ਦਸਮ ਗਰੰਥ । दसम ग्रंथ ।

Page 152

ਅਥ ਮਹਾ ਮੋਹਨੀ ਅਵਤਾਰ ਕਥਨੰ ॥

अथ महा मोहनी अवतार कथनं ॥

ਸ੍ਰੀ ਭਗਉਤੀ ਜੀ ਸਹਾਇ ॥

स्री भगउती जी सहाइ ॥

ਭੁਜੰਗ ਪ੍ਰਯਾਤ ਛੰਦ ॥

भुजंग प्रयात छंद ॥

ਮਹਾ ਮੋਹਨੀ ਰੂਪ ਧਾਰਿਯੋ ਅਪਾਰੰ ॥

महा मोहनी रूप धारियो अपारं ॥

ਰਹੇ ਮੋਹਿ ਕੈ ਦਿਤਿ ਆਦਿਤਿਯਾ ਕੁਮਾਰੰ ॥

रहे मोहि कै दिति आदितिया कुमारं ॥

ਛਕੇ ਪ੍ਰੇਮ ਜੋਗੰ ਰਹੇ ਰੀਝ ਸਰਬੰ ॥

छके प्रेम जोगं रहे रीझ सरबं ॥

ਤਜੈ ਸਸਤ੍ਰ ਅਸਤ੍ਰੰ ਦੀਯੋ ਛੋਰ ਗਰਬੰ ॥੧॥

तजै ससत्र असत्रं दीयो छोर गरबं ॥१॥

ਫੰਧੇ ਪ੍ਰੇਮ ਫਾਧੰ ਭਯੋ ਕੋਪ ਹੀਣੰ ॥

फंधे प्रेम फाधं भयो कोप हीणं ॥

ਲਗੈ ਨੈਨ ਬੈਨੰ ਧਯੋ ਪਾਨਿ ਪੀਣੰ ॥

लगै नैन बैनं धयो पानि पीणं ॥

ਗਿਰੇ ਝੂੰਮਿ ਭੂਮੰ ਛੁਟੇ ਜਾਨ ਪ੍ਰਾਣੰ ॥

गिरे झूमि भूमं छुटे जान प्राणं ॥

ਸਭੈ ਚੇਤ ਹੀਣੰ ਲਗੇ ਜਾਨ ਬਾਣੰ ॥੨॥

सभै चेत हीणं लगे जान बाणं ॥२॥

ਲਖੇ ਚੇਤਹੀਣੰ ਭਏ ਸੂਰ ਸਰਬੰ ॥

लखे चेतहीणं भए सूर सरबं ॥

ਛੁਟੇ ਸਸਤ੍ਰ ਅਸਤ੍ਰੰ ਸਭੈ ਅਰਬ ਖਰਬੰ ॥

छुटे ससत्र असत्रं सभै अरब खरबं ॥

ਭਯੋ ਪ੍ਰੇਮ ਜੋਗੰ ਲਗੇ ਨੈਨ ਐਸੇ ॥

भयो प्रेम जोगं लगे नैन ऐसे ॥

ਮਨੋ ਫਾਧਿ ਫਾਧੇ ਮ੍ਰਿਗੀਰਾਜ ਜੈਸੇ ॥੩॥

मनो फाधि फाधे म्रिगीराज जैसे ॥३॥

ਜਿਨੈ ਰਤਨ ਬਾਟੇ ਤੁਮਊ ਤਾਹਿ ਜਾਨੋ ॥

जिनै रतन बाटे तुमऊ ताहि जानो ॥

ਕਥਾ ਬ੍ਰਿਧ ਤੇ ਬਾਤ ਥੋਰੀ ਬਖਾਨੋ ॥

कथा ब्रिध ते बात थोरी बखानो ॥

ਸਬੈ ਪਾਤਿ ਪਾਤੰ ਬਹਿਠੈ ਸੁ ਬੀਰੰ ॥

सबै पाति पातं बहिठै सु बीरं ॥

ਕਟੰ ਪੇਚ ਛੋਰੇ ਤਜੇ ਤੇਗ ਤੀਰੰ ॥੪॥

कटं पेच छोरे तजे तेग तीरं ॥४॥

ਚੌਪਈ ॥

चौपई ॥

ਸਭ ਜਗ ਕੋ ਜੁ ਧਨੰਤਰਿ ਦੀਆ ॥

सभ जग को जु धनंतरि दीआ ॥

ਕਲਪ ਬ੍ਰਿਛੁ ਲਛਮੀ ਕਰਿ ਲੀਆ ॥

कलप ब्रिछु लछमी करि लीआ ॥

ਸਿਵ ਮਾਹੁਰ ਰੰਭਾ ਸਭ ਲੋਕਨ ॥

सिव माहुर र्मभा सभ लोकन ॥

ਸੁਖ ਕਰਤਾ ਹਰਤਾ ਸਭ ਸੋਕਨ ॥੫॥

सुख करता हरता सभ सोकन ॥५॥

ਦੋਹਰਾ ॥

दोहरा ॥

ਸਸਿ ਕ੍ਰਿਸ ਕੇ ਕਰਬੇ ਨਮਿਤ; ਮਨਿ ਲਛਮੀ ਕਰਿ ਲੀਨ ॥

ससि क्रिस के करबे नमित; मनि लछमी करि लीन ॥

ਉਰਿ ਰਾਖੀ ਤਿਹ ਤੇ ਚਮਕ; ਪ੍ਰਗਟ ਦਿਖਾਈ ਦੀਨ ॥੬॥

उरि राखी तिह ते चमक; प्रगट दिखाई दीन ॥६॥

ਗਾਇ ਰਿਖੀਸਨ ਕਉ ਦਈ; ਕਹ ਲਉ ਕਰੋ ਬਿਚਾਰ? ॥

गाइ रिखीसन कउ दई; कह लउ करो बिचार? ॥

ਸਾਸਤ੍ਰ ਸੋਧ ਕਬੀਅਨ ਮੁਖਨ; ਲੀਜਹੁ ਪੂਛਿ ਸੁਧਾਰ ॥੭॥

सासत्र सोध कबीअन मुखन; लीजहु पूछि सुधार ॥७॥

ਭੁਜੰਗ ਪ੍ਰਯਾਤ ਛੰਦ ॥

भुजंग प्रयात छंद ॥

ਰਹੇ ਰੀਝ ਐਸੇ ਸਬੈ ਦੇਵ ਦਾਨੰ ॥

रहे रीझ ऐसे सबै देव दानं ॥

ਮ੍ਰਿਗੀ ਰਾਜ ਜੈਸੇ ਸੁਨੇ ਨਾਦ ਕਾਨੰ ॥

म्रिगी राज जैसे सुने नाद कानं ॥

ਬਟੇ ਰਤਨ ਸਰਬੰ ਗਈ ਛੂਟ ਰਾਰੰ ॥

बटे रतन सरबं गई छूट रारं ॥

ਧਰਿਯੋ ਐਸ ਸ੍ਰੀ ਬਿਸਨੁ ਪੰਚਮ ਵਤਾਰੰ ॥੮॥

धरियो ऐस स्री बिसनु पंचम वतारं ॥८॥

ਇਤਿ ਸ੍ਰੀ ਬਚਿਤ੍ਰ ਨਾਟਕੇ ਗ੍ਰੰਥੇ ਮਹਾਮੋਹਨੀ ਪੰਚਮੋ ਅਵਤਾਰ ਸਮਾਪਤਮ ਸਤੁ ਸੁਭਮ ਸਤੁ ॥੫॥

इति स्री बचित्र नाटके ग्रंथे महामोहनी पंचमो अवतार समापतम सतु सुभम सतु ॥५॥


ਅਥ ਬੈਰਾਹ ਅਵਤਾਰ ਕਥਨੰ ॥

अथ बैराह अवतार कथनं ॥

ਭੁਜੰਗ ਪ੍ਰਯਾਤ ਛੰਦ ॥

भुजंग प्रयात छंद ॥

ਦਯੋ ਬਾਟ ਮਦਿਯੰ ਅਮਦਿਯੰ ਭਗਵਾਨੰ ॥

दयो बाट मदियं अमदियं भगवानं ॥

ਗਏ ਠਾਮ ਠਾਮੰ ਸਬੈ ਦੇਵ ਦਾਨੰ ॥

गए ठाम ठामं सबै देव दानं ॥

ਪੁਨਰ ਦ੍ਰੋਹ ਬਢਿਯੋ ਸੁ ਆਪੰ ਮਝਾਰੰ ॥

पुनर द्रोह बढियो सु आपं मझारं ॥

ਭਜੇ ਦੇਵਤਾ ਦਈਤ ਜਿਤੇ ਜੁਝਾਰੰ ॥੧॥

भजे देवता दईत जिते जुझारं ॥१॥

ਹਿਰਿਨ੍ਯੋ ਹਿਰਿੰਨਾਛਸੰ ਦੋਇ ਬੀਰੰ ॥

हिरिन्यो हिरिंनाछसं दोइ बीरं ॥

ਸਬੈ ਲੋਗ ਕੈ ਜੀਤ ਲੀਨੇ ਗਹੀਰੰ ॥

सबै लोग कै जीत लीने गहीरं ॥

ਜਲੰ ਬਾ ਥਲੇਯੰ ਕੀਯੋ ਰਾਜ ਸਰਬੰ ॥

जलं बा थलेयं कीयो राज सरबं ॥

ਭੁਜਾ ਦੇਖਿ ਭਾਰੀ ਬਢਿਯੋ ਤਾਹਿ ਗਰਬੰ ॥੨॥

भुजा देखि भारी बढियो ताहि गरबं ॥२॥

ਚਹੈ ਜੁਧ ਮੋ ਸੋ ਕਰੇ ਆਨਿ ਕੋਊ ॥

चहै जुध मो सो करे आनि कोऊ ॥

ਬਲੀ ਹੋਏ ਵਾ ਸੋ ਭਿਰੇ ਆਨਿ ਸੋਊ ॥

बली होए वा सो भिरे आनि सोऊ ॥

ਚੜਿਯੋ ਮੇਰ ਸ੍ਰਿੰਗ ਪਗੰ ਗੁਸਟ ਸੰਗੰ ॥

चड़ियो मेर स्रिंग पगं गुसट संगं ॥

ਹਰੇ ਬੇਦ ਭੂਮੰ ਕੀਏ ਸਰਬ ਭੰਗੰ ॥੩॥

हरे बेद भूमं कीए सरब भंगं ॥३॥

ਧਸੀ ਭੂਮਿ ਬੇਦੰ ਰਹੀ ਹੁਐ ਪਤਾਰੰ ॥

धसी भूमि बेदं रही हुऐ पतारं ॥

ਧਰਿਯੋ ਬਿਸਨ ਤਉ ਦਾੜ ਗਾੜਾਵਤਾਰੰ ॥

धरियो बिसन तउ दाड़ गाड़ावतारं ॥

ਧਸ੍ਯੋ ਨੀਰ ਮਧੰ ਕੀਯੋ ਊਚ ਨਾਦੰ ॥

धस्यो नीर मधं कीयो ऊच नादं ॥

ਰਹੀ ਧੂਰਿ ਪੂਰੰ ਧੁਨੰ ਨਿਰਬਖਾਦੰ ॥੪॥

रही धूरि पूरं धुनं निरबखादं ॥४॥

TOP OF PAGE

Dasam Granth