ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 163 ਸਾਜ ਬਾਜ ਕਟੇ ਕਹੂੰ ਗਜ; ਰਾਜ ਤਾਜ ਅਨੇਕ ॥ साज बाज कटे कहूं गज; राज ताज अनेक ॥ ਉਸਟਿ ਪੁਸਟਿ ਗਿਰੇ ਕਹੂੰ; ਰਿਪੁ ਬਾਚੀਯੰ ਨਹੀ ਏਕੁ ॥੧੯॥ उसटि पुसटि गिरे कहूं; रिपु बाचीयं नही एकु ॥१९॥ ਛਾਡਿ ਛਾਡਿ ਚਲੇ ਤਹਾ; ਨ੍ਰਿਪ ਸਾਜ ਬਾਜ ਅਨੰਤ ॥ छाडि छाडि चले तहा; न्रिप साज बाज अनंत ॥ ਗਾਜ ਗਾਜ ਹਨੇ ਸਦਾ; ਸਿਵ ਸੂਰਬੀਰ ਦੁਰੰਤ ॥ गाज गाज हने सदा; सिव सूरबीर दुरंत ॥ ਭਾਜ ਭਾਜ ਚਲੇ ਹਠੀ; ਹਥਿਆਰ ਹਾਥਿ ਬਿਸਾਰਿ ॥ भाज भाज चले हठी; हथिआर हाथि बिसारि ॥ ਬਾਣ ਪਾਣ ਕਮਾਣ ਛਾਡਿ; ਸੁ ਚਰਮ ਬਰਮ ਬਿਸਾਰਿ ॥੨੦॥ बाण पाण कमाण छाडि; सु चरम बरम बिसारि ॥२०॥ ਨਰਾਜ ਛੰਦ ॥ नराज छंद ॥ ਜਿਤੇ ਕੁ ਸੂਰ ਧਾਈਯੰ ॥ जिते कु सूर धाईयं ॥ ਤਿਤੇਕੁ ਰੁਦ੍ਰ ਘਾਈਯੰ ॥ तितेकु रुद्र घाईयं ॥ ਜਿਤੇ ਕੁ ਅਉਰ ਧਾਵਹੀ ॥ जिते कु अउर धावही ॥ ਤਿਤਿਯੋ ਮਹੇਸ ਘਾਵਹੀ ॥੨੧॥ तितियो महेस घावही ॥२१॥ ਕਬੰਧ ਅੰਧ ਉਠਹੀ ॥ कबंध अंध उठही ॥ ਬਸੇਖ ਬਾਣ ਬੁਠਹੀ ॥ बसेख बाण बुठही ॥ ਪਿਨਾਕ ਪਾਣਿ ਤੇ ਹਣੇ ॥ पिनाक पाणि ते हणे ॥ ਅਨੰਤ ਸੂਰਮਾ ਬਣੇ ॥੨੨॥ अनंत सूरमा बणे ॥२२॥ ਰਸਾਵਲ ਛੰਦ ॥ रसावल छंद ॥ ਸਿਲਹ ਸੰਜਿ ਸਜੇ ॥ सिलह संजि सजे ॥ ਚਹੂੰ ਓਰਿ ਗਜੇ ॥ चहूं ओरि गजे ॥ ਮਹਾ ਬੀਰ ਬੰਕੇ ॥ महा बीर बंके ॥ ਮਿਟੈ ਨਾਹਿ ਡੰਕੇ ॥੨੩॥ मिटै नाहि डंके ॥२३॥ ਬਜੇ ਘੋਰਿ ਬਾਜੰ ॥ बजे घोरि बाजं ॥ ਸਜੇ ਸੂਰ ਸਾਜੰ ॥ सजे सूर साजं ॥ ਘਣੰ ਜੇਮ ਗਜੇ ॥ घणं जेम गजे ॥ ਮਹਿਖੁਆਸ ਸਜੇ ॥੨੪॥ महिखुआस सजे ॥२४॥ ਮਹਿਖੁਆਸ ਧਾਰੀ ॥ महिखुआस धारी ॥ ਚਲੇ ਬਿਯੋਮਚਾਰੀ ॥ चले बियोमचारी ॥ ਸੁਭੰ ਸੂਰ ਹਰਖੇ ॥ सुभं सूर हरखे ॥ ਸਰੰ ਧਾਰ ਬਰਖੇ ॥੨੫॥ सरं धार बरखे ॥२५॥ ਧਰੇ ਬਾਣ ਪਾਣੰ ॥ धरे बाण पाणं ॥ ਚੜੇ ਤੇਜ ਮਾਣੰ ॥ चड़े तेज माणं ॥ ਕਟਾ ਕਟਿ ਬਾਹੈ ॥ कटा कटि बाहै ॥ ਅਧੋ ਅੰਗ ਲਾਹੈ ॥੨੬॥ अधो अंग लाहै ॥२६॥ ਰਿਸੇ ਰੋਸਿ ਰੁਦ੍ਰੰ ॥ रिसे रोसि रुद्रं ॥ ਚਲੈ ਭਾਜ ਛੁਦ੍ਰੰ ॥ चलै भाज छुद्रं ॥ ਮਹਾ ਬੀਰ ਗਜੇ ॥ महा बीर गजे ॥ ਸਿਲਹ ਸੰਜਿ ਸਜੇ ॥੨੭॥ सिलह संजि सजे ॥२७॥ ਲਏ ਸਕਤਿ ਪਾਣੰ ॥ लए सकति पाणं ॥ ਚੜੇ ਤੇਜ ਮਾਣੰ ॥ चड़े तेज माणं ॥ ਗਣੰ ਗਾੜ ਗਾਜੇ ॥ गणं गाड़ गाजे ॥ ਰਣੰ ਰੁਦ੍ਰ ਰਾਜੇ ॥੨੮॥ रणं रुद्र राजे ॥२८॥ ਭਭੰਕੰਤ ਘਾਯੰ ॥ भभंकंत घायं ॥ ਲਰੇ ਚਉਪ ਚਾਯੰ ॥ लरे चउप चायं ॥ ਡਕੀ ਡਾਕਣੀਯੰ ॥ डकी डाकणीयं ॥ ਰੜੈ ਕਾਕਣੀਯੰ ॥੨੯॥ रड़ै काकणीयं ॥२९॥ ਭਯੰ ਰੋਸ ਰੁਦ੍ਰੰ ॥ भयं रोस रुद्रं ॥ ਹਣੈ ਦੈਤ ਛੁਦ੍ਰੰ ॥ हणै दैत छुद्रं ॥ ਕਟੇ ਅਧੁ ਅਧੰ ॥ कटे अधु अधं ॥ ਭਈ ਸੈਣ ਬਧੰ ॥੩੦॥ भई सैण बधं ॥३०॥ ਰਿਸਿਯੋ ਸੂਲ ਪਾਣੰ ॥ रिसियो सूल पाणं ॥ ਹਣੈ ਦੈਤ ਭਾਣੰ ॥ हणै दैत भाणं ॥ ਸਰੰ ਓਘ ਛੁਟੇ ॥ सरं ओघ छुटे ॥ ਘਣੰ ਜੇਮ ਟੁਟੇ ॥੩੧॥ घणं जेम टुटे ॥३१॥ ਰਣੰ ਰੁਦ੍ਰ ਗਜੇ ॥ रणं रुद्र गजे ॥ ਤਬੈ ਦੈਤ ਭਜੇ ॥ तबै दैत भजे ॥ ਤਜੈ ਸਸਤ੍ਰ ਸਰਬੰ ॥ तजै ससत्र सरबं ॥ ਮਿਟਿਓ ਦੇਹ ਗਰਬੰ ॥੩੨॥ मिटिओ देह गरबं ॥३२॥ ਚੌਪਈ ॥ चौपई ॥ ਧਾਯੋ ਤਬੈ ਅੰਧਕ ਬਲਵਾਨਾ ॥ धायो तबै अंधक बलवाना ॥ ਸੰਗ ਲੈ ਸੈਨ ਦਾਨਵੀ ਨਾਨਾ ॥ संग लै सैन दानवी नाना ॥ ਅਮਿਤ ਬਾਣ ਨੰਦੀ ਕਹੁ ਮਾਰੇ ॥ अमित बाण नंदी कहु मारे ॥ ਬੇਧਿ ਅੰਗ ਕਹ ਪਾਰ ਪਧਾਰੇ ॥੩੩॥ बेधि अंग कह पार पधारे ॥३३॥ ਜਬ ਹੀ ਬਾਣ ਲਗੇ ਬਾਹਣ ਤਨਿ ॥ जब ही बाण लगे बाहण तनि ॥ ਰੋਸ ਜਗਿਯੋ ਤਬ ਹੀ ਸਿਵ ਕੇ ਮਨਿ ॥ रोस जगियो तब ही सिव के मनि ॥ ਅਧਿਕ ਰੋਸ ਕਰਿ ਬਿਸਖ ਚਲਾਏ ॥ अधिक रोस करि बिसख चलाए ॥ ਭੂਮਿ ਅਕਾਸਿ ਛਿਨਕ ਮਹਿ ਛਾਏ ॥੩੪॥ भूमि अकासि छिनक महि छाए ॥३४॥ ਬਾਣਾਵਲੀ ਰੁਦ੍ਰ ਜਬ ਸਾਜੀ ॥ बाणावली रुद्र जब साजी ॥ ਤਬ ਹੀ ਸੈਣ ਦਾਨਵੀ ਭਾਜੀ ॥ तब ही सैण दानवी भाजी ॥ ਤਬ ਅੰਧਕ ਸਿਵ ਸਾਮੁਹੁ ਧਾਯੋ ॥ तब अंधक सिव सामुहु धायो ॥ ਦੁੰਦ ਜੁਧੁ ਰਣ ਮਧਿ ਮਚਾਯੋ ॥੩੫॥ दुंद जुधु रण मधि मचायो ॥३५॥ ਅੜਿਲ ॥ अड़िल ॥ ਬੀਸ ਬਾਣ ਤਿਨ ਸਿਵਹਿ; ਪ੍ਰਹਾਰੇ ਕੋਪ ਕਰਿ ॥ बीस बाण तिन सिवहि; प्रहारे कोप करि ॥ ਲਗੇ ਰੁਦ੍ਰ ਕੇ ਗਾਤ; ਗਏ ਓਹ ਘਾਨਿ ਕਰ ॥ लगे रुद्र के गात; गए ओह घानि कर ॥ ਗਹਿ ਪਿਨਾਕ ਕਹ ਪਾਣਿ; ਪਿਨਾਕੀ ਧਾਇਓ ॥ गहि पिनाक कह पाणि; पिनाकी धाइओ ॥ ਹੋ ਤੁਮੁਲ ਜੁਧੁ ਦੁਹੂੰਅਨ; ਰਣ ਮਧਿ ਮਚਾਇਓ ॥੩੬॥ हो तुमुल जुधु दुहूंअन; रण मधि मचाइओ ॥३६॥ ਤਾੜਿ ਸਤ੍ਰੁ ਕਹ ਬਹੁਰਿ; ਪਿਨਾਕੀ ਕੋਪੁ ਹੁਐ ॥ ताड़ि सत्रु कह बहुरि; पिनाकी कोपु हुऐ ॥ ਹਣੈ ਦੁਸਟ ਕਹੁ ਬਾਣ; ਨਿਖੰਗ ਤੇ ਕਾਢ ਦੁਐ ॥ हणै दुसट कहु बाण; निखंग ते काढ दुऐ ॥ ਗਿਰਿਯੋ ਭੂਮਿ ਭੀਤਰਿ; ਸਿਰਿ ਸਤ੍ਰੁ ਪ੍ਰਹਾਰਿਯੋ ॥ गिरियो भूमि भीतरि; सिरि सत्रु प्रहारियो ॥ ਹੋ ਜਨਕੁ ਗਾਜ ਕਰਿ ਕੋਪ; ਬੁਰਜ ਕਹੁ ਮਾਰਿਯੋ ॥੩੭॥ हो जनकु गाज करि कोप; बुरज कहु मारियो ॥३७॥ |
|
|
|
|
Dasam Granth |