਦਰ ਕੀ ਲਜਾ ਤੈ ਰਾਖੀ ॥

चादर की लजा तै राखी ॥

ਧੰਨ੍ਯ ਧੰਨ੍ਯ ਪੁਤ੍ਰੀ! ਤੂ ਭਾਖੀ ॥੧੧॥

धंन्य धंन्य पुत्री! तू भाखी ॥११॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਦੋ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੦੨॥੫੮੨੦॥ਅਫਜੂੰ॥

इति स्री चरित्र पख्याने त्रिया चरित्रे मंत्री भूप स्मबादे तीन सौ दो चरित्र समापतम सतु सुभम सतु ॥३०२॥५८२०॥अफजूं॥


ਚੌਪਈ ॥

चौपई ॥

ਅਭਰਨ ਸਿੰਘ ਸੁਨਾ ਇਕ ਨ੍ਰਿਪ ਬਰ ॥

अभरन सिंघ सुना इक न्रिप बर ॥

ਲਜਤ ਹੋਤ ਜਿਹ ਨਿਰਖਿ ਦਿਵਾਕਰ ॥

लजत होत जिह निरखि दिवाकर ॥

ਅਭਰਨ ਦੇਇ ਸਦਨ ਮਹਿ ਨਾਰੀ ॥

अभरन देइ सदन महि नारी ॥

ਮਥਿ ਅਭਰਨ ਜਣੁ ਸਕਲ ਨਿਕਾਰੀ ॥੧॥

मथि अभरन जणु सकल निकारी ॥१॥

ਰਾਨੀ ਹੁਤੀ ਮਿਤ੍ਰ ਸੇਤੀ ਰਤਿ ॥

रानी हुती मित्र सेती रति ॥

ਭੋਗਤ ਹੁਤੀ ਤਵਨ ਕਹ ਨਿਤਿਪ੍ਰਤਿ ॥

भोगत हुती तवन कह नितिप्रति ॥

ਇਕ ਦਿਨ ਭੇਦ ਰਾਵ ਲਖਿ ਪਾਯੋ ॥

इक दिन भेद राव लखि पायो ॥

ਤ੍ਰਿਯ ਕੇ ਧਾਮ ਬਿਲੋਕਨ ਆਯੋ ॥੨॥

त्रिय के धाम बिलोकन आयो ॥२॥

ਤਹ ਤੇ ਲਯੋ ਪਕਰਿ ਇਕ ਜਾਰਾ ॥

तह ते लयो पकरि इक जारा ॥

ਤੌਨੇ ਠੌਰਿ ਮਾਰਿ ਕਰਿ ਡਾਰਾ ॥

तौने ठौरि मारि करि डारा ॥

ਇਸਤ੍ਰੀ ਜਾਨਿ ਨ ਇਸਤ੍ਰੀ ਮਾਰੀ ॥

इसत्री जानि न इसत्री मारी ॥

ਚਿਤ ਅਪਨੇ ਤੇ ਦਈ ਬਿਸਾਰੀ ॥੩॥

चित अपने ते दई बिसारी ॥३॥

TOP OF PAGE

Dasam Granth