ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 417 ਈਸ ਸਿੰਘ ਸਕੰਧ ਬਲੀ; ਸੁ ਅਯੋਧਨ ਮੈ ਇਹ ਊਪਰਿ ਆਏ ॥ ईस सिंघ सकंध बली; सु अयोधन मै इह ऊपरि आए ॥ ਪੇਖਿ ਕ੍ਰਿਤਾਸਤ੍ਰ ਸਿੰਘ ਤਬੈ; ਸਰ ਤੀਛਨ ਆਵਤ ਤਾਹਿ ਲਗਾਏ ॥ पेखि क्रितासत्र सिंघ तबै; सर तीछन आवत ताहि लगाए ॥ ਚੰਦ੍ਰਕ ਬਾਨ ਲਗੇ ਤਿਨ ਕਉ; ਦੁਹੁ ਕੇ ਸਿਰ ਕਾਟ ਕੈ ਭੂਮਿ ਗਿਰਾਏ ॥ चंद्रक बान लगे तिन कउ; दुहु के सिर काट कै भूमि गिराए ॥ ਯੌ ਉਪਮਾ ਉਪਜੀ ਮਨ ਮੈ; ਮਨੋ ਮੁੰਡਨ ਕੋ ਘਰਿ ਹੀ ਧਰਿ ਆਏ ॥੧੩੫੮॥ यौ उपमा उपजी मन मै; मनो मुंडन को घरि ही धरि आए ॥१३५८॥ ਇਤਿ ਸ੍ਰੀ ਬਚਿਤ੍ਰ ਨਾਟਕ ਗ੍ਰੰਥੇ ਕ੍ਰਿਸਨਾਵਤਾਰੇ ਜੁਧ ਪ੍ਰਬੰਧੇ ਦਸ ਭੂਪ ਅਨੂਪ ਸਿੰਘ ਸਹਿਤ ਬਧ ਧਿਆਇ ਸਮਾਪਤੰ ॥ इति स्री बचित्र नाटक ग्रंथे क्रिसनावतारे जुध प्रबंधे दस भूप अनूप सिंघ सहित बध धिआइ समापतं ॥ ਅਥ ਕਰਮ ਸਿੰਘਾਦਿ ਪੰਚ ਭੂਪ ਜੁਧ ਕਥਨੰ ॥ अथ करम सिंघादि पंच भूप जुध कथनं ॥ ਛਪੈ ਛੰਦ ॥ छपै छंद ॥ ਕਰਮ ਸਿੰਘ ਜਯ ਸਿੰਘ; ਅਉਰ ਭਟ ਰਨ ਮੈ ਆਏ ॥ करम सिंघ जय सिंघ; अउर भट रन मै आए ॥ ਜਾਲਪ ਸਿੰਘ ਅਰੁ ਗਜਾ ਸਿੰਘ; ਅਤਿ ਕੋਪ ਬਢਾਏ ॥ जालप सिंघ अरु गजा सिंघ; अति कोप बढाए ॥ ਜਗਤ ਸਿੰਘ ਨ੍ਰਿਪ ਪਾਂਚ; ਮਹਾ ਸੁੰਦਰ ਸੂਰੇ ਬਰ ॥ जगत सिंघ न्रिप पांच; महा सुंदर सूरे बर ॥ ਤੁਮਲ ਕਰਿਯੋ ਸੰਗ੍ਰਾਮ; ਘਨੇ ਮਾਰੇ ਜਾਦਵ ਨਰ ॥ तुमल करियो संग्राम; घने मारे जादव नर ॥ ਤਬ ਸਸਤ੍ਰ ਕ੍ਰਿਤਾਸਤ੍ਰ ਸਿੰਘ ਕਸਿ; ਚਤੁਰ ਭੂਪ ਮਿਰਤਕ ਕੀਏ ॥ तब ससत्र क्रितासत्र सिंघ कसि; चतुर भूप मिरतक कीए ॥ ਇਕ ਜਗਤ ਸਿੰਘ ਜੀਵਤ ਬਚਿਯੋ; ਛਤ੍ਰਾਪਨ ਦ੍ਰਿਢ ਧਰ ਹੀਏ ॥੧੩੫੯॥ इक जगत सिंघ जीवत बचियो; छत्रापन द्रिढ धर हीए ॥१३५९॥ ਚੌਪਈ ॥ चौपई ॥ ਕਰਮ ਸਿੰਘ ਜਾਲਪ ਸਿੰਘ ਧਾਏ ॥ करम सिंघ जालप सिंघ धाए ॥ ਗਜਾ ਸਿੰਘ ਜੈ ਸਿੰਘ ਜੂ ਆਏ ॥ गजा सिंघ जै सिंघ जू आए ॥ ਜਗਤ ਸਿੰਘ ਅਤਿ ਗਰਬੁ ਜੁ ਕੀਨੋ ॥ जगत सिंघ अति गरबु जु कीनो ॥ ਤਾ ਤੇ ਕਾਲ ਪ੍ਰੇਰਿ ਰਨਿ ਦੀਨੋ ॥੧੩੬੦॥ ता ते काल प्रेरि रनि दीनो ॥१३६०॥ ਦੋਹਰਾ ॥ दोहरा ॥ ਕਰਮ ਸਿੰਘ ਜਾਲਪ ਸਿੰਘ; ਗਜਾ ਸਿੰਘ ਬਰਬੀਰ ॥ करम सिंघ जालप सिंघ; गजा सिंघ बरबीर ॥ ਜਯ ਸਿੰਘ ਸਹਿਤ ਕ੍ਰਿਤਾਸ ਸਿੰਘ; ਹਨੇ ਚਾਰ ਰਨਧੀਰ ॥੧੩੬੧॥ जय सिंघ सहित क्रितास सिंघ; हने चार रनधीर ॥१३६१॥ ਸਵੈਯਾ ॥ सवैया ॥ ਸਿੰਘ ਕ੍ਰਿਤਾਸ ਅਯੋਧਨ ਮੈ; ਹਰਿ ਕੀ ਦਿਸ ਕੇ ਨ੍ਰਿਪ ਚਾਰ ਸੰਘਾਰੇ ॥ सिंघ क्रितास अयोधन मै; हरि की दिस के न्रिप चार संघारे ॥ ਅਉਰ ਹਨੇ ਸੁ ਬਨੈਤ ਬਨੇ; ਜਦੁਬੀਰ ਘਨੇ ਜਮਲੋਕਿ ਸਿਧਾਰੇ ॥ अउर हने सु बनैत बने; जदुबीर घने जमलोकि सिधारे ॥ ਜਾਇ ਭਿਰਿਯੋ ਜਗਤੇਸ ਬਲੀ; ਸੰਗਿ ਆਪਨੇ ਬਾਨ ਕਮਾਨ ਸੰਭਾਰੇ ॥ जाइ भिरियो जगतेस बली; संगि आपने बान कमान स्मभारे ॥ ਅਉਰ ਜਿਤੇ ਰਨਿ ਠਾਢੇ ਹੁਤੇ ਭਟ; ਪੇਖਿ ਤਿਨੈ ਸਰ ਜਾਲ ਪ੍ਰਹਾਰੇ ॥੧੩੬੨॥ अउर जिते रनि ठाढे हुते भट; पेखि तिनै सर जाल प्रहारे ॥१३६२॥ ਮਾਰਿ ਬਿਦਾਰ ਦਯੋ ਦਲ ਕੋ; ਬਹੁਰੋ ਕਰ ਮੈ ਕਰਵਾਰ ਸੰਭਾਰਿਓ ॥ मारि बिदार दयो दल को; बहुरो कर मै करवार स्मभारिओ ॥ ਧਾਇ ਕੈ ਜਾਇ ਕੈ ਆਇ ਅਰਿਓ; ਜਗਤੇਸ ਕੇ ਸੀਸ ਹੂੰ ਹਾਥ ਪ੍ਰਹਾਰਿਓ ॥ धाइ कै जाइ कै आइ अरिओ; जगतेस के सीस हूं हाथ प्रहारिओ ॥ ਦੁਇ ਧਰ ਹੋਇ ਕੈ ਭੂਮਿ ਗਿਰਿਯੋ; ਰਥ ਤੇ ਤਿਹ ਕੋ ਕਬਿ ਭਾਵ ਬਿਚਾਰਿਓ ॥ दुइ धर होइ कै भूमि गिरियो; रथ ते तिह को कबि भाव बिचारिओ ॥ ਮਾਨੋ ਪਹਾਰ ਕੇ ਊਪਰਿ ਸਾਲਹਿ; ਬੀਜ ਪਰੀ ਤਿਹ ਦੁਇ ਕਰ ਡਾਰਿਓ ॥੧੩੬੩॥ मानो पहार के ऊपरि सालहि; बीज परी तिह दुइ कर डारिओ ॥१३६३॥ ਦੋਹਰਾ ॥ दोहरा ॥ ਕਠਿਨ ਸਿੰਘ ਹਰਿ ਕਟਕ ਤੇ; ਆਯੋ ਯਾ ਪਰ ਧਾਇ ॥ कठिन सिंघ हरि कटक ते; आयो या पर धाइ ॥ ਮਤ ਦੁਰਦ ਜਿਉ ਸਿੰਘ ਪੈ; ਆਵਤ ਕੋਪ ਬਢਾਇ ॥੧੩੬੪॥ मत दुरद जिउ सिंघ पै; आवत कोप बढाइ ॥१३६४॥ ਸਵੈਯਾ ॥ सवैया ॥ ਆਵਤ ਹੀ ਅਰਿ ਕੋ ਤਿਹ ਹੇਰਿ; ਸੁ ਏਕ ਹੀ ਬਾਨ ਕੇ ਸੰਗਿ ਸੰਘਾਰਿਓ ॥ आवत ही अरि को तिह हेरि; सु एक ही बान के संगि संघारिओ ॥ ਅਉਰ ਜਿਤੋ ਦਲ ਸਾਥ ਹੁਤੋ; ਤਿਹ ਕੋ ਘਰੀ ਏਕ ਬਿਖੈ ਹਨਿ ਡਾਰਿਓ ॥ अउर जितो दल साथ हुतो; तिह को घरी एक बिखै हनि डारिओ ॥ ਬੀਰ ਘਨੇ ਜਦੁ ਬੀਰਨ ਕੇ ਹਤਿ; ਕੋਪ ਕੈ ਸ੍ਯਾਮ ਕੀ ਓਰਿ ਨਿਹਾਰਿਓ ॥ बीर घने जदु बीरन के हति; कोप कै स्याम की ओरि निहारिओ ॥ ਆਇ ਲਰੋ, ਨ ਡਰੋ ਹਰਿ ਜੂ ! ਰਨਿ ਠਾਢੇ ਕਹਾ? ਇਹ ਭਾਂਤਿ ਉਚਾਰਿਓ ॥੧੩੬੫॥ आइ लरो, न डरो हरि जू ! रनि ठाढे कहा? इह भांति उचारिओ ॥१३६५॥ |
|
|
|
|
Dasam Granth |