ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 553 ਸਵੈਯਾ ॥ सवैया ॥ ਸੁਨ ਲੈ ਭਸਮਾਂਗਦ ਦੈਤ ਹੁਤੋ; ਤਿਹ ਨਾਰਦ ਤੇ ਜਬ ਹੀ ਸੁਨਿ ਪਾਯੋ ॥ सुन लै भसमांगद दैत हुतो; तिह नारद ते जब ही सुनि पायो ॥ ਰੁਦ੍ਰ ਕੀ ਸੇਵ ਕਰੀ ਰੁਚਿ ਸੋ; ਬਹੁਤੇ ਦਿਨ ਰੁਦ੍ਰਹਿ ਕੋ ਰਿਝਵਾਯੋ ॥ रुद्र की सेव करी रुचि सो; बहुते दिन रुद्रहि को रिझवायो ॥ ਆਪਨੇ ਮਾਸਹਿ ਕਾਟਿ ਕੈ ਆਗ ਮੈ; ਹੋਮ ਕਰਿਯੋ ਨ ਰਤੀ ਕੁ ਡਰਾਯੋ ॥ आपने मासहि काटि कै आग मै; होम करियो न रती कु डरायो ॥ ਹਾਥ ਧਰੋ ਜਿਹ ਕੇ ਸਿਰ ਪੈ; ਤਿਹ ਛਾਰ ਉਡੈ ਸੁ ਇਹੈ ਬਰੁ ਪਾਯੋ ॥੨੪੫੭॥ हाथ धरो जिह के सिर पै; तिह छार उडै सु इहै बरु पायो ॥२४५७॥ ਹਾਥ ਧਰੋ ਜਿਹ ਕੈ ਸਿਰ ਪੈ; ਤਿਹ ਛਾਰ ਉਡੈ ਜਬ ਹੀ ਬਰੁ ਪਾਯੋ ॥ हाथ धरो जिह कै सिर पै; तिह छार उडै जब ही बरु पायो ॥ ਰੁਦ੍ਰ ਹੀ ਕਉ ਪ੍ਰਥਮੈ ਹਤਿ ਕੈ; ਜੜ ਚਾਹਤ ਤਿਉ ਤਿਹ ਤ੍ਰੀਅ ਛਿਨਾਯੋ ॥ रुद्र ही कउ प्रथमै हति कै; जड़ चाहत तिउ तिह त्रीअ छिनायो ॥ ਰੁਦ੍ਰ ਭਜਿਯੋ ਤਬ ਆਏ ਹੈ ਸ੍ਯਾਮ ਜੂ; ਆਇ ਕੈ ਸੋ ਛਲ ਸੋ ਜਰਵਾਯੋ ॥ रुद्र भजियो तब आए है स्याम जू; आइ कै सो छल सो जरवायो ॥ ਭੂਪ ਕਹੋ ਬਡੋ ਸੋ ਤੁਮ ਹੀ; ਕਿ ਬਡੋ ਹਰ ਹੈ? ਜਿਹ ਤਾਹਿ ਬਚਾਯੋ? ॥੨੪੫੮॥ भूप कहो बडो सो तुम ही; कि बडो हर है? जिह ताहि बचायो? ॥२४५८॥ ਇਤਿ ਸ੍ਰੀ ਬਚਿਤ੍ਰ ਨਾਟਕ ਗ੍ਰੰਥੇ ਕ੍ਰਿਸਨਾਵਤਾਰੇ ਭਸਮਾਗਦ ਦੈਤ ਬਧਹ ਧਿਆਇ ਸਮਾਪਤੰ ॥ इति स्री बचित्र नाटक ग्रंथे क्रिसनावतारे भसमागद दैत बधह धिआइ समापतं ॥ ਅਥ ਭ੍ਰਿਗਲਤਾ ਕੋ ਪ੍ਰਸੰਗ ਕਥਨੰ ॥ अथ भ्रिगलता को प्रसंग कथनं ॥ ਸਵੈਯਾ ॥ सवैया ॥ ਬੈਠੇ ਹੁਤੇ ਰਿਖਿ ਸਾਤ ਤਹਾ; ਇਕਠੇ ਤਿਨ ਕੇ ਜੀਅ ਮੈ ਅਸ ਆਯੋ ॥ बैठे हुते रिखि सात तहा; इकठे तिन के जीअ मै अस आयो ॥ ਰੁਦ੍ਰ ਭਲੋ ਬ੍ਰਹਮਾ ਕਿਧੋ ਬਿਸਨੁ ਜੂ; ਪੈ ਪ੍ਰਿਥਮੈ ਜਿਹ ਕੋ ਠਹਰਾਯੋ ॥ रुद्र भलो ब्रहमा किधो बिसनु जू; पै प्रिथमै जिह को ठहरायो ॥ ਤੀਨੋ ਅਨੰਤ ਹੈ, ਅੰਤਿ ਕਛੂ ਨਹਿ; ਹੈ ਇਨ ਕੋ ਕਿਨ ਹੂ ਨਹੀ ਪਾਯੋ ॥ तीनो अनंत है, अंति कछू नहि; है इन को किन हू नही पायो ॥ ਭੇਦ ਲਹੋ ਇਨ ਕੋ ਤਿਨ ਮੈ; ਭ੍ਰਿਗ ਬੈਠੋ ਹੁਤੋ ਸੋਊ ਦੇਖਨ ਧਾਯੋ ॥੨੪੫੯॥ भेद लहो इन को तिन मै; भ्रिग बैठो हुतो सोऊ देखन धायो ॥२४५९॥ ਰੁਦ੍ਰ ਕੇ ਧਾਮ ਗਯੋ ਕਹਿਓ; ਤੁਮ ਜੀਵ ਹਨੋ, ਤਿਹ ਸੂਲ ਸੰਭਾਰਿਯੋ ॥ रुद्र के धाम गयो कहिओ; तुम जीव हनो, तिह सूल स्मभारियो ॥ ਗਯੋ ਚਤੁਰਾਨਨ ਕੇ ਚਲਿ ਕੈ; ਇਹ ਬੇਦ ਰਰੈ, ਇਹ ਜਾਨ ਨ ਪਾਰਿਯੋ ॥ गयो चतुरानन के चलि कै; इह बेद ररै, इह जान न पारियो ॥ ਬਿਸਨ ਕੇ ਲੋਕ ਗਯੋ ਸੁਖ ਸੋਵਤ; ਕੋਪ ਭਰਿਯੋ, ਰਿਖਿ ਲਾਤਹਿ ਮਾਰਿਯੋ ॥ बिसन के लोक गयो सुख सोवत; कोप भरियो, रिखि लातहि मारियो ॥ ਕੋਪ ਕੀਯੋ ਨ, ਗਹੇ ਰਿਖਿ ਪਾ; ਇਹ ਸ੍ਰੀਪਤਿ ਸ੍ਰੀ ਬ੍ਰਿਜਨਾਥ ਬਿਚਾਰਿਯੋ ॥੨੪੬੦॥ कोप कीयो न, गहे रिखि पा; इह स्रीपति स्री ब्रिजनाथ बिचारियो ॥२४६०॥ ਬਿਸਨੁ ਜੂ ਬਾਚ ਭ੍ਰਿਗੁ ਸੋ ॥ बिसनु जू बाच भ्रिगु सो ॥ ਸਵੈਯਾ ॥ सवैया ॥ ਪਾਇ ਕੋ ਘਾਇ ਰਹਿਓ ਸਹਿ ਕੈ; ਹਸ ਕੈ ਦਿਜ ਸੋ ਇਹ ਭਾਂਤਿ ਉਚਾਰੋ ॥ पाइ को घाइ रहिओ सहि कै; हस कै दिज सो इह भांति उचारो ॥ ਬਜ੍ਰ ਸਮਾਨ ਹ੍ਰਿਦੈ ਹਮਰੋ; ਲਗਿ ਪਾਇ ਦੁਖਿਓ ਹ੍ਵੈ ਹੈ ਤੁਹਿ ਮਾਰੋ ॥ बज्र समान ह्रिदै हमरो; लगि पाइ दुखिओ ह्वै है तुहि मारो ॥ ਮਾਂਗਤਿ ਹਉ ਇਕ ਜੋ ਤੁਮ ਦੇਹੁ; ਜੁ ਪੈ ਛਿਮ ਕੈ ਅਪਰਾਧ ਹਮਾਰੋ ॥ मांगति हउ इक जो तुम देहु; जु पै छिम कै अपराध हमारो ॥ ਜੇਤਕ ਰੂਪ ਧਰੋ ਜਗ ਹਉ; ਤੁ ਸਦਾ ਰਹੈ ਪਾਇ ਕੋ ਚਿਹਨ ਤੁਹਾਰੋ ॥੨੪੬੧॥ जेतक रूप धरो जग हउ; तु सदा रहै पाइ को चिहन तुहारो ॥२४६१॥ ਇਉ ਜਬ ਬੈਨ ਕਹੇ ਬ੍ਰਿਜ ਨਾਇਕ; ਤਉ ਰਿਖਿ ਚਿਤ ਬਿਖੈ ਸੁਖੁ ਪਾਯੋ ॥ इउ जब बैन कहे ब्रिज नाइक; तउ रिखि चित बिखै सुखु पायो ॥ ਕੈ ਕੈ ਪ੍ਰਨਾਮ ਘਨੇ ਪ੍ਰਭ ਕਉ; ਪੁਨਿ ਆਪਨੇ ਆਸ੍ਰਮ ਮੈ ਫਿਰਿ ਆਯੋ ॥ कै कै प्रनाम घने प्रभ कउ; पुनि आपने आस्रम मै फिरि आयो ॥ ਰੁਦ੍ਰ ਕੋ, ਬ੍ਰਹਮ ਕੋ, ਬਿਸਨੁ ਕਥਾਨ ਕੋ; ਭੇਦ ਸਭੈ ਇਨ ਕੋ ਸਮਝਾਯੋ ॥ रुद्र को, ब्रहम को, बिसनु कथान को; भेद सभै इन को समझायो ॥ ਸ੍ਯਾਮ ਕੋ ਜਾਪ ਜਪੈ ਸਭ ਹੀ; ਹਮ ਸ੍ਰੀ ਬ੍ਰਿਜਨਾਥ ਸਹੀ ਪ੍ਰਭ ਪਾਯੋ ॥੨੪੬੨॥ स्याम को जाप जपै सभ ही; हम स्री ब्रिजनाथ सही प्रभ पायो ॥२४६२॥ |
|
|
|
|
Dasam Granth |