ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 181 ਐਸਿ ਬਾਤ ਭਈ ਇਤੈ; ਉਹ ਓਰ ਬਿਸ੍ਵਾਮਿਤ੍ਰ ॥ ऐसि बात भई इतै; उह ओर बिस्वामित्र ॥ ਜੱਗ ਕੋ ਸੁ ਕਰਿਯੋ ਅਰੰਭਨ; ਤੋਖਨਾਰਥ ਪਿਤ੍ਰ ॥ जग को सु करियो अर्मभन; तोखनारथ पित्र ॥ ਹੋਮ ਕੀ ਲੈ ਬਾਸਨਾ; ਉਠ ਧਾਤ ਦੈਤ ਦੁਰੰਤ ॥ होम की लै बासना; उठ धात दैत दुरंत ॥ ਲੂਟ ਖਾਤ ਸਬੈ ਸਮਗਰੀ; ਮਾਰ ਕੂਟਿ ਮਹੰਤ ॥੬੨॥ लूट खात सबै समगरी; मार कूटि महंत ॥६२॥ ਲੂਟ ਖਾਤਹ ਵਿਖਯ ਜੇ; ਤਿਨ ਪੈ ਕਛੂ ਨ ਬਸਾਇ ॥ लूट खातह विखय जे; तिन पै कछू न बसाइ ॥ ਤਾਕ ਅਉਧਹ ਆਇਯੋ ਤਬ; ਰੋਸ ਕੈ ਮੁਨਿ ਰਾਇ ॥ ताक अउधह आइयो तब; रोस कै मुनि राइ ॥ ਆਇ ਭੂਪਤ ਕੱਉ ਕਹਾ; ਸੁਤ ਦੇਹੁ ਮੋ ਕਉ ਰਾਮ ॥ आइ भूपत कउ कहा; सुत देहु मो कउ राम ॥ ਨਾਤ੍ਰ ਤੋ ਕੱਉ ਭਸਮ ਕਰਿ ਹੱਉ; ਆਜ ਹੀ ਇਹ ਠਾਮ ॥੬੩॥ नात्र तो कउ भसम करि हउ; आज ही इह ठाम ॥६३॥ ਕੋਪ ਦੇਖਿ ਮੁਨੀਸ ਕੱਉ; ਨ੍ਰਿਪ ਪੂਤ ਤਾ ਸੰਗ ਦੀਨ ॥ कोप देखि मुनीस कउ; न्रिप पूत ता संग दीन ॥ ਜੱਗ ਮੰਡਲ ਕੱਉ ਚਲਯੋ; ਲੈ ਤਾਹਿ ਸੰਗਿ ਪ੍ਰਬੀਨ ॥ जग मंडल कउ चलयो; लै ताहि संगि प्रबीन ॥ ਏਕ ਮਾਰਗ ਦੂਰ ਹੈ; ਇਕ ਨੀਅਰ ਹੈ ਸੁਨਿ, ਰਾਮ ! ॥ एक मारग दूर है; इक नीअर है सुनि, राम ! ॥ ਰਾਹ ਮਾਰਤ ਰਾਛਸੀ; ਜਿਹ ਤਾਰਕਾ ਗਨਿ ਨਾਮ ॥੬੪॥ राह मारत राछसी; जिह तारका गनि नाम ॥६४॥ ਜਉਨ ਮਾਰਗ ਤੀਰ ਹੈ; ਤਿਹ ਰਾਹ ਚਾਲਹੁ ਆਜ ॥ जउन मारग तीर है; तिह राह चालहु आज ॥ ਚਿੱਤ ਚਿੰਤ ਨ ਕੀਜੀਐ; ਦਿਵ ਦੇਵ ਕੇ ਹੈਂ ਕਾਜ ॥ चित्त चिंत न कीजीऐ; दिव देव के हैं काज ॥ ਬਾਟਿ ਚਾਪੈ ਜਾਤ ਹੈਂ; ਤਬ ਲਉ ਨਿਸਾਚਰ ਆਨ ॥ बाटि चापै जात हैं; तब लउ निसाचर आन ॥ ਜਾਹੁਗੇ ਕਤ? ਰਾਮ ! ਕਹਿ; ਮਗਿ ਰੋਕਿਯੋ ਤਜਿ ਕਾਨ ॥੬੫॥ जाहुगे कत? राम ! कहि; मगि रोकियो तजि कान ॥६५॥ ਦੇਖਿ ਰਾਮ ਨਿਸਾਚਰੀ; ਗਹਿ ਲੀਨ ਬਾਨ ਕਮਾਨ ॥ देखि राम निसाचरी; गहि लीन बान कमान ॥ ਭਾਲ ਮਧ ਪ੍ਰਹਾਰਿਯੋ; ਸੁਰ ਤਾਨਿ ਕਾਨ ਪ੍ਰਮਾਨ ॥ भाल मध प्रहारियो; सुर तानि कान प्रमान ॥ ਬਾਨ ਲਾਗਤ ਹੀ ਗਿਰੀ; ਬਿਸੰਭਾਰੁ ਦੇਹਿ ਬਿਸਾਲ ॥ बान लागत ही गिरी; बिस्मभारु देहि बिसाल ॥ ਹਾਥਿ ਸ੍ਰੀ ਰਘੁਨਾਥ ਕੇ; ਭਯੋ ਪਾਪਨੀ ਕੋ ਕਾਲ ॥੬੬॥ हाथि स्री रघुनाथ के; भयो पापनी को काल ॥६६॥ ਐਸ ਤਾਹਿ ਸੰਘਾਰ ਕੈ; ਕਰ ਜੱਗ ਮੰਡਲ ਮੰਡ ॥ ऐस ताहि संघार कै; कर जग मंडल मंड ॥ ਆਇਗੇ ਤਬ ਲਉ ਨਿਸਾਚਰ; ਦੀਹ ਦੇਇ ਪ੍ਰਚੰਡ ॥ आइगे तब लउ निसाचर; दीह देइ प्रचंड ॥ ਭਾਜਿ ਭਾਜਿ ਚਲੇ ਸਭੈ ਰਿਖ; ਠਾਂਢ ਭੇ ਹਠਿ ਰਾਮ ॥ भाजि भाजि चले सभै रिख; ठांढ भे हठि राम ॥ ਜੁੱਧ ਕ੍ਰੁੱਧ ਕਰਿਯੋ ਤਿਹੂੰ; ਤਿਹ ਠਉਰ ਸੋਰਹ ਜਾਮ ॥੬੭॥ जुध क्रुध करियो तिहूं; तिह ठउर सोरह जाम ॥६७॥ ਮਾਰ ਮਾਰ ਪੁਕਾਰ ਦਾਨਵ; ਸਸਤ੍ਰ ਅਸਤ੍ਰ ਸੰਭਾਰਿ ॥ मार मार पुकार दानव; ससत्र असत्र स्मभारि ॥ ਬਾਨ ਪਾਨ ਕਮਾਨ ਕੱਉ ਧਰਿ; ਤਬਰ ਤਿੱਛ ਕੁਠਾਰਿ ॥ बान पान कमान कउ धरि; तबर तिच्छ कुठारि ॥ ਘੋਰਿ ਘੋਰਿ ਦਸੋ ਦਿਸਾ; ਨਹਿ ਸੂਰਬੀਰ ਪ੍ਰਮਾਥ ॥ घोरि घोरि दसो दिसा; नहि सूरबीर प्रमाथ ॥ ਆਇ ਕੈ ਜੂਝੇ ਸਬੈ ਰਣ; ਰਾਮ ਏਕਲ ਸਾਥ ॥੬੮॥ आइ कै जूझे सबै रण; राम एकल साथ ॥६८॥ ਰਸਾਵਲ ਛੰਦ ॥ रसावल छंद ॥ ਰਣੰ ਪੇਖਿ ਰਾਮੰ ॥ रणं पेखि रामं ॥ ਧੁਜੰ ਧਰਮ ਧਾਮੰ ॥ धुजं धरम धामं ॥ ਚਹੂੰ ਓਰ ਢੂਕੇ ॥ चहूं ओर ढूके ॥ ਮੁਖੰ ਮਾਰ ਕੂਕੇ ॥੬੯॥ मुखं मार कूके ॥६९॥ ਬਜੇ ਘੋਰ ਬਾਜੇ ॥ बजे घोर बाजे ॥ ਧੁਣੰ ਮੇਘ ਲਾਜੇ ॥ धुणं मेघ लाजे ॥ ਝੰਡਾ ਗੱਡ ਗਾੜੇ ॥ झंडा गड गाड़े ॥ ਮੰਡੇ ਬੈਰ ਬਾੜੇ ॥੭੦॥ मंडे बैर बाड़े ॥७०॥ ਕੜੱਕੇ ਕਮਾਣੰ ॥ कड़के कमाणं ॥ ਝੜੱਕੇ ਕ੍ਰਿਪਾਣੰ ॥ झड़के क्रिपाणं ॥ ਢਲਾ ਢੁੱਕ ਢਾਲੈ ॥ ढला ढुक ढालै ॥ ਚਲੀ ਪੀਤ ਪਾਲੈ ॥੭੧॥ चली पीत पालै ॥७१॥ ਰਣੰ ਰੰਗ ਰੱਤੇ ॥ रणं रंग रत्ते ॥ ਮਨੋ ਮੱਲ ਮੱਤੇ ॥ मनो मल मत्ते ॥ ਸਰੰ ਧਾਰ ਬਰਖੇ ॥ सरं धार बरखे ॥ ਮਹਿਖੁਆਸ ਕਰਖੈ ॥੭੨॥ महिखुआस करखै ॥७२॥ ਕਰੀ ਬਾਨ ਬਰਖਾ ॥ करी बान बरखा ॥ ਸੁਣੇ ਜੀਤ ਕਰਖਾ ॥ सुणे जीत करखा ॥ ਸੁਬਾਹੰ ਮਰੀਚੰ ॥ सुबाहं मरीचं ॥ ਚਲੇ ਬਾਛ ਮੀਚੰ ॥੭੩॥ चले बाछ मीचं ॥७३॥ ਇਕੈ ਬਾਰ ਟੂਟੇ ॥ इकै बार टूटे ॥ ਮਨੋ ਬਾਜ ਛੂਟੇ ॥ मनो बाज छूटे ॥ ਲਯੋ ਘੋਰਿ ਰਾਮੰ ॥ लयो घोरि रामं ॥ ਸਸੰ ਜੇਮ ਕਾਮੰ ॥੭੪॥ ससं जेम कामं ॥७४॥ ਘਿਰਯੋ ਦੈਤ ਸੈਣੰ ॥ घिरयो दैत सैणं ॥ ਜਿਮੰ ਰੁਦ੍ਰ ਮੈਣੰ ॥ जिमं रुद्र मैणं ॥ ਰੁਕੇ ਰਾਮ ਜੰਗੰ ॥ रुके राम जंगं ॥ ਮਨੋ ਸਿੰਧ ਗੰਗੰ ॥੭੫॥ मनो सिंध गंगं ॥७५॥ ਰਣੰ ਰਾਮ ਬੱਜੇ ॥ रणं राम बज्जे ॥ ਧੁਣੰ ਮੇਘ ਲੱਜੇ ॥ धुणं मेघ लज्जे ॥ ਰੁਲੇ ਤੱਛ ਮੁੱਛੰ ॥ रुले तच्छ मुच्छं ॥ ਗਿਰੇ ਸੂਰ ਸ੍ਵੱਛੰ ॥੭੬॥ गिरे सूर स्वच्छं ॥७६॥ |
|
|
|
|
Dasam Granth |