ਦਸਮ ਗਰੰਥ । दसम ग्रंथ । |
Page 305 ਗੋਪੀ ਵਾਚ ॥ गोपी वाच ॥ ਸਵੈਯਾ ॥ सवैया ॥ ਕਾਨ੍ਹ ਕੇ ਗ੍ਵਾਰਿਨ ਸਾਥ ਕਹਿਯੋ; ਹਮ ਕੋ ਤਜਿ ਕੈ ਕਿਹ ਓਰਿ ਗਏ ਥੇ? ॥ कान्ह के ग्वारिन साथ कहियो; हम को तजि कै किह ओरि गए थे? ॥ ਪ੍ਰੀਤਿ ਬਢਾਇ ਮਹਾ ਹਮ ਸੋ; ਜਮੁਨਾ ਤਟਿ ਪੈ ਰਸ ਕੇਲ ਕਏ ਥੇ ॥ प्रीति बढाइ महा हम सो; जमुना तटि पै रस केल कए थे ॥ ਯੌ ਤਜਿ ਗੇ ਜਿਮ ਰਾਹਿ ਮੁਸਾਫਿਰ; ਸ੍ਯਾਮ ਕਹਿਯੋ ਤੁਮ ਨਾਹਿ ਨਏ ਥੇ ॥ यौ तजि गे जिम राहि मुसाफिर; स्याम कहियो तुम नाहि नए थे ॥ ਫੂਲ ਖਿਰੇ ਮੁਖ ਆਏ ਕਹਾ? ਅਪਨੀ ਬਿਰੀਆ ਕਹੂੰ ਭਉਰ ਭਏ ਥੇ ॥੫੦੮॥ फूल खिरे मुख आए कहा? अपनी बिरीआ कहूं भउर भए थे ॥५०८॥ ਅਥ ਚਤੁਰ ਪੁਰਖ ਭੇਦ ਕਥਨੰ ॥ अथ चतुर पुरख भेद कथनं ॥ ਸਵੈਯਾ ॥ सवैया ॥ ਨਰ ਏਕ ਅਕੀਨ ਹੀ ਪ੍ਰੀਤ ਕਰੈ; ਇਕ ਕੀਨ ਕਰੈ, ਇਕ ਕੀਨ ਜੁ ਜਾਨੈ ॥ नर एक अकीन ही प्रीत करै; इक कीन करै, इक कीन जु जानै ॥ ਏਕ ਨ ਪ੍ਰੀਤਿ ਕੇ ਭੇਦ ਜਨੈ; ਜੋਊ ਪ੍ਰੀਤਿ ਕਰੈ, ਅਰਿ ਕੈ ਤਿਹ ਮਾਨੈ ॥ एक न प्रीति के भेद जनै; जोऊ प्रीति करै, अरि कै तिह मानै ॥ ਸੋ ਨਰ ਮੂੜ ਬਿਖੈ ਕਹੀਯੈ ਜਗਿ; ਜੋ ਨਰ ਰੰਚ ਨ ਪ੍ਰੀਤਿ ਪਛਾਨੈ ॥ सो नर मूड़ बिखै कहीयै जगि; जो नर रंच न प्रीति पछानै ॥ ਸੋ ਚਰਚਾ ਰਸ ਕੀ ਇਹ ਭਾਂਤਿ ਸੁ; ਗ੍ਵਾਰਿਨੀਆ ਸੰਗਿ ਕਾਨ੍ਹ ਬਖਾਨੈ ॥੫੦੯॥ सो चरचा रस की इह भांति सु; ग्वारिनीआ संगि कान्ह बखानै ॥५०९॥ ਗੋਪੀ ਬਾਚ ॥ गोपी बाच ॥ ਸਵੈਯਾ ॥ सवैया ॥ ਗ੍ਵਾਰਿਨੀਆ ਇਹ ਭਾਂਤਿ ਕਹੈ; ਕਰਿ ਨੇਹ ਕੋ ਅੰਤਿ ਦਗਾ ਕੋਊ ਦੈ ਹੈ ॥ ग्वारिनीआ इह भांति कहै; करि नेह को अंति दगा कोऊ दै है ॥ ਦੋ ਜਨ ਛਾਡਿ ਪਰੋ ਹਰਿ ਗਯੋ ਜਨ; ਜੋ ਛਲ ਸੋ ਤਿਹ ਕੋ ਹਰਿ ਲੈ ਹੈ ॥ दो जन छाडि परो हरि गयो जन; जो छल सो तिह को हरि लै है ॥ ਜੋ ਬਟਹਾ ਜਨ ਘਾਵਤ ਹੈ ਕੋਊ; ਜਾਤ ਚਲਿਯੋ ਪਿਖ ਕੈ ਮਧਿਮੈ ਹੈ ॥ जो बटहा जन घावत है कोऊ; जात चलियो पिख कै मधिमै है ॥ ਪੈ ਖਿਝ ਕੈ ਅਤਿ ਹੀ ਗੁਪੀਆ; ਇਹ ਭਾਂਤਿ ਕਹਿਯੋ ਤਿਨ ਕੀ ਸਮ ਏ ਹੈ ॥੫੧੦॥ पै खिझ कै अति ही गुपीआ; इह भांति कहियो तिन की सम ए है ॥५१०॥ ਜਬ ਹੀ ਇਹ ਗ੍ਵਾਰਿਨ ਬਾਤ ਕਹੀ; ਤਬ ਹੀ ਤਿਨ ਕੇ ਸੰਗ ਕਾਨ੍ਹ ਹਸੈ ॥ जब ही इह ग्वारिन बात कही; तब ही तिन के संग कान्ह हसै ॥ ਜਿਹ ਨਾਮ ਕੇ ਲੇਤ ਜਰਾ ਮੁਖ ਤੇ; ਤਜ ਕੈ ਗਨਕਾ ਸਭ ਪਾਪ ਨਸੇ ॥ जिह नाम के लेत जरा मुख ते; तज कै गनका सभ पाप नसे ॥ ਨ ਜਪਿਯੋ ਜਿਹ ਜਾਪ ਸੋਊ ਉਜਰੇ; ਜਿਹ ਜਾਪ ਜਪਿਯੋ ਸੋਊ ਧਾਮ ਬਸੇ ॥ न जपियो जिह जाप सोऊ उजरे; जिह जाप जपियो सोऊ धाम बसे ॥ ਤਿਨ ਗੋਪਿਨ ਸੋ ਇਹ ਭਾਂਤਿ ਕਹਿਯੋ; ਹਮਹੂੰ ਅਤਿ ਹੀ ਰਸ ਬੀਚ ਫਸੇ ॥੫੧੧॥ तिन गोपिन सो इह भांति कहियो; हमहूं अति ही रस बीच फसे ॥५११॥ ਕਹਿ ਕੈ ਇਹ ਬਾਤ ਹਸੇ ਹਰਿ ਜੂ; ਉਠ ਕੈ ਜਮੁਨਾ ਜਲ ਬੀਚ ਤਰੇ ॥ कहि कै इह बात हसे हरि जू; उठ कै जमुना जल बीच तरे ॥ ਛਿਨ ਏਕ ਲਗਿਯੋ ਨ ਤਬੈ ਤਿਹ ਕੋ; ਲਖਿ ਕੈ ਜਮੁਨਾ ਕਹ ਪਾਰ ਪਰੇ ॥ छिन एक लगियो न तबै तिह को; लखि कै जमुना कह पार परे ॥ ਲਖਿ ਕੈ ਜਲ ਕੋ ਸੰਗ ਗੋਪਿਨ ਕੇ; ਭਗਵਾਨ ਮਹਾ ਉਪਹਾਸ ਕਰੇ ॥ लखि कै जल को संग गोपिन के; भगवान महा उपहास करे ॥ ਬਹੁ ਹੋਰਨਿ ਤੈ ਅਰੁ ਬ੍ਯਾਹਨਿ ਤੈ; ਕੁਰਮਾਤਨ ਤੈ ਅਤਿ ਸੋਊ ਖਰੇ ॥੫੧੨॥ बहु होरनि तै अरु ब्याहनि तै; कुरमातन तै अति सोऊ खरे ॥५१२॥ ਕਾਨ੍ਹ ਬਾਚ ॥ कान्ह बाच ॥ ਸਵੈਯਾ ॥ सवैया ॥ ਰਜਨੀ ਪਰ ਗੀ ਤਬ ਹੀ ਭਗਵਾਨ; ਕਹਿਯੋ ਹਸਿ ਕੈ ਹਮ ਰਾਸ ਕਰੈ ॥ रजनी पर गी तब ही भगवान; कहियो हसि कै हम रास करै ॥ ਸਸਿ ਰਾਜਤ ਹੈ, ਸਿਤ ਗੋਪਿਨ ਕੇ ਮੁਖ; ਸੁੰਦਰ ਸੇਤ ਹੀ ਹਾਰ ਡਰੈ ॥ ससि राजत है, सित गोपिन के मुख; सुंदर सेत ही हार डरै ॥ ਹਿਤ ਸੋ ਬ੍ਰਿਜ ਭੂਮਿ ਬਿਖੈ ਸਭ ਹੀ; ਰਸ ਖੇਲ ਕਰੈ ਕਰ ਡਾਰ ਗਰੈ ॥ हित सो ब्रिज भूमि बिखै सभ ही; रस खेल करै कर डार गरै ॥ ਤੁਮ ਕੋ ਜੋਊ ਸੋਕ ਬਢਿਯੋ ਬਿਛੁਰੇ; ਹਮ ਸੋ ਮਿਲਿ ਕੈ ਅਬ ਸੋਕ ਹਰੈ ॥੫੧੩॥ तुम को जोऊ सोक बढियो बिछुरे; हम सो मिलि कै अब सोक हरै ॥५१३॥ ਐਹੋ ਤ੍ਰੀਯਾ ! ਕਹਿ ਸ੍ਰੀ ਜਦੁਬੀਰ; ਸਭੈ ਤੁਮ ਰਾਸ ਕੋ ਖੇਲ ਕਰੋ ॥ ऐहो त्रीया ! कहि स्री जदुबीर; सभै तुम रास को खेल करो ॥ ਗਹਿ ਕੈ ਕਰ ਸੋ ਕਰੁ ਮੰਡਲ ਕੈ; ਨ ਕਛੂ ਮਨ ਭੀਤਰ ਲਾਜ ਧਰੋ ॥ गहि कै कर सो करु मंडल कै; न कछू मन भीतर लाज धरो ॥ ਹਮਹੂੰ ਤੁਮਰੇ ਸੰਗ ਰਾਸ ਕਰੈ; ਨਚਿ ਹੈ ਨਚਿਯੋ ਨਹ ਨੈਕੁ ਡਰੋ ॥ हमहूं तुमरे संग रास करै; नचि है नचियो नह नैकु डरो ॥ ਸਭ ਹੀ ਮਨ ਬੀਚ ਅਸੋਕ ਕਰੋ; ਅਤਿ ਹੀ ਮਨ ਸੋਕਨ ਕੋ ਸੁ ਹਰੋ ॥੫੧੪॥ सभ ही मन बीच असोक करो; अति ही मन सोकन को सु हरो ॥५१४॥ |
Dasam Granth |